نفسي اعمل مشروع ومش عارف ابدا منين

[طارق ابوذيد]

المشاركة الأصلية كتبت بواسطة aymangalal لا شكر على واجب ... كلنا اخوات وبنساعد بعض .... دى لينكات لمواقع بتتكلم عن المشروع ده وفى منهم بعض دراسات الجدوى التقريبية طبعا باختلاف الاسعار بين زمن عمل دراسة الجدوى( من سنة او اكتر) وبين دلوقتى ماشى...؟؟؟ http://www.steamcarwash-sa.com ------------------------------------------------------------------------------- ودى دراسة تانية : منقوووووووووووووووووووووو ووول: مشروع مغسلة سيارات متكاملة - أرباحه 10 آلاف شهرياً!!!! الارباح المتوقعة شهريا :فى حدود 10000 الى 15000 جنية مصرى بحسب الموقع قيمة المعدات : 12000 جنية مصرى وللدفع النقدى وضع اخر هذه دراسة جدوى لمشروع ربحه حلال مائة بالمائة ومساعدة منا للشباب الذى يطمح إلى الثراء ولكن أكل العيش لا يعرف الخجل بل المجتهد وحده هو الذى يرقى بجده وفكره الايجابي . إليك دراسة مبسطه لمشروع غسيل وتلميع سيارات) ) أولا:- لنفرض أن إيجار المحل هو 1500 جنيهاً شهريا ثانيا:- المشروع يحتاج إلى حوالي عدد 2 عمال براتب 500 جنيها = 1000 جنيها شهريا ثالثا:- كهرباء شهريا 200 جنيهاً في حالة عمل عدد 1 ماكينة بخار لمدة 12ساعة يوميا مستمرة رابعا:- مواد تلميع شهريا 600 جنيهاً فقط خامسا:- تقوم بجمع المصاريف الشهرية 1500 + 1000 + 200 + 600 = 3300 جنيهاً مصاريف ثابتة شهريا 3300جنيهاً إذن أنت تحتاج يوميا تقريبا مبلغ = 110 جنيهاً لتغطية جميع مصاريفك ، أي تحتاج لغسيل حوالي4 سيارات 30.00 جنيهاً لتغطية مصاريفك اليومية النشاط الذي يمكن مزاولته : 1- غسيل السيارة من الداخل والخارج 30.00 جنيهاً 2- غسيل الموتور 20.00 جنيها 3- تعقيم المكيف وأزالت الروائح الكريهة 15.00 جنيهاً غسيل وتلميع السيارة من الداخل 50.00 جنيهاً 4- 5- تشميع السيارة من الخارج لحماية الطلاء 70.00 جنيهاً إذا قمت بغسيل عدد 10 سيارات يوميا = 300.00 جنيهاً غسيل وتلميع سيارة واحد من الداخل يوميا = 50.00 جنيهاً تشميع سيارة واحدة من الخارج يوميا = 100.00 جنيهاً الإجمالي : 450.00 جنيها قيمــة المعــدات قيمة جهاز غسيل السيارات بالبخار = 8000 جنيهاً (الجهاز يعمل بالبخار ويغسل السيارة الواحدة بلتر ماء فقط وهو صديق للبيئة وموفر للوقت والمجهود و الطاقة) قيمة جهاز التعقيم = 1800جنيهاً إجمالي قيمة المعدات بالنشاط = 9800 جنيهاً فقط = إذن..المصاريف الشهرية هى 3300ومصاريف المعدات هى 9800 والربح الشهرى بإذن الله يكون 13500 بناء على هذه الدراسة إذن أنت تسترد أكثر من قيمة المعدات فى اقل من شهر واحد فقط. ملاحظة : هذه الدراسة تعتبر تقديرية طبقاً لموقع النشاط ويمكن تغييرها طبقا للموقع وساعات العمل وأيام العمل والمواسم وعدد العمالة دا لو استخدمت مكنة بخار بس ... ضيف بقى الغسيل العادى (ماء و صابون ) ادوات الغسيل اهمها اسطوانة الفوم و عدد1- 3 مكنسة كهربائية للتنظيف الداخلى ودا هيكون من (15-20 جنيه) ضيف كمان الغسيل الكميائى ودا من 100 - 150 جنيه طبعا الاسعار السابق ذكرها قابلة للتغير من مكان لاخر... منقوووووووووووووووووووووو وووووووووول ------------------------------------------------------------------------------ سعار الخدمة حاليا ومنقوووووووووووووووول برضه في مغسلة لاقيتها في الحي السابع في سنتر الاردنية ورا قسم السابع و اظن دي احسن اسعار شفتها لحد دلوقتي غسيل عادي بــ 15 جنيه جوة و برة غسيل كيميائي للصالون 100 غسيل كيميائي للموتور 10 تلميع بوليش 100 تلميع واكس 50 غسيل الصالون جاف 100 غسيل داخلي و خارجي بالبخار و التلميع و غسيل الموتور 25 غسيل داخلي و خارجي بالبخار و التلميع و تكييس الدواسات 20 منقوووووووووووووووووووووو وول ------------------------------------------------------ الموضوع ده ممكن يفيدك برضه بالمشاركة http://www.masrmotors.com/vb/showthread.php?t=60262 ------------------------------------------------------------------------------------- بص ع الموضوع ده كده http://www.masrmotors.com/vb/showthread.php?t=11823 ده من سنتين تقريبا واتعمل فى الاسماعيلية لكن صاحب المشروع كان عضو معانا هنا فى مصر موتورز ممكن تتواصل معاه ويديلك كل التفاصيل ان شاء الله واعتقد ان المشروعات الخدمية بتكسب اكتر لانها بتعتمد على جودة الخدمة والمعامله المُقَدمة للعميل وطبعا استهلاك قليل للخامات وانا متابع معاك برضه

