|
منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
![]() |
|
أدوات الموضوع |
#1
|
||||
|
||||
![]()
احببت انقل لكم تجربتى فى مرور طوسون اسكندرية عسى يستفيد بها احد الاعضاء كما استفدت انا شخصيا فيما قبل من مشاركات الاعضاء .
- اولا انا كنت بطلع شهادة بيانات وبطابق يصمة لانى بنقل لمحافظة تانية - اولا انسى انك تخلص فى يوم صعبة جدا لانك محتاج شهادة مخالفات ودى بتطلع فى يوم وهقولكم ليه - طبعا لازم تروح بدرى جدا وياريت قبل الموظفين عشان تحجز دور ولو عرفت تاخد حد معاك يبقى تمام هيفيدك جدا ممكن تبعته يشترى لك حاجة او بحجز لك دور - انا بداية وقفت امام بوابة نيابة المرور مايقرب من 3 او 4 ساعات لان الكهربا قطعت ساعتين ولما جت الشبكة قطعت حوالى نص ساعةوفى الاول وقفت شوية واتارى فى رقم بتروح تجيبه الاول وبعدين تقف فى الطابور - قبل ماتروح لطابور المخالفات اشترى ورقة براءة ذمة من الكشك وهات عليها من الموظفة اللى على الشباك الرقم القديم ان وجد وهتختملك عليه - لو معاك حد خليه بروح على الشباك اللى انت تبعه يطلع الملف وخلى الموظفة تدفعك الضريبة عشان تلحق الخزنة لانى لما خلصت شهادة المخالفات كانت الساعة واحدة ونص وطبعا ملحقتش الخزنة وساعات الخزنة يقولك خلصنا القسايم وده برضه حصل معايا - بعد ماتجيب شهادة المخالفات وتدفع الضريبة روح هات من الكشك 2 ورقة انشا ( اسمها كده انشا ) ونموذج 51 ( الكلام ده لشهادة البيانات ) - الموظفة بتاخدهم منك وتديلك ورقة تروح بيها الدور الرابع على الكومبيوتر ( لاحظ ان فى كمبيوتر فى الدور الاول بس للرخص ) - بعد ربع ساعة بيندهوا اسمك وتستلم الشهادة شوية ملاحيظ - الصول اللى فى تانى دور مبيخدش فلوس ولو اديته بيرجعهالك ودى كانت مفاجأة الصراحة - الظابط رئيس المرور بصراحة محترم وفاتح الباب لاى حد لدرجة ممكن تلاقى قدامه 20 واحد - الناس اللى بتفتى كتير مش اى حد يقولك حاجة تصدق اسأل اكتر من شخص - لما تستلم اى ورق سواء رخصة او شهادة بيانات متخدهاش وتمشى راجع كل حاجة الاسم ورقم الشاسيه والموتور . انا شفت واحد راجع من القاهرة عشان رقم غلط - متنساش تختم ختم النسر وتمضى الضابك على اى ورق رايح لمرور تانى - ملحوظة مهمة وتودى فى داهية . الاوراق المستخدمة هناك عاملة زى ورق البفرة رقيقة جدا فلو انت من النوع اللى بيعرق جامد الورق هيبوش فى ايدك او جيبك فالاحسن خد معاك كيس حط فيه الورق - طبعا ياريت ترخص 3 سنين عشان ترتاح من الهم ده وبالتوفيق للجميع ![]()
__________________
لا اله الا انت سبحانك انى كنت من الظالمين |
#2
|
||||
|
||||
![]()
الحمدلله
![]() يسر الله لك وللجميع البعد عن التعامل معهم إلا فى الضرورة القصوى كل الشكر على نقل التجربة
__________________
|
#3
|
||||
|
||||
![]()
شكرا ليك وكلنا بنفيد بعض ان شاء الله
__________________
لا اله الا انت سبحانك انى كنت من الظالمين |
#4
|
|||
|
|||
![]()
المرور طوسون فى الايام السابقة بقى رخم جدا ده قبل سنة 2010 كان كويس جدا وعليه عدد قليل
|
#5
|
||||
|
||||
![]()
بالظبط كده الاعداد زادت جدا
__________________
لا اله الا انت سبحانك انى كنت من الظالمين |
![]() |
أدوات الموضوع | |
|
|