كل اللي نفسه في حاجة عن اللوجان يدخل هنا

[SPACEEVIL]

شكرا يا اخ رينجو على ردك الجميل وإن شاء الله هعمل كلامك ده بس قبل ما اعمل اللى إنت قلته أنا عامل 3250 كم لحد دلوقت هل ده يفرق معاك وهل ده ممكن يمثل خطر على الموتور؟ مستنى ردك

[SPACEEVIL]

المشاركة الأصلية كتبت بواسطة ringoo طبيعى طبعا .. استنى بس حقولك طبيعى ليه اولا انت عامل كام الف كيلو ثانيا والمهم على اعتبار انك خلصت تليين ... طول ما انت بتنقل على النقلة الخامسة على سرعة 80 دى اسمها قيادة هادئة جدا والقايدة الهادئة باستمرار دى مش صحية للماتور بالذات فى اول عمره طيب حتعمل ايه ......................... ...... اول حاجة تعملها تطلع على طريق سريع وممهد وتعمل الاتى 1- تصل الى سرعة 70 على النقلة التانية (مالكش دعوة بصوت الماتور) 2- تصل الى سرعة 100 على النقلة التالتة (مالكش دعوة بصوت الماتور) 3- تصل الى سرعة 135 على النقلة الرابعة (مالكش دعوة بصوت الماتور) 4- انقل خامس وجيب دواسة البنزين الارض وسيب العربية تجيب اعلى سرعة ليها 5- حتكرر الموضوع تانى بس حتزود فى كل نقلة 5 كيلو على الساعة يعنى على سبيل المثال النقلة التانية 75 ك/س والخامس مفتوح على اد ما تقدر 6- حتكرر البند رقم 5 لتالت مرة وبردو حتزود فى كل نقلة 5 ك/س على سبيل المثال 80 ك/س للنقلة التانية وطبعا باقى النقلات نفس الوضع طيب ايه اللى حتستفاده من الموضوع دة :- 1- السحب حيتحسن بشكل ملحوظ جدا .. حتلاحظ بنفسك انطلاقة العربية من الثبات وتحسن كبير فى طلوع الراضى العالية زى المطلعيات 2- انخفاض صوت الماتور وصوته حيتحول الى النغمة المحبوبة فى السيارات اللى هو الصوت المكتوم 3- حتصل الى سرعات عالية بسهولة ودة نتيجة ثقتك فى العربية ومعرفت نقاط القوة وامتى عربيتك بتطلع اعلى عزم فى كل نقلة مافيش اى خطورة من اى نوع فى انك تفتح ماتور عربيتك بالذات فى اول عمره وهو لسة بخيره حتفرق معاك جدا ......................... ..... الاهم بقى من رينجو واهم من الماتور واهم من الدنيا كلها سلامتك يعنى تعمل الموضوع دة فى طريق انت حافظه كويس ويكون طريق فاضى ودى انا حسيبهالك ومش حعطيك امثلة ليها موضوع الاصوات دة صعب تحديده لان الصوت صعب يتوصف لكن بيتسمع بالاضافة ان مش شرط يكون الصوت طالع من المساعد على حسب تشخيصك ممكن يطلع من حاجات تانية كتير وماتقلقش ان شاء الله بسيطة وقولهم عليها فى الصيانة

شكرا يا اخ رينجو على ردك الجميل وإن شاء الله هعمل كلامك ده بس قبل ما اعمل اللى إنت قلته أنا عامل 3250 كم لحد دلوقت هل ده يفرق معاك وهل ده ممكن يمثل خطر على الموتور؟ مستنى ردك

[ringoo]

المشاركة الأصلية كتبت بواسطة SPACEEVIL شكرا يا اخ رينجو على ردك الجميل وإن شاء الله هعمل كلامك ده بس قبل ما اعمل اللى إنت قلته أنا عامل 3250 كم لحد دلوقت هل ده يفرق معاك وهل ده ممكن يمثل خطر على الموتور؟ مستنى ردك

