بالامانه اسبرانزا m11 ولا بيرليانس frv

[memo_return2]

السلام عليكم
ياريت حد خبره ويكون مجرب يفيدنى ويقولى
m11 ولا frv
علشان انا محتار جدا مابينهم

ياريت على وجه السرعه علشان العرض اللى عليهم هيخلص اخر الشهر


شكرا

[أحمد فاروق سيد]

المقارنة صعبة إلى حداً ما
ولكن
الفئة السعرية : نفس السعر
الشكل : شبابى رياضى " الأتنين " وإن كانت FRV أشيك
والـ M11 شبابية رياضية عائلية أيضاً
الأنتشار : FRV لطرحها بالأسواق قبل M11 مع أقتناعى
أن الـ M11 قد أثرت تماماً على مبيعات FRV
إعادة البيع : سيئة فى الأتنين
قطع الغيار : M11 منتشرة أكتر
أسعار قطع الغيار : بالتوكيل شبه متساوية
أسعار الصيانة : شبه متساوية
الوكيل : الأتنين معروفين ولهم باع طويل فى عالم السيارات
جودة التجميع : أعتقد FRV
الكماليات : M11 تكسب

مش قلتلك المقارنة صعبة !

[smasherone]

المشاركة الأصلية كتبت بواسطة أحمد فاروق سيد المقارنة صعبة إلى حداً ما ولكن الفئة السعرية : نفس السعر الشكل : شبابى رياضى " الأتنين " وإن كانت FRV أشيك والـ M11 شبابية رياضية عائلية أيضاً الأنتشار : FRV لطرحها بالأسواق قبل M11 مع أقتناعى أن الـ M11 قد أثرت تماماً على مبيعات FRV إعادة البيع : سيئة فى الأتنين قطع الغيار : M11 منتشرة أكتر أسعار قطع الغيار : بالتوكيل شبه متساوية أسعار الصيانة : شبه متساوية الوكيل : الأتنين معروفين ولهم باع طويل فى عالم السيارات جودة التجميع : أعتقد FRV الكماليات : M11 تكسب مش قلتلك المقارنة صعبة !

مع أحترامي لرأي صديقي أولا المقارنه ليست صعبه على الاطلاق مبدأيا من حيث السعر لا مقارنه لأن ابريليانس ال 1600 سي سي الكامله تتعدى ال 80 الف جنيه

وهنا نبدأ بالمقارنه و لن أدخل الشكل لأن المعيار يختلف من أحد الى اخر و أن كانت البريليانس شكلها أحسن و لكنها ليست توحى بالاصاله بينما السبرانزا تميل أكثر الى التصميم الاصلى

من حيث الاداء و عند تجربه للاثنين ال m11 محركها 1600 سي سي التكنولوجيا تقترب كثيرا من محركات فولكس فاجن 118 حصانا و 147 نيوتن .متر تستطيع الانطلاق من 0-100 في زمن قدره 12.5 ثانيه السرعه القصوى الفعليه تتعدي 195 كم أما الامان فهي 5 نجوم في ثلاث أختبارات امان امامي و ربع امامي و جانبي السياره عائليه و لها شنطه واسعه جدا بالنسبه لقئتها مع أحتفاظها بالطابع الرياضي جنوط 16 بوصه سبور بعكس قرينتها التي جهزت بجنوط 15 بوصه في اعلى فئه فقط المواد المستخدمه في التصنيع أفخم بكثير فالتبلوه مكسي جلد و المقاعد فى منتهى الفخامه ثابته جدا بفضل التعليق الرياضي اولا و وزنها الذي يبلغ حوالى 1400 كجم فارغه!!!

نأتي للfrv
أعلى فئه 1600 سي سي 102 حصانا !!! 130 نيوتن .متر يعني عزمها زي الانوس ال 1500 سي سي الكامه الواحده ال 8 صباب بينما البريليانس تستخدم موتور المفروض انه تكنولوجيا ميتسوبيشي كامتان و 16 صباب!!! مما يعني ضعف العزم و هذا واضح في كل السيارت الصينيه لاستخدامهم جير بوكس ذو تروس كبيره فمثلا الطبيعي ان معظم السيارات ال 1600 سي سي عند 3000 لفه على عداد الا ار بي ام تكون السرعات كالاتي الثاني 40 الثالث 60 الرابع 80 الخامس 100 ولكن الصيني حتلقيه التاني 50 و كسر و هكذا في باقي النقلات مما يستلزم عزم زياده غير متوفر في المحرك الميتسوبيشي المعدل لأن هذا المحرك لم يكن 2 كامه و لم يكن 16 ولا انجيكشن بل كان كامه واحده و 12 صباب فنتيجه هذا الاداء متدني من 0-100 زمن لا يقل عن 15.9 ثانيه !!! عوامل الامان شركه بريليانس ليست من الشركات الرائده في الصين كما يظن بعض المصريين فاختبارات الامان متواضعه جدا ما بين 3 نجوم أقصاها اربعه و طبعا الكارثه جالينا التي حقققت صفرأكبر من صفرالمونديال عند ركوبك السياره على الرغم من محاوله التشبه بالسيارات الاوروبيه شكلا و ليس موضوعا فسينكشف لك فقر المواد المستخدمه ثانيا و هو الاهم بأي حق تكون قطع غيار هذه السياره أغلى من سيارت كوريه تتفوق عليها بمراحل؟؟؟؟ مثل السيارتو الجديده فرفرف ال frv ثمنه يتعدي الاف جنيه؟؟ بالاضافه لعدم توفره في السوق
اما الm11 فقطع غيارها منطقيه و رخيصه نتيجه وجود منافسه بين التجار الذين أقبلوا على التعامل مع اسبرانزا

