رابطة مالكى الاكسل

[miam0502788391]

المشاركة الأصلية كتبت بواسطة Good09 الف مبروك يا دكتور محمد و ربنا يباركلك الموضوع ده من بدايته اخد منك وقت اد ايه ؟ عندك فكرة يا دكتور جسم الموتورنفسه صلب و لا انتمونيا ؟

الله يبارك فيك يا باشا
الموضوع أخد 6 ايام العربية اخدها الميكانيكى يوم السبت وفك وخرط وتركيب أخذ 3 ايام وتلين يومين واخذت السيارة فى اليوم السادس بعد الظهر
جسم الموتور حديد لكن مش عارف حديد زهر ولا صلب

[miam0502788391]

المشاركة الأصلية كتبت بواسطة samirsaid1 أنا بكون ماشى على سرعة عالية ودايس بنزين جامد جت فى دماغى البوجيهات انا لس مغيرهم وحتى لو كدة هاتنتش بسبب ان واحد فصل مثلا جت فى دماغى الموبينة !!!! وشكرا لحضرتك

العفو يا باشا
لأ دى مش بوجيهات لأن لو بوجيه فصل الموتور بيرج ويقال العربية متلته يعنى شغاله ب 3 بوجيهات بس
مش عارف الموبينه ممكن تكون السبب ولا لأ لكن ممكن تشوفها بالليل , افتح الكابوت واكشف الكاوتش اللى على السمامير اللى على الموبينة ودور الموتور وشوف فيه شيرز ولا لأ من عند الوصلات لأن ده دليل على ضعف الموبينة

[Good09]

المشاركة الأصلية كتبت بواسطة miam0502788391 الله يبارك فيك يا باشا الموضوع أخد 6 ايام العربية اخدها الميكانيكى يوم السبت وفك وخرط وتركيب أخذ 3 ايام وتلين يومين واخذت السيارة فى اليوم السادس بعد الظهر جسم الموتور حديد لكن مش عارف حديد زهر ولا صلب

تمام يا دكتور ربنا يباركلك

[miam0502788391]

المشاركة الأصلية كتبت بواسطة waelsalah السلام عليكم سؤالى اخوانى بخصوص الفرامل وزيت الفرامل انا بستعمل زيت بندكس dot3 هل ده مناسب وايه الفرق بينه وبينه زيت dot4 انا من شهرين تقريبا كنت مغير الدنجل اللى ورا كله بالطنابير بالتيل وكنت بلاحظ نقصان زيت الفرامل لحد زور العبوه بتاعة الزيت وكنت بزودها تانى الى حافة الغطا هل النقصان ده طبيعي ولا بيدل على تآكل التيل ولابد من تغييره هى بتنقص قيمة الشفه بتاعة العبوة اللى بنحط فيها زيت الباكم فقط وكل اسبوعين تقريبا ومسك الفرامل الحمد لله كويس نرجو الافاده للاهميه وشكرا جزيلا

انا اعرف ان دورة زيت الفرامل مغلقه يعنى لا تنقص الا لو فيه تسريب
فيه سؤال انت بعد ما غيرت الدونجل هل غيرت جلد خزنة الفرامل لأن اللى بتبقى مع الدونجل الاستيراد بتكون ناشفه شويه من الركنه فى الشمس والمطر وممن تكون هى اللى بتسرب الزيت فى الطنبورة
لو عرفت الفرق بين dot 3 & dot 4 ابقى قولنا لأنى اول مرة اعرف ان البندكس فيه منه درجات انا كنت فاكر انه نوع واحد

[Good09]

المشاركة الأصلية كتبت بواسطة miam0502788391 انا اعرف ان دورة زيت الفرامل مغلقه يعنى لا تنقص الا لو فيه تسريب فيه سؤال انت بعد ما غيرت الدونجل هل غيرت جلد خزنة الفرامل لأن اللى بتبقى مع الدونجل الاستيراد بتكون ناشفه شويه من الركنه فى الشمس والمطر وممن تكون هى اللى بتسرب الزيت فى الطنبورة لو عرفت الفرق بين dot 3 & dot 4 ابقى قولنا لأنى اول مرة اعرف ان البندكس فيه منه درجات انا كنت فاكر انه نوع واحد

فعلا اكيد فى تسريب و لازم يتشاف
و ده رابط فيه بعض الفروق بين dot 3 & dot 4
http://www.masrmotors.com/vb/showthread.php?t=71158

و خللى بالكم عندنا فى الاكسيل dot3 هو الموصى به
و الافضل من باندكس هو ATE SL و هو زيت المانى