رابطة ملاك ومحبى السفينه فيات 132

[أيمن الروبي]

ازيكو يا جماعه ايه الاخبار واحشني والله تحيه وتقدير ل اتش ومصطفي والقاضي

المهم امبارح روحت اكتوبر فوجئت بعد سرعة ال 120 كم البليه اليمين امامي بتنعر تاني وع العلم دي تالت بليه اغيرها وعرفش اشمعني العجله دي بالذات بتبوظ البلي هتقولولي هتلها بلي SKF اصلي هقولكو اللبليتين اللي راكبين في الشمال مش اصلي ويقال ويقال عليهم ايطالي وجايبهم ب 45 جنيه وشغالين بقالهم سنتين زي الفل اشمعني بقي العجله اليمين دي مبيعشلهاش بلي محسوده مثلا وكمان العجله مش قالبه ولا محتاجه ظبط زوايا ايه بقي اللي بيحصل ده

[Hisham.Elgazzar]

راجع عليها زوايا يا أيمن باشا على مانشوفلها حل

[emadwady]

المشاركة الأصلية كتبت بواسطة mOuStaFa_ERTU تحية كبيرة للدوق هشام الجزار لمجهوده المميز فى رابطة الفيات

:Bra vo::THUMBS~ 220::THUMBS~2 20::THUMBS~22 0:

[محمدصلاح القاضى]

انا من ساعه ما روحت من الكليه وانا فى حورات واشتغالات بايخه

روحت تمام الحمد لله كله زى الفل لقيت النت فاصل والرواتر مش شغال رغم وجود الكهربا وبعد فحص وتمحيص اكتشفت ان الفيشه بتاعت المشترك مش شغاله وظبطتها

بعد ساعه كان الغدا جهز
لسه بقول بسم الله الرحمن الرحيم وهووووووووب النور قطع علينا احنا بس
يادى السواد المغلى اللى انا فيه
قمت اشوف ايه اللى حصل وكان الكلام دا ساعه اذان المغرب
وقعدت يجى ساعتين ادور على العطل
لحد ما اكتشفت ان الشده بتاعت العمود بتولع من عند البيت اتارى ( مش بلاى استيشن )
الشده مكربنه عشان الشتا احاول اعملها تولع اكتر
اتصلت على الكهربائى يجى يشوف الدنيا فيها ايه ؟؟؟
جه بعد ساعه وانا هطق الحمد لله ظبطها
لكن مش عارف ايه سر الكهربا معايا النهارده ؟؟:01 964E~163:

حتى هشام كان طالب منى طلب معرفتش اخلصه غصب عنى لانه محتاج اروح طنطا وادور
لانى ملقتش عند صاحبى
وعندى العجله اليمين قدام حاسس انها فاتحه من تحت شويه جايز تكون السبب فى الحدفه مع الفرامل هروح اظبطها بكره واتأكد انها تمام واظبط الفرامل

[mOuStaFa_ERTU]

بصراحة مش لائى كلمه توصف اللى انا فيه غير كلمه ..
آآآآآآآآآآآآآآآآآآآآآآآآآ آآآآآآآه

ملعون ابو العربيات القديمة يا اساتذه بلا وجع دماغ
كل ما اعمل حاجه تطلع حاجه اخلص حاجه تطلع حاجه مش طبيعى خالص
الدينامو فيه حاجه مش مظبوطه ولا يتحل
وماكينة الازاز بتاعت باب السائق الترس بتاعها باظ ومش موجود ولائيته عند واحد بس ب 70ج والماكينه كلها ب 300ج ليه ماكينه خياطه ؟؟

المهم قولت انا مش هركبها تانى خالص دلوقتى ومش هاصلحها وزنقت الازاز بخشبه وطلعت الكلام ده امبارح الساعه 7م
نزلت الصبح بقه لاقيت صاحب المحل اللى تحت البيت الهى ربنا يجحمه منيم العجله الشمالى اللى قدام بس والله الراجل ده اصلا صعب عليا ميعرفش انى مش ناوى اطلع بيها قبل اسبوع على الاقل
خليها واقفه بقه قدامه منوراه

وسلام ..
دى مش حاجه ساقعه يا اساتذة دى شويبس