رابطة ملاك ومحبى السفينه فيات 132

[a7mdaly]

كنت عايز اعرف ايه الفرق بين ال132 و الارجينتا و ايه الافضل فيهم و با ايه تنصحوني لشراءه

[Hisham.Elgazzar]

المشاركة الأصلية كتبت بواسطة a7mdaly كنت عايز اعرف الضريبة بتاعت ال132 2000سي سي كام في السنة وايه اخبار البنزين سمعت انها بتاخد بنزين كتير جدا و عايز اعرف يعني ايه كامة واحدة و اتنين كامة و الفرق بينهم و ايه الافضل و اشكركم جميعا

سعر الضريبة بالظبط ممكن مصطفى او أيمن يفيدوك فيها أكتر لكن هيا فى حدود 230 جنيه
وهى بتاخد بنزين كتير اوى فعلا لو مش مظبوطة صح
ولعلمك حتى لو ال128 ال1100 سى سى لو كربراتيرها بايظ هتاخد بنزين كتير اوى زى ال 132 وأكتر، انما موضوع زيادة الإستهلاك فى ال132 دى لها حلول كتيرة وإن شاء الله الفترة اللى جاية هنوصل لحل لها لكن عموما لحد 200 كيلو فى الصفيحة زى الفل ومعقول بالنسبة لعربية من سنة 70 - 80

مش كلتنا دلوقتى مع الصنايعية لكن والحمد لله وبفضل الله بنحل معظم مشاكل عربياتنا ال132 من خلال المقابلات اللى بتتعمل بصفة دورية على الأقل مرتين كل شهر ، ويشرفنا لو تنضم للرابطة

المشاركة الأصلية كتبت بواسطة a7mdaly كنت عايز اعرف ايه الفرق بين ال132 و الارجينتا و ايه الافضل فيهم و با ايه تنصحوني لشراءه

بإذن الله أنصحك بشراء ال132 لأنها لحد دلوقتى كل حاجاتها موجودة سواء الاساسيات او الكماليات ، عفشة جميلة وناعمه وثبات كأنك راكب مرسيدس بالظبط
وعالية عن الأرض عشان ماتحكش فى المطبات
وقطع غيارها رخيصة بالمقارنة بالعربيات الكورى واليابانى لكن عاوزة مهارة فى التعامل معاها لأن الإهمال فيها بيموتها

لما تنوى بإذن الله تشترى 132 هتبص على الحوض بتاعها كويس جدا
أى شروخات او بارومة فى الحوض او الدواسات يبقى ابعد عنها خالص
وطبعا أساسيات الشراء يبقى معاك سمكرى أهم من الميكانيكى

آلات الجر بتاعتها لكن برضو مهم ونتا ماشى لو سمعت اى ونة فى العربية من ورا او عضة فى الفتيس او خبطة على طول تنزل 1000 جنيه من سعر العربية
ليه بقى ؟ عشان الكارونة لوحدها ب 750 جنيه
الفتيس ب 600

80% من العربيات اللى معانا مواتيرها خفيفة

تعريف الموتور الخفيف : اى موتور عدى على زمن تصنيعه أكتر من 15 سنة
وناس كتير مش واخدين بالهم من المعلومة دى
لأن اى خراط مهما عمل لايمكن يرجع الموتور زى ماكان الخواجة منزله
بس احنا شعب فهلوى وبيحب الإختراعات وفاكرين ان العربيات ممكن تعيش 100 سنة

[أيمن الروبي]

المشاركة الأصلية كتبت بواسطة Hisham.Elgazzar سعر الضريبة بالظبط ممكن مصطفى او أيمن يفيدوك فيها أكتر لكن هيا فى حدود 230 جنيه وهى بتاخد بنزين كتير اوى فعلا لو مش مظبوطة صح ولعلمك حتى لو ال128 ال1100 سى سى لو كربراتيرها بايظ هتاخد بنزين كتير اوى زى ال 132 وأكتر، انما موضوع زيادة الإستهلاك فى ال132 دى لها حلول كتيرة وإن شاء الله الفترة اللى جاية هنوصل لحل لها لكن عموما لحد 200 كيلو فى الصفيحة زى الفل ومعقول بالنسبة لعربية من سنة 70 - 80 مش كلتنا دلوقتى مع الصنايعية لكن والحمد لله وبفضل الله بنحل معظم مشاكل عربياتنا ال132 من خلال المقابلات اللى بتتعمل بصفة دورية على الأقل مرتين كل شهر ، ويشرفنا لو تنضم للرابطة بإذن الله أنصحك بشراء ال132 لأنها لحد دلوقتى كل حاجاتها موجودة سواء الاساسيات او الكماليات ، عفشة جميلة وناعمه وثبات كأنك راكب مرسيدس بالظبط وعالية عن الأرض عشان ماتحكش فى المطبات وقطع غيارها رخيصة بالمقارنة بالعربيات الكورى واليابانى لكن عاوزة مهارة فى التعامل معاها لأن الإهمال فيها بيموتها لما تنوى بإذن الله تشترى 132 هتبص على الحوض بتاعها كويس جدا أى شروخات او بارومة فى الحوض او الدواسات يبقى ابعد عنها خالص وطبعا أساسيات الشراء يبقى معاك سمكرى أهم من الميكانيكى آلات الجر بتاعتها لكن برضو مهم ونتا ماشى لو سمعت اى ونة فى العربية من ورا او عضة فى الفتيس او خبطة على طول تنزل 1000 جنيه من سعر العربية ليه بقى ؟ عشان الكارونة لوحدها ب 750 جنيه الفتيس ب 600 80% من العربيات اللى معانا مواتيرها خفيفة تعريف الموتور الخفيف : اى موتور عدى على زمن تصنيعه أكتر من 15 سنة وناس كتير مش واخدين بالهم من المعلومة دى لأن اى خراط مهما عمل لايمكن يرجع الموتور زى ماكان الخواجة منزله بس احنا شعب فهلوى وبيحب الإختراعات وفاكرين ان العربيات ممكن تعيش 100 سنة

أؤيد كلامك بشده يا اتش وللعلم انا مرخص عربيتي من فتره قريبه 1600 سي سي الضريبه 247جنيه واعتقد ال 2000 سي سي لن تتعدي 285 جنيه

[أيمن الروبي]

اتفرجو علي الجمال

http://www.youtube.com/watch?v=ndkYMh5S974

[mOuStaFa_ERTU]

المشاركة الأصلية كتبت بواسطة AbOnOrA مساء الخير على أجدع شباب فى اجمد رابطة هشام حكالنا على مقابلات الرابطة وانا شخصياً يشرفنى احضر معاكو فى اقرب فرصة طبعاً عرفونى قبلها بس

صباى الورد والياسمين
ابو نورا انت نورت الرابطه بمشاركتك الغاليه دى والله
وان شاء المولى سنقوم بإبلاغك قبلها بيومين عشان تجهز نفسك وتشرفنا والله بحضورك انت واى عضو فى منتدانا العزيز

تحياتى