عرض خصومات ابوغالى (على المصنعيات وقطع الغيار)

[shebnez]

يا ريت يا ابونوره اعرف مواعيد العمل في مركز ابوغالي

[AbOnOrA]

المشاركة الأصلية كتبت بواسطة nassef ممكن شرح بسيط لنظام تقسيط ابو غالى مقدم _ الفائدة السنوية _ اقصى مده للقسط _ الاوراق المطلوبة _ الشروط .....الخ ولو فى مثال يبقى على نيسان صنى اتوماتيك .

نسبة الفائدة على جميع عروض تقسيط ابوغالى 6% لكن بخصوص الاوراق والشروط فيتم مناقشتها مع مسئولى المبيعات فى ابوغالى مباشرة لان العرض معنى اساسا بخدمات الدعم الفنى والاصلاح

المشاركة الأصلية كتبت بواسطة ssalem م. حاتم استفسار هام جدا وجزاك الله خير أنا اشتريت ماتريكس 2010 من حوالي شهر ونصف من غبور وعملتلها صيانة الالف من حوالي اسبوعين المشكلة اني بعد الشراء وأثناء الاستخدام لقيت شرخ صغير في الفيبر بتاع بطانة القايم اليمين والزرار السوستة بتاع حامل الاكواب الخلفي واقع ومفتوح على طول و من يومين السنتر بدأ يعلق لكن الانذار شغال وبقيت اقفل الباب بالمفتاح وانا عاوز اعرف الحاجات دي هاعمل فيها ايه وهل التوكيل هيتعامل معايا على انها في الضمان ولا هيغلسوا . ارجو انك تدلني وجزاك الله خيرا وكل سنة وانت طيب

حضرتك للاسف هتضطر تروح ابورواش (غبور) علشان مشكلة شرخ القائم لكن اصلاح السنتر ممكن يتعمل فى مركز ابوغالى العبور

المشاركة الأصلية كتبت بواسطة limpbizkid اولا احب اشكر ادارة منتدى مصر موتورز و المهندسين بتوع ابوغالي على العرض الجميل و احب كمان اني اقول اني فخور ان فيه ناس متعاونة و بتحب تساعد الناس زيكو و يشرفني اني اشترك في عرضكو لأني اشتريت النترا 2010 و داخل على صيانة ال1000 بس هو ينفع اعمل اول صيانة خارج التوكيل في مركز خدمة معتمد يعني ولا لازم اول صيانة تكون في التوكيل نفسه؟ ملحوظة انا اصلا اشتريت العربية من فرع ابوغالى في مدينة نصر و مسلمونيش الضمان و بيقولولي اني استلم الضمان لما اعمل صيانة ال1000 في مركز ابو غالى الى في العبور يا ترى ما مدى صحة المعلومة دي

معلومة صحيحة .
فعلا النظام المتبع ان حضرتك تستلم الضمان من مركز خدمة العبور بعد ختم صيانة ال 1000 كم الاولى هناك .

[nassef]

احب اولاً انى اشكر الاستاذ صاحب الباب لمجهوده واهتمامه
واود هنا ان اسرد تفاصيل رحلتى مع ابو غالى لتقسيط سيارة ولكن الرحلة لم تنتهى بعد
ولكن البداية مبشرة وجميلة

[نبيل عبدالرحمن]

بالرغم من أنى لن أستفيد من عرض أبو غالى لأن سيارتى كورولا إلا أننى أتوجه بالشكر للأستاذ وائل وللمهندس حاتم على مجهودهما لخدمة أسرة المنتدى وأتمنى أن تنضم شركات أخرى للعرض مثل شركة تويوتا وغيرها حتى يستفيد من العروض كل الأعضاء فى جميع المحافظات

[AbOnOrA]

بإذن الله السنة الجاية 2010 هنفعل عروض جديدة سواء فى القاهرة او المحافظات بس اهم حاجة بالنسبالنا مش الكم قد ما يهمنا نوعية الخدمة وخدمة ما بعد البيع وامكانية متابعة العملاء من خلال موقعنا هنا
وطبعاً اى حد من الاعضاء عنده تجربه مع مركز خدمة متميز يبعتلنا واحنا نحاول ناخد منه عرض للاعضاء ان شاء الله