يبقى التوكيل أبو الفتوح الوكيل السابق المحترم ل بي ام دبليو ام البفاريه؟؟؟
اسف بعد استخفاف البفاريه بعقل المستهلك المصري و بيع سيارت صينيه بسعر سيارت كوريه تتفوق علىيها بكثير بالاضافه لغلو الاسعار بعكس تاريخ ابو الفتوح الذي ضرب الاسعار بالدايو زمان رغم انتسابها لتوكيل بي ام دابليو وكنه لم يستخف بعقل المستهلك

المقارنه محسومه بالاضافه لأن ال m11 في الصين متربعه على عرش فئتها

علي كدا يا جماعه الناس اللي كل يوم تعمل مقابله علشان مشاكل ال M11 ملهمش حق

العربية مليانه مشاكل واسئل اصحابها اللي عاملين كذا موضوع هنا في المنتدي ومقابلات علشان يحلو المشاكل ديه ومش عارفين

طبعا FRV تكسب مليون الميه مشاكلها مش معروفه اداءها افضل رياضيه وتحس انها عامله زي الجولف وال I30

توكل علي الله وهات ال FRV وابعد عن المشاكل

[smasherone]

المشاركة الأصلية كتبت بواسطة corsair علي كدا يا جماعه الناس اللي كل يوم تعمل مقابله علشان مشاكل ال M11 ملهمش حق العربية مليانه مشاكل واسأل اصحابها اللي عاملين كذا موضوع هنا في المنتدي ومقابلات علشان يحلو المشاكل ديه ومش عارفين طبعا FRV تكسب مليون الميه مشاكلها مش معروفه اداءها افضل رياضيه وتحس انها عامله زي الجولف وال I30 توكل علي الله وهات ال FRV وابعد عن المشاكل

على فكره انا رديمش عن جهل!!

أولا ال frv مع أختي و السياره ليست فوق الشبهات اولا ال abs غير مظبوط بالمره السياره بتحدف شمال بالاضافه لسماع طقه في العفشه عند الضغط على دواسه البنزين بقوه تتكلم عن المشاكل؟؟؟ اذهب الى صاحب ال frv اللى الموتور وقع منه و هو لسه مكملش10000 كم و مع ذلك انا لا اذم في الfrv و لكن قيمه مقابل سعر و اسعار قطع غيار !!!! طبعا انا اسف لما ادفع أكثر من 1000 جنيه في رفرف يبقى اجيب ال سيراتوا المانيوال ب 96 الف جنيه احسن من 85 الف جنيه في تكنولوجيا سنه 95

ملحوظه اداء احسن من ناحيه ايه؟؟؟

تسارع ال m11 تتسارع في 12.5 ثانيه عن تجربه مقارنه ب15 ثانيه في احسن الحالات و انا املك جوليت و لما جربت مع ابن خالتي لم يستطع ان يتعداني مع ان موتور ال frv سعه 1600 و 16 صباب مقارنه ب 1500 سي سي و 8 صباب في الجوليت

امان ال m11 حصلت على خمس نجوم انا الاف ار في فلا التوقف من 100 كم للثبات تتفوق ام الفن

فماذا تعني بالاداء؟و على اي اساس ادائها احسن

عزيزي

من سيقول لك ان السيارات الصينيه خاليه من العيوب فهو كاذب
جميعها بلا استثناء تنقصها الخبره ما عادا الفاو التي تصنع السارات من الاربعينات لكن أقدم شركه بنتكلم عليها عمرها لا يتعدى ال 16 سنه !! يعني اي سياره كوري تعتبر جده لاي سياره صيني

ولكن هنا المقياس الموضوعي

القيمه مقابل السعر و ليس شكلها عاجبني و لا لأ

القيمه في التابلوه الجلد اللى مش موجود في البريليانس رغم حداثه شكل البريليانس من الداخل
القيمه في شاسيه السياره ال40% صلب القيمه في 8.0 مم صاج القيمه في موتور أحدث 118 حصانا عزم 147 نيوتن مقارنه ب102 حصانا و 130 نيوتن القيمه في وكيل مبيستخفش بعقول الناس و يبيعلهم سياره صينيه أغلى من الكوري اللى يضربهم كلهم و ده مش كلامي لكن كلام السوق العالمي اللى خلى هيونداي النهاره مركز ثالث على العالم
السياره ليست سمعه و كلام ناس السياره تجربه عمليه و على فكره ال m11 هي ال 516 بس على نضيف و ال 516 طلع عليها كلام كتير لكن اثبتت انها ماشيه
و بالطريقه البلدي بنقول دي معموله تاكسي يعني شغاله ليل نهار مع ان ده مش مقياس بس برده اهي وجه نظر تحترم اسرتنا مالكه لل frv و مع ذلك اخترت الاسبرانزا عن تجربه و عايز تريح نافوخك خالص بس تستغنى عن بعض الفخامه و تكسب كثييييرمن الجوده نيو اكسنت كلاسيك اديشين و ادائها أقوى بكثير من الاتنين ما عادا الثبات و ده لخفه وزن السياره