العفو يا باشا ومافيش اى خطورة من اى نوع على اى حاجة انت فى توقيت مثالى
المهم ما تستعجلش يعنى افتح الماتور وفى نفس الوقت تراعى التدريج
النهاردة تحرق على كل غيار وبكرة تزود الحرق وبعده تجيب اخر الغيار من غير الوصول الى الريد زون طبعا يعنى لحد 5 ار بى ام

[SPACEEVIL]

المشاركة الأصلية كتبت بواسطة ringoo العفو يا باشا ومافيش اى خطورة من اى نوع على اى حاجة انت فى توقيت مثالى المهم ما تستعجلش يعنى افتح الماتور وفى نفس الوقت تراعى التدريج النهاردة تحرق على كل غيار وبكرة تزود الحرق وبعده تجيب اخر الغيار من غير الوصول الى الريد زون طبعا يعنى لحد 5 ار بى ام

جزاك الله خيرا يا اخ رينجو على المعلومات المفيدة اللى حضرتك زودتنى بيها لكن بعد ما يتم فتح الموتور والوصول لأعلى سرعة ممكنة النقلات العادية هتكون حدودها إيه على عداد السرعة هل ستكون النقلة الثانية حتى40 والثالثة حتى60 والرابعة حتى80 ؟؟؟؟ كالمعتاد ولا إيه؟؟؟؟؟!!!!!!

[ringoo]

المشاركة الأصلية كتبت بواسطة SPACEEVIL جزاك الله خيرا يا اخ رينجو على المعلومات المفيدة اللى حضرتك زودتنى بيها لكن بعد ما يتم فتح الموتور والوصول لأعلى سرعة ممكنة النقلات العادية هتكون حدودها إيه على عداد السرعة هل ستكون النقلة الثانية حتى40 والثالثة حتى60 والرابعة حتى80 ؟؟؟؟ كالمعتاد ولا إيه؟؟؟؟؟!!!!!!

السرعة دى انت اللى بتحددها
فى القيادة العادية حتنقل عند سرعة 35 او 40 والتالتة على 60
لكن فى حالة انك محتاج تسارع يعنى محتاج العربية توصل لسرعة عالية فى وقت قليل
ساعتها ما تنقلش بدرى ومع تجربة تفتيح الماتور اللى انت حتعملها حتفهم كل نقلة اعلى سرعة ليها كام
الكلام السابق كله الغرض منه تفتيح الماتور علشان صوته يهدى بالاضافة لتحسن السحب .. بالبلدى كدة علشان العربية تصحى من النوم وتفوق
لكن الطبيعى انك بتنقل على السرعات اللى انت كاتبها لكن اعتراضى على الرابع انك تنقل على الخامس على سرعة 80 لأ احرق شوية على الرابع علشان العربية تستجيب معاك بشكل جيد على الخامس لان زى ما قولتلك انت ممكن توصل بالرابع لسرعة 160 ك/س يبقى لما تنقل على سرعة 80 دة قليل بصراحة ومش حتوصل لسرعة عالية لانك ناقل بدرى قوى على واحد عايز يجيب سرعة عالية
فى حاجة كمان حتفهمها لوحدك اثناء عملية تفتيح الماتور وهى انك ازاى توصل بالعربية لسرعة عالية جدا ومش بعيد تيجى فى يوم تقولى انا قفلت العداد
لكن بكرر تحذيرى ليك يا باشا الله يخليك ساعت ما تيجى تعمل الموضوع دة يكون طريق سريع و فاضى تماما ومتأكد ان مافيش اى خطر على سلامتك بعد ستر ربنا طبعا وتكون النية مش جرى وسرعات وخلاص لا .. النية انك طالع تفتح ماتورك وبس ...ومتنساش التدريج حيخليك باستمرار تفهم عربيتك وتتحكم فيها
ولو انت مالكش فى الجرى والسرعات يبقى سيبك من كلامى دة كله نهائى لان سلامتك عندى بالدنيا ... ورمضان كريم