|
|||||||
| مشاهدة نتائج الإستطلاع: من العضو الأقرب إليك . . . . ؟ | |||
| د. عبد السلام موافي - Dr. Bolbolan |
   
|
10 | 76.92% |
| م. سامح رمزي - sam ram |
  
|
11 | 84.62% |
| إستطلاع متعدد الإختيارات. المصوتون: 13. أنت لم تصوت في هذا الإستطلاع | |||
 |
|
|
أدوات الموضوع |
|
|||||||
| مشاهدة نتائج الإستطلاع: من العضو الأقرب إليك . . . . ؟ | |||
| د. عبد السلام موافي - Dr. Bolbolan |
|
10 | 76.92% |
| م. سامح رمزي - sam ram |
|
11 | 84.62% |
| إستطلاع متعدد الإختيارات. المصوتون: 13. أنت لم تصوت في هذا الإستطلاع | |||
|
|
|
أدوات الموضوع |
|
#1891
31-08-2009, 08:25 PM
|
||||
|
||||
رد: اخر انواع الوقود .... عصير البطيخ ...
في الإعاده إفاده ...لسه مشاركه حالا بالا لي في ساحة معركة سور الصين العظيم ... حبيت أنقلها لكفر البطيخ ...
__________________
 
|
|
#1892
31-08-2009, 08:26 PM
|
|||
|
|||
|
رد: اخر انواع الوقود .... عصير البطيخ ...
يا عم انتو مستعجلين ليه على البدائل,
هو ايه الموضوع يا نلحق يا منلحقش؟! للمرة المليون هنقولها, التفكير فى بدائل مع وجود البترول يلحق أشد الضرر بمصالح بعض الدول و بمصالحنا الخاصة, فصناعة البترول هى عصب الاقتصاد المصرى, و متخافوش لما يبقى البترول يخلص مش هنغلب عشان نجيب هيدروجين و لا بطيخ و لا عنب ما هو عندنا من زمان(رغم اننى متأكد أنه لا بديل حقيقى للبترول سوى الخيول و الدواب!)
__________________
أخر مواضيعى : اختبار الفيات برافو 120 حصان تى جيت. وداعا يا ايها الصقر الجسور قضيت معكى أحلى ايامى. فيات برافو مرحى مرحى
|
|
#1893
01-09-2009, 02:11 AM
|
|||
|
|||
رد: اخر انواع الوقود .... عصير البطيخ ...
بص يا سيدي الفاضل ... الموضوع بمنتهى البساطه مش اننا بندافع عن البدائل او متحمسين ليها او رغبه في مجرد التغيير .. بالعكس غالبا ومن شبه المؤكد ان التغيير ده حيكون ضرره بالنسبه لينا اكبر من نفعه !! لكن الفكره كلها انه واقع ملموس ... امر مفروض علينا شئنا ام ابينا يعني احنا لا مستعجلين و لا عايزين نتشعبط في الموجه و خلاص !! بالعكس .. هو مين في الاساس اللي بيفكر و بيسعى في ايجاد البدائل ؟؟!! وهل احنا عندنا القدره على منعهم ؟؟ .. و تحت أي مبرر ؟؟ مبدئيا لازم نتفق على نقطه رئيسيه :- الغرب بغض النظر عن دوافعه عنده قناعه تامه و رغبه حقيقيه في ايجاد بدائل للوقود متجدده و نظيفيه ... وحتلاقي كل يوم و التاني تطبيقات و افتكاسات و اختراعات ... لحد النهارده مفيش حاجه ظهرت تماثل محرك الاحتراق الداخلي ... لكن هل الدلائل و الشواهد تقول ان المحرك الكهربائي فشل ودخل في طريق مسدود ؟؟ مع ان الابحاث مستمره و كل يوم نسمع عن جديد !! هل معنى ان الوقود البديل قد يضر بنا و بمصالحنا في الشرق الاوسط او الدول المنتجه للبترول اننا نرفضه قلبا و قالبا و نعلن ان اي بديل للوقود الحيوي هو بديل فاشل ؟؟ (مين حيشتري مننا الكلام ده ... لو بنقوله ليهم حيضحكو علينا و لو قلناه لنفسنا يبقى بنضحك على نفسنا ) تفتكر ان الاصرار على ان الوقود البديل ملوش لازمه حاليا طالما البترول موجود هو مبرر كافي لإثناء الغرب عن التجارب و البحث و التطوير ؟؟!! تفتكر انه لو قمنا الصبح لقيناهم مخترعين وقود بديل يساوي البترول في الكفائه التشغيليه و التكلفه ان الناس تاني يوم حتمتنع عن البترول ونلاقي الاختراع الجديد ده مغرق الشوارع؟؟ كل اللي بحاول اقوله ان الواحد يشوف كل اللي حواليه .. يحط نفسه مكان الطرف الاخر .. يفهم نظريته ...دوافعه ... يرجع تاني مكانه ويتعامل مع المشكله ... انما لو قفلنا الباب على نفسنا و دفنا راسنا في الرمل يبقى ندفن بقيه الجثه بالمره .. ptmnlo123per1147 والحمد لله احنا في جميع الاحوال متظبطين .. لو البترول غلي عالميا .. حيرفعو سعر البنزين و السولار و بالتالي النقل و المواصلات و بالتالي أي حاجه سلعيه او خدميه حتغلا ولو البترول رخص حيقولك ان عصب الاقتصاد المصري انضرب في مقتل و يزود الضرايب و الاسعار علشان يعوض فرق الميزانيه لأن دايما الحلول عندنا داخليه بس !!! فمتقلقش يا ريس سواء من البترول او من البطيخ كده كده ... طول عمرنا .... بنشيل ابح ptmnlo123per1116ptmnlo123 per1106
