رابطه ( قول معاك كام و انا اقولك تجيب ايه بفلوسك )

[zezo76zezo]

استاذ يحي انتى مش بترد عليا ليه ؟؟؟؟؟

عموما انا عاوزة اشكرك جدا على الموضوع الحلو ده والله انا استفدت منه كتيرررر

بس كنت عاوزة منك خدمة ياريت ترتبلي الافضل في العربيات دي

بونتو 94 ، كيا برايد ، جيلي فروته 2005 ، هيونداي اتوس ،

[YahiaAshraf]

المشاركة الأصلية كتبت بواسطة Mo.Hashim السلام عليكم يا استاذ يحيى اولا اسمحلى اقولك انى اشتركت فى المنتدى ده بجد علشان حاضرتك وعلشان عحبنى الموضوع جدا وعاجبنى قدرتك على التفاعل مع الناس هنا ثانيا انا عاوز مساعدتك انا معايا حوالى 46 الف وممكن يكملوا ل 50-52 الف ان شاء الرحمن بس مشكلتى انها اول عربية ليه فى حياتى مع انى بسوق بقالى اكتر من اربع سنين !!! مش عارف اجيب ايه بس الى اعرفه ان العربية بتبقى قريبة من شخصية الى هيركبها وكلها ازواق بس انا الى هيحكمنى حاجات كتير منها انى لسه فى بداية حياتى يعنى عاوز حاجه مناسبة للشاب لسه هيخطب وهيتجوز وهيجهز شقة وده معناه انى عاوز حاجه مش هتحتاج مصاريف كتير ثانيا وده الاهم عندى ان انا مش بحب ابيع حاجه وعشرى الى اقصى درجه ممكن تتخيلها... يعنى ممكن تقول ان العربية الى هشتريها ممكن على الاقل تفضل معايا اكتر من 10 -12 سنه وبعد كده مش هبعها برضوا بالعكس هشترى عليها هن قدرنى ربنا ان شاء الله (ده انا بقى تقول ايه) ثالثا بالنسبة لمواصفات العربيه انا عاوزها معقوله وعائلية شبابية وكمان ممكن اعتمد عليها فى السفر لو احتاجتها (مش بحب اسوق وانا مسافر) مانوال ولا اتوماتيكى (انا عاوز الاحسن والى هيحكمنى العربية بس الاتنين اوكى بالنسبة ليه) سيدان ولا هاتش بالك برضوا معنديش مشكلة والى هيحكمنى العربية بس انا اتمنى مش تقل عن 1300 سى سى علشان انا بكره الاقل من كده ممكن نصيحة منك (حتى لو هتقول بلاش تشترى خالص معنديش مشكلة برضوا) ثانيا واسف للاطاله انا بعد لما فصصت الموضوع لاقيت حاضرتك ميال اوى للسينا والرينو !!!! ممكن اعرف السبب وايه الميزه عن كل العربيات الى فى نفس الفئة بتاعتهم واسف للاطاله بجد

يا باشا انا ليا الشرف ان سعادتك معانا فى المنتدى هنا

المنتدى كله منور بحضرتك و الله

نيجى بقى للموضوع

انا لما قولت السينا و الرينو و كده

انا بقول افضل حاجه بالنسبه للسعر
لان خلى بالك السعر دايما بيحكم
واخد بالك

يعنى متقوليش 40 الف
و اقولك هاتلك تويوتا موديل التسعينات
غير لما اقولك حاجه نظيفه و سمعتها كويسه و شغاله و مفيش مشاكل و فى نفس الوقت موديل حديث
ده انا قصدى عليه

نيجى بقى للمبلغ اللى انت عاوزه

هقولك يجيب ايه
عندك فيات سينا 1500 سىسى موديل 2008 كسر زيرو تعمل 50 الف
لو ماشبه فوق ال60 الف تعمل 47 الف

و ده الشكل الجديد خلى بالك
و الاتنين مانوال



عندك كمان فيات بونتو هاتشباك موديل 2004
الشكل بتاع 2011
تعمل من 40 الى 45 الف
مانوال 1300 سىسى


عندك كمان هيونداى فيرنا مانوال 1600 سىسى
20087 تعمل 46 الف
و هتكون ماشبه فى حدود من 50 الى 70 الف

عندك كمان لو عاوز باسعار اقل عندك من 2004 الى 2007
و ممكن تجيبها اوتوماتيك حاله ممتازه و بسعر رخيص لو عاوز اوتوماتيك

فى كمان فولكس فاجن بولو 2001 تعمل فى حدود 47 الف
مانوال هاتشباك


عندك كمان بروتون واجا 2006 مانوال 1600 سىسى
فول اوبشنز تعمل 47 الف
و برده فى منها ب 50 الف
و الاوتوماتيك لتاعتها ب 55 الف



عندك كمان رينو كليو 2008
و 1400 سىسى فول اوبشنز تعمل من 46 الف الى 50 الف



مش هقولك اكتر من كده

انا قولتلك انظف حاجه بالتمن ده

شوف و قولى بقى علشان ادورلك على اللى انت هتختاره استعمال


و اى استفسار عن اى عربيه مش عارفها منن اللى انا ذكرتهم اعملك تقرير مخصوص عنها

تحياتى


: 01FDAB~189:

[YahiaAshraf]

المشاركة الأصلية كتبت بواسطة blak2121amr معايا 20000 وعايز عربية تكون موفرة للبنزين وقطع غيارها معقوله وموديل تسعينات محتار بين سكودا فليشيا وستروين Ax و رينو اوبتيما

الاسكودا فيليشيا عربيه ناشفه شويه و متعبه
و العفشه بتاعتها وحشه جدا

بص الستروين AX عربيه ممتازه الصراحه

انا مره جربتها و عجبتنى قوى فى كل حاجه

ده راى الشخصى

فى الاخر القرار ليك طبعا

و شوف لو اخر كلام معاك فيها قولى و ادورلك على استعمال منها

: 01FDAB~189:

[YahiaAshraf]

المشاركة الأصلية كتبت بواسطة zezo76zezo استاذ يحي انتى مش بترد عليا ليه ؟؟؟؟؟ عموما انا عاوزة اشكرك جدا على الموضوع الحلو ده والله انا استفدت منه كتيرررر بس كنت عاوزة منك خدمة ياريت ترتبلي الافضل في العربيات دي بونتو 94 ، كيا برايد ، جيلي فروته 2005 ، هيونداي اتوس ،

يا باشا انا متاسف جدا لو كنت مردتش على حضرتك
معلش اكيد انا كنت ملخوم شويه
ده يا سيدى الترتيب من وجهة نظرى

فيات بونتو
كيا برايد

هيونداى اتوس

و اخيرا الجيلى فروته

لو عاوز اى حاجه قولى و انا تحت امرك فى اى استفسار

: 01FDAB~189:

[YahiaAshraf]

المشاركة الأصلية كتبت بواسطة salaeldin لو ممكن اسال عاوز اشترى عربية نيسان صنى مو 2007 ex ممكن اعرف سعرها فى حدود كام وهى ماشية 48 الف كيلو بس ولك جزيل الشكر

اوك تمام بس لو كونت تقولى هى اوتوملا مانوال
على العموم هقولك على الاتنين

لو اوتوماتيك تعمل 70 الف
و ممكن تفاوض بسيط


لو مانوال فى حدود 68 الف


: 01FDAB~189: