اصحاب الموتوسيكلات الصيني .......انتبهوا!!!!

[nktis]

يا ا. سيف والله عارفين ان احنا والناس غلابه. المشكله ان المفروض يبقي فيه احتياطات زي الخوزه والكلام ده . والموتسكل معمول عشان واحد او اتنين بكتيره يركبوه
انما اللي منشوفه انه الاسره كلها وده الغلط

[Jack Box]

المشاركة الأصلية كتبت بواسطة seaf_sawy ياخوانى انتم عايشين فى مصر ولا فى بلد اوربى الناس مش لاقيه تاكل والغلاء فى كل حته هو لومعاة تمن عربيه كان جاب ليه ولعياله ويترحم من التريقه بتاعتكم دى والله حرام عليكم سيبوا الموكوس فى وكسته وكفايه الحكومه وادبها هيبقى الشعب كمان حسبنا الله ونعم الوكيل وعلى فكرة انا اساسا مبعرفش اسوق موتسكل ومعنديش

علي فكره ياباشا الفكره مش مساله طبقات ولا غني وفقر
الفكره فكره تامين واحنا مش بنتريق احنا بننتقد حاجه مينفعش تكون موجوده من اساسه زي ان واحد يركب مراته وعياله علي موتوسيكل اه هو ممكن ميكونش معاه تمن تاكسي طيب لاقدر الله لو وقعوا هيصرف اد ايه علاج احسبها صح تعيشها صح

[حازم شاهين]

المشاركة الأصلية كتبت بواسطة seaf_sawy ياخوانى انتم عايشين فى مصر ولا فى بلد اوربى الناس مش لاقيه تاكل والغلاء فى كل حته هو لومعاة تمن عربيه كان جاب ليه ولعياله ويترحم من التريقه بتاعتكم دى والله حرام عليكم سيبوا الموكوس فى وكسته وكفايه الحكومه وادبها هيبقى الشعب كمان حسبنا الله ونعم الوكيل وعلى فكرة انا اساسا مبعرفش اسوق موتسكل ومعنديش

أنا معاك إن البلد مليانة غلابة و من حقهم أى وسيلة مواصلات ترحمهم من ذل الموصلات العامة

لكن اﻷخوة كانوا بيتكلموا على التأمين واﻷمان فى ركوب الموتسيكل و ما كانش هدفهم أبدا إنهم يتريقوا على الغلابة

[hazem_khidr]

الموتوسيكل الصيني فعلا بيقف في اي لجنه لان معظم اللي راكبينه شباب بايظ و بلطجي
كنت من كام يوم دار حوار بيني و بين حارس العقار اللي في شركتي و الكلام جاب بعضه انه عاوز يشتري فيسبا فيقول له هات موتوسيكل صيني ارخص قالي الموتوسيكل دا شبهه و وش اجرام انما الفيسبا افضل و مش حتلاقي حد يوقف الفيسبا زي الموتوسيكل

المشاركة الأصلية كتبت بواسطة seaf_sawy ياخوانى انتم عايشين فى مصر ولا فى بلد اوربى الناس مش لاقيه تاكل والغلاء فى كل حته هو لومعاة تمن عربيه كان جاب ليه ولعياله ويترحم من التريقه بتاعتكم دى والله حرام عليكم سيبوا الموكوس فى وكسته وكفايه الحكومه وادبها هيبقى الشعب كمان حسبنا الله ونعم الوكيل وعلى فكرة انا اساسا مبعرفش اسوق موتسكل ومعنديش

يا استاذ سيف محدش بيتريق و بعدين هو علشان عايشين في مصر يبقي لاوم تبقي كل حاجه بايظه؟؟!!!!!
امن الافراد و سلامتهم اهم ميت مره من ان الواحد يفسح عياله في رحله مليئه بالمخاطر

[معتز باتشان]

السلام عليكم
يا جماعه ماهو البلد لو فيها مواصلات عدله
مكانش حد ركب مراته وعياله الموتوسيكل من اصله
وبعدين ميترخصش ليه
انا بسافر بالموتوسيكل
عيبنا اننا بنتكلم من غير ما نجرب
وبيستحمل وراحمنى من قرف المواصلات
وبمشى بيه اكتر من 100 ك م فى اليوم
على فكرة مش بعمل دعايه للموتوسيكل الصينى
لا انا معاى واحد وبقاله 3 سنوات معاى
والحمد لله فل الفل
تحياتى لكم