اشتريت استرا 2004 و روحت امبارح للميكانيكي اسمعو بقي

[amoooh2004]

الميكانيكي في صقر عندة دشلوميت عربيه كشفلي علي العربيه بالجهاز و خلي الصنايعي عنده يكشف صيانه شامله
فلتر هواء 50
بوجيهات 2 شمعه 130 gm
جوان وش التاكيهات 140
زيت فتيس 35 مصنعيه 100
و بص علي التيل و الطنابير و العفشه و القواعد و قالي تمام مشوف وش حضرتك قبل 5000 كيلو تغير الزيتو التيل
بس انا عندي حاجه غريبه العبية سعات تطلع دخنه بيضاء و سعات لا ده كده موتور خفيف ولا لا مع العلم اني امبارح و انا بركن دوست جامد طلعت كملت الدوسه متطلعتش اي حاجه؟؟؟؟؟؟؟؟؟
بس علي العموم العربيه ركوبه و نعومه و جري و شكل معقول و سعر معقول
اه مش لاقي الوش القدماني الي فيه علامه الاوبل بالجناحين؟؟؟؟؟؟
و نزلت الحرفيين اشتريت الجلده بتاعت عصايه الفتيس و عصايه الهاند الاثنين ب40 جنيه

[AbOnOrA]

مبروك ربنا يهبك خيرها ويكفيك شرها
والله ميكانيكى ابن حلال والاسعار مش وحشة وبالنسبة للدخنة انت ابقى بص عليها دلوقتى بعد تغيير البوجيهات والصيانة ديه غالباً مش هتشوف حاجة تانى وقولنا انت بتستخدم بنزين ايه والعربيه عدادها عامل كام دلوقتى

[zing0]

ما شاء الله , الله أكبر
تقريباً يا أبو نورا , الدخنه البيضا دى تعريق الرطوبه بس
الجو دلوقتى معدل الرطوبه فيه من 40- 50 % و ده الطبيعى
الأخ الفاضل صاحب الموضوع:
فك أى بوجيه بعد مشوار طويل (يعنى المكنه تكون فى حرارتها الطبيعية و الزيت إتقلب فيها كلها)
و بص على طرف البوجيه و ده إللى هيحدد لو كانت الدخنه من زيت المكنه و لا تعريق مياه)
و برضه ممكن تحط إيدك تسد بيها الشاكمان ثانييتين, و بص على إيدك, لو تعريق مياه هتلاقى رذاذ مياه.
بس البوجيهات أكتر حاجه تكشف حالة المكنه.