كلام حضرتك رائع فهل توافق ان تشاركنى وادفع التكلفه بالكامل كما ذكرت حضرتك 12 الف جنيه واريد منك ربع المكسب فقط والذى يقدر بحوالى 3 الاف جنيه وذلك كحد ادنى للارباح كما ذكرت حضرتك فى دراسه الجدوى فهل توافق ؟
عندى استفسار من حضرتك ما هو معنى ان قطع الغيار الاستيراد تحسب بالطن وليس بالقطعه .

[samirsaid1]

المشاركة الأصلية كتبت بواسطة aymangalal لو حضرتك بتفكر فى استيراد قطع غيار سيارات من المانيا يبقى لازم تعرف ان استيراد المستعمل مش بيبقى بالقطعة ولا بالنوع ده بيبقى بالطن ( الكونتينر) وعلى حسب الاوردر اللى بتجيبة لكن طبعا يستحسن انك لو هاتستورد يبقى تشكل الاوردر ككل عشان تستفيد من تنوع الشحنة باقى التفاصيل بقى للأسف ماعنديش علم بيها ممكن حدغيرى فاهم اكتر يفيدك ان شاء الله

شكرا يا استاذ ايمن

هو تقريبا هناك بتشرى العربيات المستعملة الاول حسب رغبتك وبعدين فية اماكن متخصصة فى تقطيعها وتغليفها

بس السؤال هو الموضوع دة ممكن فعلا مجدى ومربح ؟؟

وهل ممكن البضاعة تتباع بسهولة ؟؟؟

فعلا انا محتاج اراء وخبرات المنتدى

وشكرا

[طارق ابوذيد]

المشاركة الأصلية كتبت بواسطة samirsaid1 شكرا يا استاذ ايمن هو تقريبا هناك بتشرى العربيات المستعملة الاول حسب رغبتك وبعدين فية اماكن متخصصة فى تقطيعها وتغليفها بس السؤال هو الموضوع دة ممكن فعلا مجدى ومربح ؟؟ وهل ممكن البضاعة تتباع بسهولة ؟؟؟ فعلا انا محتاج اراء وخبرات المنتدى وشكرا

التجاره فى قطع الغيار الاستيراد ليست صعبه ولكنها تحتاج الى خبره عدد من الصنيعيه بمعنى يجب ان تكون فاهم للميكانيكا حتى تستطيع فهم العميل حين طلبه لقطعه الغيار وكذلك الكهرباء والعفشه والسروجى كل ما هو موجود بالسياره وان تحفظ كل جذء بها وتستطيع ان تكشف على قطعه الغيار بدون ان تجربها لان تاجر الجمله او المستورد لا يرجع البضاعه التى يشتريها فمثلا ممكن تشترى مائه مروحه بدون ان تجربهم وعليك بخبرتك ان تفرق بين المروحه السليمه والتالفه والا تخسر مبالغ كبيره حتى تستطيع ان تأخذ خبره المهنه اما تجاره قطع الغيار الجديده لا تحتاج الى اى خبره وتحتاج فقط الى بائع لبق و ان تعرف الانواع المطلوبه فى السيارات التى ستعمل بها ومعظم هذه المحلات تقف فيها سيدات لسهوله المهنه وايضا اى قطعه غيار تالفه ترجع الى المصنع بخلاف الاستيراد والله يوفقك لما فيه الصالح لك

[احمد الشناوى1981]

والله الموضوع ده جه على الوتر الحساس
انا بحلم بنشاط له علاقه بالعربيات و تحديدا اكسسوار و كماليات او كاركير
المشكله كلها المكان لان المحلات النهارده غاليه نار و انا كنت بفكر فى محل تمليك
ربنا يسهل دعواتكم

[احمد الشناوى1981]

المشاركة الأصلية كتبت بواسطة طارق ابوذيد كلام حضرتك رائع فهل توافق ان تشاركنى وادفع التكلفه بالكامل كما ذكرت حضرتك 12 الف جنيه واريد منك ربع المكسب فقط والذى يقدر بحوالى 3 الاف جنيه وذلك كحد ادنى للارباح كما ذكرت حضرتك فى دراسه الجدوى فهل توافق ؟ عندى استفسار من حضرتك ما هو معنى ان قطع الغيار الاستيراد تحسب بالطن وليس بالقطعه .

كل سنه و انت طيب يا شيخ طارق
براحه شويه على الراجل . الاستاذ ايمن مقالش ان هو الى كاتب دراسه الجدوى دى هو نهى كلامه ب ...منقول ... يعنى الراجل تعب و دور على كل ما يخص الفكره دى و حاول يساعد بالى لقاه و انا عن نفسى شفت كلامه مفيد بالنسبه لى و له كل الشكر على البحث و الاهتمام و محاوله المساعده
ثانيا موضوع الربح ده متوقف على حاجات كتير زى المكان و مستوى الخدمه الى بيتقدم و الى بيهم ممكن الربح يكون اكتر من الى مكتوب فى دراسه الجدوى يعنى المبلغ الى كاتبه مش مستحيل الحدوث و لو فى توفيق من ربنا فانتظر كل خير