رابطة ملاك ومحبى السفينه فيات 132

[mOuStaFa_ERTU]

المشاركة الأصلية كتبت بواسطة أيمن الروبي احلي صباح لأحلي رابطه وافضل رابطه كمان بعتذر عن عدم وجودي الفتره اللي فاتت بس الضغط في الشغل ومازلت مضغوط برده اه والله لسه مضغوط في الشغل بس بحاول اختلس بعض الدقائق للاطلاع علي اخبار اصدقائي في الرابطه وسلام حار لــ اتش القاضي مصطفي ادماير وابو نورا اللي هيشرفنا بمقابلته ان شاء الله

انت معانا بقلبك يا صديقى
وربنا يقدرك ويعينك على اللى انت فيه وتفوق قريب عشان واحشنا والله

[a7mdaly]

المشاركة الأصلية كتبت بواسطة Hisham.Elgazzar سعر الضريبة بالظبط ممكن مصطفى او أيمن يفيدوك فيها أكتر لكن هيا فى حدود 230 جنيه وهى بتاخد بنزين كتير اوى فعلا لو مش مظبوطة صح ولعلمك حتى لو ال128 ال1100 سى سى لو كربراتيرها بايظ هتاخد بنزين كتير اوى زى ال 132 وأكتر، انما موضوع زيادة الإستهلاك فى ال132 دى لها حلول كتيرة وإن شاء الله الفترة اللى جاية هنوصل لحل لها لكن عموما لحد 200 كيلو فى الصفيحة زى الفل ومعقول بالنسبة لعربية من سنة 70 - 80 مش كلتنا دلوقتى مع الصنايعية لكن والحمد لله وبفضل الله بنحل معظم مشاكل عربياتنا ال132 من خلال المقابلات اللى بتتعمل بصفة دورية على الأقل مرتين كل شهر ، ويشرفنا لو تنضم للرابطة بإذن الله أنصحك بشراء ال132 لأنها لحد دلوقتى كل حاجاتها موجودة سواء الاساسيات او الكماليات ، عفشة جميلة وناعمه وثبات كأنك راكب مرسيدس بالظبط وعالية عن الأرض عشان ماتحكش فى المطبات وقطع غيارها رخيصة بالمقارنة بالعربيات الكورى واليابانى لكن عاوزة مهارة فى التعامل معاها لأن الإهمال فيها بيموتها لما تنوى بإذن الله تشترى 132 هتبص على الحوض بتاعها كويس جدا أى شروخات او بارومة فى الحوض او الدواسات يبقى ابعد عنها خالص وطبعا أساسيات الشراء يبقى معاك سمكرى أهم من الميكانيكى آلات الجر بتاعتها لكن برضو مهم ونتا ماشى لو سمعت اى ونة فى العربية من ورا او عضة فى الفتيس او خبطة على طول تنزل 1000 جنيه من سعر العربية ليه بقى ؟ عشان الكارونة لوحدها ب 750 جنيه الفتيس ب 600 80% من العربيات اللى معانا مواتيرها خفيفة تعريف الموتور الخفيف : اى موتور عدى على زمن تصنيعه أكتر من 15 سنة وناس كتير مش واخدين بالهم من المعلومة دى لأن اى خراط مهما عمل لايمكن يرجع الموتور زى ماكان الخواجة منزله بس احنا شعب فهلوى وبيحب الإختراعات وفاكرين ان العربيات ممكن تعيش 100 سنة

انا متشكر جدا لحضرتك وانا ليا الشرف اني انضم لهذه الرابطة.
وامبارح كنت بتفرج على عربية 132 1600سي سي مو 73 بس هيه رشه حوض و الشنطة و كل حاجة فبريكة ولسه متجددة كلها من عفشة و فرش و عمرة ماتور اقل من سنة بس قلقت منها لان لما زودت بنزين جامد اوي المروحة بتاعت الموتور الاضافية طارت من مكانها و بعد ما كتبت العقد رجعت في كلامي و قلت للراجل ها افكر و اجيلك بكرة
ايه رائيك اخلص فيها و لا اصرف نظر عنها هيه اخرها 12750جنيه ارجو الافادة

[mOuStaFa_ERTU]

المشاركة الأصلية كتبت بواسطة a7mdaly كنت عايز اعرف الضريبة بتاعت ال132 2000سي سي كام في السنة وايه اخبار البنزين سمعت انها بتاخد بنزين كتير جدا و عايز اعرف يعني ايه كامة واحدة و اتنين كامة و الفرق بينهم و ايه الافضل و اشكركم جميعا

ضريبة ال 2000 (273)ج للسنه والتأمين الاجبارى (120)ج للسنه
والباقى هشام رد على حضرتك بخصوصه ولا كلام بعد كلامه

المشاركة الأصلية كتبت بواسطة a7mdaly كنت عايز اعرف ايه الفرق بين ال132 و الارجينتا و ايه الافضل فيهم و با ايه تنصحوني لشراءه

الفرق مش كبير الارجينتا اكبر واعرض وتابلوه فيه كومبيوتر اعطال وحلوه
لكن ...
ملهاش اى اكسسوارات زى ..
الفوانيس الاماميه والخلفيه
الشبكه الاماميه
وهكذا ...
لذا انصحك بال 132 نظرا للانتشار وسهوله البيع ولتوفر قطع الغيار والاكسسوارات
تحياتى

[mOuStaFa_ERTU]

المشاركة الأصلية كتبت بواسطة أيمن الروبي اتفرجو علي الجمال http://www.youtube.com/watch?v=ndkYMh5S974

انا دخلت شوفت ال 4 اجزاء بتاعت العربية دى
والله اتعقدت ونفسى اتسدت

العربية دى فى كورواتيا
ادفع نص عمرى وابوس هند رستم

[mOuStaFa_ERTU]

المشاركة الأصلية كتبت بواسطة a7mdaly انا متشكر جدا لحضرتك وانا ليا الشرف اني انضم لهذه الرابطة. وامبارح كنت بتفرج على عربية 132 1600سي سي مو 73 بس هيه رشه حوض و الشنطة و كل حاجة فبريكة ولسه متجددة كلها من عفشة و فرش و عمرة ماتور اقل من سنة بس قلقت منها لان لما زودت بنزين جامد اوي المروحة بتاعت الموتور الاضافية طارت من مكانها و بعد ما كتبت العقد رجعت في كلامي و قلت للراجل ها افكر و اجيلك بكرة ايه رائيك اخلص فيها و لا اصرف نظر عنها هيه اخرها 12750جنيه ارجو الافادة

اصرف يا باشا اصرف خالص
العربية موديل قديم والشكل القديم
هات موديل 79 او 80 الافضل وحاول تدور على ال 2000 الكداب او ال 2000 اللى على ابوها نظرا للكماليات اللى بها
تحياتى