ما هو تقييمك لوكيل سبيرانزا و مراكز الخدمه

[the genie]

سؤال كمان يا أستاذ أحمد .. معلش .. اصلى متبدىء عربيات

هل تعتبر مراكز الخدمة المعتمدة مثل التوكيل

يعنى لو عملت صيانة الـ 1000 فى مركز فرست كار اللى فى فيصل هكون كده جوه الضمان

ولا الضمان يسرى فقط إذا قمت بالصيانة فى التوكيل

[أحمد فاروق سيد]

المشاركة الأصلية كتبت بواسطة the genie انا يا أستاذ احمد اقدر نصيحتك بشدة .. ولكن !! لماذا ينبغى على الا افقد الضمان ؟ عندما ساقوم بعمل كل شىء عند الميكانيكى بتكلفة اقل وبجودة اعلى ثم عندما تكون هناك حاجة ضرورية لقطعة غيار اقوم بشراءها من التوكيل .. فقد قرأت بالفعل عن ناس كانوا فى الضمان وبلطج التوكيل عليهم فى دفع ثمن ما سيقومون بتغييره أرجو أن توضح لى لماذا هو مهم هذا الضمان .. فانا أراه غير مفعَّـل وشكراً لاهتمامك ولنصحك

المشاركة الأصلية كتبت بواسطة the genie سؤال كمان يا أستاذ أحمد .. معلش .. اصلى متبدىء عربيات هل تعتبر مراكز الخدمة المعتمدة مثل التوكيل نعم يعنى لو عملت صيانة الـ 1000 فى مركز فرست كار اللى فى فيصل هكون كده جوه الضمان نعم ولا الضمان يسرى فقط إذا قمت بالصيانة فى التوكيل بالطبع لا ... الضمان يسري عندما تقوم بعمل الصيانات الدورية بمراكز الخدمة المعتمدة من أبو الفتوح

أولاً : أنت دافع ثمن الضمان ضمن ثمن العربية
فحقك لازم تأخده بالكامل
ثانياً : ممكن لا قدر الله تحتاج تغير حاجة على الضمان
ثمنها برا ممكن يعدى الآلاف ... طب وليه
ثالثاً : أنا مثلاً محافظ على الضمان وبعمل حاجات برا الضمان كتير
ولكن هل أنا أستفدت من الضمان ؟
نعم أستفدت وعلى مدار عامان ونصف
مغير 2 مساعدين - دينامو - صباع حرارة - قطمة دريكسيون
جراب فرامل اليد - ماكينة أوكرة الباب الخلفى
فالشاهد حافظ على الضمان أفضل
رابعاً : فرست كار أو غيره من مراكز الخدمة المعتمدة يفي بالغرض
وأرشح فرست كار لتجربتى معهم على مدار أكثر من سنة ونصف
واللينك التالى عليه مراكز الخدمة المعتمدة من أبو الفتوح
http://www.masrmotors.com/vb/showthread.php?t=39504

[the genie]

بجد أنا مش عارف اشكر حضرتك ازاى

شكراً جزيلا على اهتمامك وعلى توضيحك الأمور لى

انا قعدت طول الليل سهران اقرأ فى المنتدى كل ما كتبته او كتبه اعضاء اخرون عن تجاربهم

هروح اعمل الصيانة فى فرست كار الأحد القادم نظراً لأجازة العيد الممتدة حتى نهاية الاسبوع

وإن شاء الله اخبركم بما حدث معى

وعيد سعيد عليك وعلى كل اعضاء المنتدى الكرام

[aboomarahmad]

الحقيقة قلت بدل ما عمل استطلاع راي وخلاص انقل لحضراتكم تجربتي الأخيرة لفرع 32 بالذات والحكم لكم

