رابطة ملاك ومحبى السفينه فيات 132

[أيمن الروبي]

المشاركة الأصلية كتبت بواسطة esame55 يشرفني الانضمام للرابطه وان كنت متابع لاكثر من عامين عندي 132 1600 موديل 74 جددتها بالكامل كل شيئ ولكن العربيه مش حباني خالص تقريبا غيرت كل حاجه فيها سمكره دوكو عفشه كوتش العربيه مكيفه تكييف سنديان مش بتعها كومروسر 507 مكنش مشحون ولما شجنته اشتغل شهر تقريبا والمتور رزع سبيكه مع ان قبلهاكان كويس مفهوش حاجه ودلوقت بعمره لاني لقيت البستم 1 لدع سبيكه الكل عمال يقلي ان التكييف حمل علي المتور وهو الي بوظه ولازم تشيله حتي الميكانيكي هل ده صح بس انا عايزه ايه الصح لا تبخلو عليه اه نسيت اقول ان الويت الي حطيته تقريبا كان مغشوش موبيل الاسود لان عمل 300 ك ونزل ميه بعد المكنه مباظت وميش لزوجه

استاذي الفاضل مع احترامي للميكانيكي بتاعك كلامه غلط مفيش تكييف يخلي الموتور يرزع مكن زيت مضروب او الزيت قل معاك لأي سبب او طلمبة الزيت قفشت لأي سبب انما التكييف يعمل كده لأ طبعا
ثانيا الكمبروسر اللي معاك مبيحملش علي الموتور زي الفابريكا بتاعها الفابريكا بتاعها نوعه يورك وكان بينزل في التمساحه وفولفو وكان كباس حاتي بينزل علي المواتير الجباره بس

ولكن لازم بعد ما تعمر الموتور ان شاء الله تعامله معامله خاصه بعد تركيب التكييف يعني لازم تتابع الزيت باستمرار ودورة تبريد المياه تكون تمام واتمتع بالتكييف وبارك الله لك فيها

[mOuStaFa_ERTU]

المشاركة الأصلية كتبت بواسطة أيمن الروبي استاذي الفاضل مع احترامي للميكانيكي بتاعك كلامه غلط مفيش تكييف يخلي الموتور يرزع مكن زيت مضروب او الزيت قل معاك لأي سبب او طلمبة الزيت قفشت لأي سبب انما التكييف يعمل كده لأ طبعا ثانيا الكمبروسر اللي معاك مبيحملش علي الموتور زي الفابريكا بتاعها الفابريكا بتاعها نوعه يورك وكان بينزل في التمساحه وفولفو وكان كباس حاتي بينزل علي المواتير الجباره بس ولكن لازم بعد ما تعمر الموتور ان شاء الله تعامله معامله خاصه بعد تركيب التكييف يعني لازم تتابع الزيت باستمرار ودورة تبريد المياه تكون تمام واتمتع بالتكييف وبارك الله لك فيها

وكما قال الفنان / محمد سعد
ايه اللى جاب القلعة جنب البحر ؟؟؟
اكييد الميكانيكى ده

[esame55]

مشورين علي الاهتمام والرد بارك الله فيكم وارجو النصيحه بالنسبه للزيت نوعه ايه الي احطه واغيره بعد اد ايه

[Hisham.Elgazzar]

المشاركة الأصلية كتبت بواسطة esame55 مشورين علي الاهتمام والرد بارك الله فيكم وارجو النصيحه بالنسبه للزيت نوعه ايه الي احطه واغيره بعد اد ايه

أستاذ عصام نورت الرابطة
انا بستعمل زيت دلفاك ام اكس 3 (بتاع مواتير التربو الديزل ) الكيلو ب 19 جنيه
مع علبة زيت شنبر أبرو ( عشان الشنبر خفيف )

وممكن تستخدم زيت شيل الأصفر بيتغير كل 3-5 الاف

[yabulaila]

المشاركة الأصلية كتبت بواسطة محمدصلاح القاضى اولا مساء الخير على الجميع انا عندى عربيه 132 2000 سى سى بس حاله فوق الممتازه بس للاسف حصل لى بيها حادثه جامده جداا عرفت بعدها ان العربيه دى مش ممكن افرط فيها العربيه دى شاريها من واحده كانت شغاله مذيعه فى التلفزيون وكانت شاريها زيرو وعملت بيها 15 ألف كيلو وبعدين رفعتها لظروف الشغل مطولش عليكم انا اشتريت العربيه وكانت عامله 15 الف كيلو كانت تحفه بجد كل حاجه اصليه فيها من الالف للياء وكنت بظبط الفرامل فى يوم وكان فى بنز فرامل رابط السيرفو بتاع الفرامل بالدواسه للاسف المكانيكى مركبهوش كويس وانا طبعا من طنطا وكنت مسافر تانى يوم القاهره وطلعت كوبرى قها وزى ماحضراتكم عرفين ان الكوبرى فيه فواصل علشان التمدد فى الصيف وانا طبعا طاير بالعربيه طيران ومشغل التكيف واخر روقان لحد وانا نازل من على الكوبرى بهدى علشان الطريق مشغول وادوس فرامل وكأن مفيش اختراع اسمه فرامل وطبعا كان قدامى عربيه نقل تريلا ولكن شمالى كان فاضى دخلت شمالى واذا بى الزق فى عربيه نص نقل من ورا فجأه والله العظيم دا حصل الكبوت طلع من مكانه وزحف على المساحات وكسرهم ودخل على الازاز اللى قدام لولا ان الازاز اصلى لكان الازاز اتشرخ ودخل كله فى وشى وعينى ودا اللى عرفته بعد الحادثه ان الازاز بتاعها الاصلى كان فى طبقة بلاستيك علشان ما يشرخش طبعا انا خبطت النص نقل من ورا وانا نازل بسرعه 100 كيلو مش اقل النص نقل خاد يمينه وانا نزلت من الكوبرى طااير ووقفت بعد الكوبرى يجى ب10 كيلو بعد اما عملت غيار عكسى للفتيس والحمد لله ربنا ستر معايا على الاخر وغيرت فى الحادثه الرفرفين اللى قدام وستاره ورداتير وكبوت ولكن لحد دلوقتى حاسس ان العربيه مش مظبوطه كل شهر تاخد حاجات يجى ب 500 جنيه لحد النهارده جايب طقم بيض للعفشه ب200 جنيه بس وطبعا مفيش صناعيه خالص السوك بتاعت العربيه كلها مدمره والابواب بتزيق والفروقات مش متظبه خالص والتكيف ايديك منه والارض لدرجه انى زهقت منها خالص عاوز اعرف ايه الحل مع العربيه دى ؟ شوفولى حل من فضلكم لانى تعبت من شكلها علما بانها العداد بتاعها عامل 180 الف كيلو بس العربيه تحفه من جوه والموتور بحاله ممتازه لكن صاج العربيه عامل زى مايكون حديده خرده

بالنسبه للموضوع بتاعك انا عندي سمكري بتعامل معاه من سنة 82 و بعتبره خبير مش سمكري لو تحب توريهاله انا تحت امرك هو فى المنطقه الصناعيه امام نادي المقاولين