__________________
من تواضع لله رفعه The ultimate car would be designed by Italians engineered by Germans built by Japanese &
|
|
#1894
01-09-2009, 02:57 AM
|
|||
|
|||
|
حكاية محكمة فى الغابة
حكاية ممكن تحصل فى اى غابة
حاكمها اسد تملى جعان .......... مع انه خلاص بقى هزلان حواليه ذئاب لئام ........... وتعالب وكمان ضباع يصطادوله الفرايس ....... التعبانة ........ وينهشو هما الغزلان كنت عايش مبسوط وراضى .......... اشوف الحال زاى الفل اهز ودانى واقول ياسلام ولو لاقيت الحال بقى محال ......... انهق ......... ارفص .......... مارضاش بهوان يمكن يتقال عليا غلبان ......أو تعبان ......... لكن الحمد لله عمرى ماكنت فسدان ولا فى يوم نمت جعان وده ببساطة لانى حمار .......... أو طلعت حمار ........ اويمكن كمان يكونو ......... استحمرونى وفى يوم لاقيت ضبع لئيم فجعان متحامى فى ديب الئم منه ...... افجع منه ......... مع انه شبعان بياكل خس وجزر بتاع ارنب غلبان نهقت فيه ان ده مش اكله ........ مش حقه ........ مش تمام حط قدامى حزمة برسيم عشان اتلهى فيها وابطل تنهيق رفصتها وكنت كمان عايز ارفصه جرى واتحامى فى الديب اللئيم زغرلى بعين كلها شر وزئر فى وشى يتاكل البرسيم وتفضل حمار ........ يناكل احنا الجحش بتاعك وكمان نحلى بمراة الحمار او نحط فى زريبتك غزالة جميلة ونقول انك سارقها من بيت الاسد الهمام مش هاكل برسيمكم وكده كده انا حمار وهاكل لحم غزال ازاى وكمان سارقه من بيت اسدنا الضرغام وانا عمرى ماهوّبت ناحية هناك ولا يمكن رجلى تودينى للهلاك جريت على الاسد حامى الحمى انهق بصوت حزين وعليل يمكن ينصفنى ويحمى جحشى وامه لاقيت الديب والضبع الخسيس سابقين وراكبين ودانه بصلى حتة دين بصة ......... وكان هايهبدنى كف ويتوصى وزئر بصوت زاى القطة ........... محدش يعمل حاجة غير لما افكر وده عمره ماحصل ولو مرة انه فكر نده التعلب وقاله ............. انصب المحكمة انا غابتى ميكونش فيها ظلم ......... ولا اسمح بوجود ظالم أو مظلوم وشوشه التعلب وقاله ......... مين القاضى ......... والمستشارين ......... و الادعاء.... والمحلفين ومين اللى هايدافع عن الحمار وعيلته الغلبانين سرح الاسد وهرش فى لبدته وشوش التعلب وقاله هما فى غيرهم انا القاضى المستشارين ديب يمين وديب شمال والادعاء هايكون الضبع الجميل اخر جمال المحلفين ......... من الغزلان وشوفو حمار يدافع عن الحمير واتحدد ميعاد المحكمة اول الشهر اشوفكم على خير لو لسه فيها خير 
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب التعديل الأخير تم بواسطة salahabdelnabi ; 01-09-2009 الساعة 03:00 AM
|
|
#1895
01-09-2009, 03:14 AM
|
|||
|
|||
|
رد: حكاية محكمة فى الغابة
ايه ده يا ابو صلاح ... ايه اللي حصل ؟؟
وانا بقول بقالك يومين مش باين انت كنت غطسان في الغابه و لا ايه ؟؟!! بس حلو اللي اسمه ايه الصلاحنتيشي ده ده زجل ده يا صلاح ؟؟ptmnlo123per1127
__________________
من تواضع لله رفعه The ultimate car would be designed by Italians engineered by Germans built by Japanese &
|
|
| الكلمات الدليلية |
| مســـــــــمار, مغامرات, المدير, اليوتيوب, السلام, العروض, اعلانات, ريجيم, ريجيم سريع, ريجيم كميائى |
| أدوات الموضوع | |
|
|