التاريخ الثلاثاء 16/4/2013 قراءة عداد 24.300كمfficeffice" />
بدأت الرحلة الساعة 7.40 من بيتي في م.ج. وصلت بسبب حادثة على المحور الساعة10.30
طبعا واصل تعبان لأجدهم بالداخل في الإستقبال يقولولي:
1- ان الصيانة المجانية خلصت امس وهذا عكس ماقالوه لي عندما حجزت السبت الماضي مع الأستاذ المختص بالرد على تليفونات الحجز بأن آخرها 16/4 يعني الثلاثاء اليوم وليس امس الإثنين وبالتالي بعدما كنت اريد الجيء غدا الأربعاء لإرتباطي بمواعيد عمل فقمت بتأجيلها لآتي اليوم.......... بعد محايلات الدنيا مشيت كأنها مجاملة مش غلطة منهم....
2- استلموا العربية الساعة 10,30 وانتهت من الصيانة المجانية الساعة 3 العصر!! ليه مش عارف لكني بسبب غلطة أخرى سيأتي ذكرها اتأخرت أكتر وخرجت الساعة 3,20 عصرا
3- اكتشفت انخلاع غطاء الموتور الأسود البلاستيك من احد جوانبه ولما بلغت المهندس المختص قال مش من عندنا هي داخلة كدة!!!!!!!...سألت ممكن يتصلح قال لأ يتغير خالص!!!!
طبعا انا لم اكن املك التأكيد انه قبلها كان سليم ولا لأ لأني دايما بتعامل مع ابورواش فعلا ما استلمتهاش منهم قبل كدة... لذلك سكت وانا متضايق
موظف خدمة العملاء قالي انه ممكن يتصلح بس الوقت اتاخر فلما آجي المرة الجاية يعملوه!!!!!!!...
4- لما جيت استلم تصريح الخروج فوجئت بيهم بيطالبوني بـ80ج. قيمة تغيير دلاية خلفية شمال!!!! ياجماعة انا جاي اعمل صيانة مجانية....لأ انت غيرتها المهندس بيقول كدة
ولو شاكك روح للمهندس....بردو رحت لخدمة العملاء ومن هنا لهناك اكتشفوا انها غلطة تشابه اسماء وعمل مرتجع وعدت....الحكاية دي أخدت نص ساعة لوحدها وانا اصلا متأخر...
5- غسلوا العربية لأن ده من ضمن الصيانة المجاني...لكن فوجئت بعامل الغسيل جاي واقف فوق دماغي: تعالى خد العربية من المغسلة!!!!! يا عمي مش انا اللي باخدها....المفروض حد يجيبها ويحطها في البارك وانا استلمها من هناك!!!!! لأ تعالى خدها عشان تطمن....فهمت انه عاوز قرشين....رحت اخدتها وماكنش معايا فكة اخد الـ 50ج. يفكها ورجع 40 بس على اساس انه عايز الـ 10 كاملة!!!!! بقشيش 10ج. ماشي!!!....بردو سكت واخدتها لأني كنت خلاص عايز امشي بأي طريقة
في الرجوع البوابات كانت زحمة بشكل غير طبيعي والطريق بعد كدة كان زي الزفت المهم دخلت بيتي 5.15
الخلاصة: انا ما ارتحتش خالص في المكان لكل ما سبق وبصراحة ماحسيتش لا بالجودة ولا بالعناية اللي كنت منتظرها وخاصة اني لقيت العربية من جوة فيها مية من الغسيل على الموكيت وكمان لقيتهم خلعين حاجة كنت مركبها في العربية ومرمية على الأرض...ده غير كل ما سبق ذكره
ده غير المشوار...بصراحة انا ندمت اني رحت...وفرت صيانة بسيطة مجاني لكن خسرت اعصابي ويوم كامل واستهلاك سيارة في الزحمة 3ساعات رايح وزيهم تقريبا راجع
مع اني كنت من انصار التعامل مع التوكيل بشهادة العضاء في الجروب وياما كنت بأدافع عن التوكيل بإعتبارهم اكتر ناس حافظين العربية لكن بصراحة ربنا ما يحوجني لهم تاني...دي آخر مرة..................والل ه أعلم
م.ياسر جادو

[aboyoussef.m]

المشاركة الأصلية كتبت بواسطة medomasry وكل الى بيتكلموا كدة معندهمشى اسبيرانزا وبيتكلموا على السمع يعنى اى خرونفش انفش ههههههههههههههههههههههههه ههههه

على فكره تروح هناك تلاقيهم بيلعبوا بيك وممكن عربيتك تروح بعطل وترجع بيه تانى وبيحسسك انه صلحه
انا شخصيا اتبهدلت فى التوكيلات