تقرير مفصل عن هوندا سيفك الجيل السادس ( 96 : 2000 ) بالصور

[محمد اشرف]

[tefa_memo]

شكرا لمروركم جميعا

[semsem kane]

المشاركة الأصلية كتبت بواسطة tefa_memo شكرا لمروركم جميعا

اعتقد يااستاذ , ان من الذوق انك لما تنقل موضوع من منتدى تانى وتحرف فية شوية صور وجمل , تقول انة منقول , مش يبقى الانسان اللى بيكلمك دة هو اللى تعب فى الموضوع وكتبة , وانت تيجى تعملة copy ,paste وتعدل فية شوية صور وجمل وكدة بقى الموضوع بتاعك , ولا اية

نسيت اقولك كماااااااااان , انت ناسخ الموضوع دة من 27-9-2012

انا عامل الموضوع دة من 31-1-2012

ونفس الكلام هنا هو اللى انت ناسخة بالحرف والكلمة

وياريت ماتنكرش اى حاجة عشان انا اللى عامل الموضوع دة , ونفس كلامك هو كلامى بنفس الترتيب بكل حاجة حتى الالوان ماسيبتهاش والصور اللى جايبها بردة خدتها بيها , الصراحة مش عارف اقولك اية !!!!!!!!!!!!!!!!!!!

لما تحب تقتبس حاجة تقول انها منقولة عشان دية حاجة اسمها امانة

ولما تحب تعمل موضوع ابقى دور واتعب فى ال data sheet بتاعة كل شركة عشان تعرف تجيب المعلومة , مش مجرد كلام بيتقال وخلاص

وكل اللى هقولة حسبنا الله ونعم الوكيل فى انعدام الامانة وانتساب الاعمال

[semsem kane]

طبعا من الواضح ان بعد المشاركة اللى فوق من 420 مشاهدة ودلوقتى وصلوا ل 660 مشاهدة تقريبا ومحدش رد بكلمة واحدة

عموما انا بعت للادارة عن كل اللى بيحصل واتمنى انهم ياخدوا موقف فعلا

لان مش الموضوع دة بس اللى متاخد , لأ دية فية كمان موضوعات تانية وبردة من مواضيعى اللى انا عاملها بس اللى خد المواضيع التانية عندة امانة وكتب انها منقولة وانا ماتكلمتش معاة عشان هو انسان محترم , لكن اللى ياخد مواضيع مش بتاعتة ويقول انه هو اللى عاملها عشان حاططلى فيها شوية صور زيادة وكام عنوان وكام فراشة , يبقى كدة الموضوع بقى بتاعة خلاص

مستنى رد الادارة وقرارها

[YahiaAshraf]

المشاركة الأصلية كتبت بواسطة tefa_memo السلام عليكم ورحمه الله وبركاته الهوندا السيفك من 96 : 2000 بصراحة حبيت اعمل الموضوع ده لان الموديلات في الفترة دي مظلومة في مصر ولم تأخذ حقها لسبب ما ولكن في اعتقادي الشخصي ان الموديلات دي وخاصة 98 من احسن الموديلات اللي نزلت بعد الـ 93 اول ظهور لهذا الجيل كان فى اواخر عام 1995 وبدأ تسويقة فى وائل عام 1996 وبهذا يكون قد تم انتاج الجيل السادس من الشهيرة سيفيك وكما هى عادت هوندا فقد تم تدشين هذة السيارة بالعديد من المحركات بداية من ال 1500 سى سى وحتى ال 1600 وهما المتوافرين فى السوق المصرى والذى سوف نتسعرضهم * تأتى هذة السيارة مختلفة كليا من حيث التصميم والمحركات عن الجيل الخامس حيث اصبحت فئتها LXI , EXI , VTI , SiR جميعاها متوافرة بناقل حركة اتوماتيكى بنسبة كبيرة جدا ماعدا فئة ال SiR متوافرة بناقل حركة مانيوال بنسبة كبيرة جدا , ايضا تم اصدار النسخة الكوبية والهاتشباك من هذة الفئة , واول ظهور لسيارة من الجيل السادس يحمل محركها نظام التشغيل بالغاز الطبيعى , ثم تم اصدار فى عام 1997 محرك يعمل بحقن الوقود المباشر ( direct injection fuel ) وهو محرك 1400 سى سى بقوة 107 حصان مزود بفتيس cvt مع نظام لتوفير الوقود eco mode , وتم ايضا ظهور محركات ال 1800 سى سى او مايطلق عليا بال type - R وهية محركات تصل قوتها الى 200 حصان نأتي لشرح كل نوع منهم علي حده الانواع الموجودة من هذا الموديل :** ** الخليجي ** سيدان و هاتش باك 1- LXi و هي 1500 سي سي بقدرة 110 حصان تكييف و بور فقط لا غير 2- EXi و هي 1500 سي سي بقدرة 110 حصان و جميع الكماليات وبعضها به وساده هوائية 3- VTi و هي 1600 سي سي VTEC بقدره 137 حصان (كامة واحدة) و جميع الكماليات و فتحة سقف و Airbag 4- SiR و هي1600 سي سي VTEC بقدره 170 حصان ( 2 كامة) مانيوال و جميع الكماليات و فتحة سقف و Airbag & ABS و دي الأصلي منها قليل جدا شكل الفوانيس الخلفية في الخليجي هكذا ** الأوروبي ** : يوجد منه سيدان و هاتش باك و كوبيه و يأتي بسعات لتريه مختلفه 1400 1500 1600 على الترتيب LS & ILS VTEC & VTI و جميع السيارت الأوربي تأتي ب 2Airbag & ABS و توجد بعض الأنواع من 1500 و 1400 بدون تكييف ايضا تأتي بفتحة سقف اختيارية و كل السيارات السيفسك الأوربي الكوبيه هي من فئة 1600 سي سي . و ال VTi الأوروبي هو ما يعادل الSIR الخليجي ** الأمريكي ** يوجد منه سيدان و كوبيهSi EX DX HX LX و كل السيارات تأتي ب 1600 سي سي كامة واحدة ماعدا ال SI كامه 2 و لها عدة أنواع على حسب الكماليات المتوفرة فيها شكل الفوانيس في الموديلات الاوروبي والامريكي هكذا \\\\\\ مواصفات هوندا سيفيك ////// *** ونأتي لشرح كل فئة بالتفصيل والفرق بينهم *** فئة ال LXI تعتبر هذة الفئة هية الفئة ال BASIC فى هذا الجيل ويوجد بها : - مرايات ذات تحكم يدوى - تكييف هواء من اربع سرعات - زجاج يتم فتحة يدويا للاربعة - جنوط عادية مقاس 13 بوصة - ناقل اتوماتكيى من اربع سرعات - كاسيت شرايط – يوجد منها بباور ويوجد من غير - لا يوجد بها مسند - امكانية تحريك الدركسيون فى اتجاهين اعلى واسفل - حامل اكواب - ساعة رقمية - طفاية امامية فئة ال EXI - مرايات كهرباء - تكييف هواء اربع سرعات - زجاج يتم فتحة كهربائيا للاربعة مع زرار AUTO OPEN AND DOWN للزجاج السائق - جنوط مقاس 13 - ناقل حركة اتوماتيكى من اربع سرعات - كاسيت شرايط - باور - سنتر - امكانية تحريك الدركسيون الى الاعلى والاسفل - حامل اكواب - ساعة رقمية - طفاية امامية - ايرباج واحدة للسائق ويوجد بدون فئة ال VTI - مرايات كهرباء - فتحة سقف - تكييف هواء اربع سرعات - زجاج يتم فتحة كهربائيا للاربعة مع زرار AUTO OPEN AND DOWN للزجاج السائق - جنوط مقاس 13 - ناقل حركة اتوماتيكى من اربع سرعات - كاسيت شرايط - باور - سنتر - مسند يد مع امكانية التخزين - امكانية تحريك الدركسيون الى الاعلى والاسفل - حامل اكواب - ساعة رقمية - طفاية امامية وخلفية - ABS - ايرباج اولا : الابعاد : عدد الابواب :4 باب عدد الركاب : 5 افراد الطول : 4450 مم العرض : 1700 مم الارتفاع : 1390 مم طول قاعدة العجلات : 2620 مم الوزن : 1050 كجم للمانيوال / 1075 للاتوماتيك مساحة تحميل الشنطة : 400 لتر شرح تفصيلي لكل محرك محرك LXI , EXI كود المحرك : D15Z4 الكنترول يونيت : P2C / P2E سعة المحرك : 1493 C.C عدد السلندرات : 4 سلندر على خط واحد عدد الكامات : 1 كامة * عدد الاحصنة :90 حصان / 105 حصان فى بعض الدول منهم مصر * عزم المحرك : 13.4 / 14 كجم اقصى عدد لفات : 7200 لفة مزود ب REV LIMITER عند 7400 لفة نسبة الانضغات : 9:6 عدد الصمامات : 16 صمام نظام حقن الوقود : Multi Point Injection او تنقيط متعدد النقاط الوقود : بنزين خالى من الرصاص نسبة الانبعاثات : 161 G/KM السرعة القصوى :200 كم التسارع من صفر الى 100 كم : 10.4 ثانية محرك VTI كود المحرك : D16Y8 الكنترول يونيت : P2P سعة المحرك : 1590 C.C عدد السلندرات : 4 سلندر على خط واحد عدد الكامات : 1 كامة عدد الاحصنة : 127 HP عزم المحرك : 14.5 كجم نظام VTEC : مزودة بنظام VTEC يتم فتحة عند الوصول الى عدد لفات 5600 لفة اقصى عدد لفات : 6800 لفة مزود ب REV LIMITER عند 7200 لفة نسبة الانضغات : 9:6 عدد الصمامات : 16 صمام نظام حقن الوقود : انجيكشن متعدد النقاط الوقود : بنزين خالى من الرصاص نسبة الانبعاثات : 170 G/KM السرعة القصوى : 220 كم التسارع من صفر الى 100 كم : 8.9 ثانية محرك SiR كود المحرك : B16A الكنترول يونيت : P2T سعة المحرك : 1600 C.C عدد السلندرات : 4 سلندر على خط واحد عدد الكامات : 2 كامة عدد الاحصنة : 170 HP عزم المحرك : 16 كجم اقصى عدد لفات : 8400 لفة مزود ب REV LIMITER عند 8500 لفة نسبة الانضغات : 10:4 VTEC : مزودة بنظام VTEC يتم فتحة عند الوصول الى عدد لفات 5800 عدد الصمامات : 16 صمام نظام حقن الوقود : انجيكشن متعدد النقاط الوقود : بنزين خالى من الرصاص يوصى ب 95 اوكيتان نسبة الانبعاثات : 174 G/KM السرعة القصوى : 250 كم التسارع من صفر الى 100 كم : 7.2 ثانية ننتقل الي الفتيس - ناقل حركة يدوى : خمس سرعات وهو قليل جدا فى السوق المصرى لكنة موجود - ناقل حركة اتوماتيكى : يتكون من اربع سرعات نظام الجر : امامى نتقل الي نظام التعليق 1- نظام التعليق الامامى : يتكون نظام التعليق الامامى من مساعدين ماكفرسون - نظام تعليق مستقل , وشرائح تحميل مستقلة , ونظام مضاد للانقلاب 2- نظام التعليق الخلفى : نظام تعليق مستقل , ونظام مضاد للانقلاب ننتقل الي استهلاك الوقود : * سعة خزان الوقود : 45 لتر لكل الفئات * داخل المدينة: 8.7 لتر لكل 100 كيلو للمحرك ال 1500 سى سى , و 8.9 لتر للمحرك ال 1600 العادى , و 10 لتر للمحرك ال 1600 الرياضى ( B16A ) * فى الهاى واى : 5.6 لتر للمحرك ال 1500 سى سى و 5.8 لتر للمحرك ال 1600 , 6 لتر للمحرك ال 1600 الرياضى ( B16A ) كل هذا فى سرعة لا تتعدى ال 110 كم ننتقل الي الفرامل * فى الامام : ديسكات * فى الخلف : طبلة ماعدا ال SiR / VTI ديسكات * التوقف من 100 كم الى صفر : فى 126 قدم ننتقل الي مقاس الاطارات R13 185/65 R14 185/60 R15 195/55 تم التعديل علي الموديل 99 : 2000 بالاتي : 1- الاكصدام تم تعديلة سواء امامى او خلفى 2- الفوانيس الامامية والخلفية تم تعديلهم واصبحت شفافة اكتر وتميل اللى اللون الابيض الكريستالى 3- التابلوة تم تعديلة وشمل CLIMATE CONTROL اصبح بكر بدل من زراير ومكان الكاسيت اصبح يوجد تحتة مكان تخزين وممكن يتشال ويتحط بدالة CD بشاشة عرض 4- تم اعادة تصميم بسيط للكنسول الوسطى 5- تم اعطاءها شبكة امامية جديدة من الكروم 6- تم تغير كابوت السيارة كما في الصور : ومن مميزات هذا الموديل وان كان في الهوندا عموما من سنة 92الي 2000 انه يتواكب معه التعديلات الشكلية والميكانيكية اليكم بعض الصور وتعديلات شكلية عليها ولنا تكملة ان شاء الله ما دام في العمر بقية تحيات لكم جميعا

ايه الجمال ده الله ينور

تسلم يا باشا على الشغل العالى
وجعله فى ميزان حسناتك