رابطة ملاك ومحبى السفينه فيات 132

[ahmed_sadek]

المشاركة الأصلية كتبت بواسطة محمدصلاح القاضى ازيكم يا جماعه والله العظيم واحشنى جداااا انا كنت امبارح فى القاهره بالعربيه وتحديدااا فى التوفيقه لكن الحظ لم يسعفنى بسبب الزحمه والركنه صف 3 وغير دا ودا العسكرى اللى كل شويه يجى بالونش وينادى على العربيه لدرجه انى حسيت انه متابعنى انا بس والحمد لله وانا مروح اتخانقت كام مخانقه وزنقت كذا واحد ورزلت عليه واكتشفت حاجه واحده بس ان شعب مصر فى طريقه الى الانهيار لا بقى موجود ثقافه ولا احترام ولا ادب ولا اى حاجه ولسه محدش عارف الباقى ايه ولا احنا رايحين على فين لا والنهارده عرفت كمان انهم عاوزين يغلوا العيش ويبقى الرغيف ب 10 قروش فيبقى بدل ما تجيب 20 رغيف بجنيه لا هتجيب 10 بس يرضى منين دااا وفى الاخر العيش مش ادمى بالمره ومكانه المظبوط للفراخ او فى الزباله

يا محمد والله المشكلة إن الناس أصبحت من كتر المشاكل والهموم بتطلعها على بعضهم , ولو فيه أخلاق كان الناس استريحت بس تقول إيه للزمن
نعيب زماننا والعيب فينا وما لزماننا عيب سوانا
عموماً القاهرة نورت يا محمد وربنا يعلم والله إن نفسي أشوفكم بس الظروف بقت صعبة جداً عندي شويه

المشاركة الأصلية كتبت بواسطة cars admire : Wkiss5: للاسف الشديد سائل التبريد موبيل دلفاك غير متوفر فى مصر المحروسة !! formula that protects cooling systems for 200.000 K.M Coolant hydrometer Don't trust to the last guy to add coolant to your radiator—are you sure he didn't just top off with water when he ran low on coolant? Check with a hydrometer—but not the el cheapo four-ball variety. A proportional scale model is more accurate and far more durable. Aim for a 50/50 mix of coolant to water for the best cooling and freeze protection. Check the coolant when it's around 70 F; 10 degrees hotter or colder skews the reading. Antifreeze Coolant Tester

محمدصلاح القاضى, DR/elmanahry, waleedaresh

اى نعم فى الاجواء الساخنة شديدة الحرارة يجب استعمال كولانت وليس انتى فريز
!!!!!!!!!

[aboahmed2009]

السلام عليكم ورحمة الله وبركاته
احييكم جميعا الاخوة الكرام
ان شاء الله انا عايز اشترك معاكم فى الرابطة لكن فى البداية .
معروض عليا عربية 132 مو1977 2000cc
حالتها الخارجية جيدة جدا & من الداخل عشة فراخ
محتاجة تبلوه كامل .والجنوط اللى عليها عادية مش مروحة.
حالة الموتور والفتيس والعفشة جيدة نوعا.
تفتكروا تسوا كام لانى لسة متكلمتش فى السعر .
ارجو الرد السريع لكى لا تفوت الفرصة لو كانت مناسبة
وشكرا لكل اعضاء الرابطة الكرام وفى انتظار الرد وحتى تزداد الرابطة عضو جديد

[Hisham.Elgazzar]

المشاركة الأصلية كتبت بواسطة aboahmed2009 السلام عليكم ورحمة الله وبركاته احييكم جميعا الاخوة الكرام ان شاء الله انا عايز اشترك معاكم فى الرابطة لكن فى البداية . معروض عليا عربية 132 مو1977 2000cc حالتها الخارجية جيدة جدا & من الداخل عشة فراخ محتاجة تبلوه كامل .والجنوط اللى عليها عادية مش مروحة. حالة الموتور والفتيس والعفشة جيدة نوعا. تفتكروا تسوا كام لانى لسة متكلمتش فى السعر . ارجو الرد السريع لكى لا تفوت الفرصة لو كانت مناسبة وشكرا لكل اعضاء الرابطة الكرام وفى انتظار الرد وحتى تزداد الرابطة عضو جديد

أهلا وسهلا بيك
عندى عربية حالتها كويسة وسعرها تقريبا 19 هتعجبك جدا لو عاوزها
مكانها فى عين شمس
اللى بتتكلم عليها آخرها 8 علشان متعرفش اه اللى ممكن تقابله

[Hisham.Elgazzar]

المشاركة الأصلية كتبت بواسطة rro2aa شكرا على الافادة يا استاذ هشام وانا هسمع كلامك وانتظر وان شاء الله خير

العفو تحت أمرك لو احتجت اى حاجة كلمنى وإن شاء الله العربية هتبقى زى الفل

المشاركة الأصلية كتبت بواسطة aimooo علي فكره يا اتش الميكانيكي تنح عليا عشم يعني وركبلي الوجيهات وظبطهملي علي 70 بالفلر ولابلاتين علي 45 يحصل حاجه وهل استهلاك البنزين يزيد ولا ايه واقعد يقنع فيه ان البوجيهات في العربيه بتاعتي تتظبط علي 70 واقعد طبعا يقولي الخواجه قال كده وانا اقوله اتش الجزار بيقول علي 50 او 60 يقولي لا ياعم يرضيك يرضيك ماكانت العربيه حلوه لما اتش ركبهملي يقولي لا شغلي وانا عارفو وهتدعيلي قولتلو شكلي هدعي عليك اعمل اللي عايز تعمله

يا أيمن ظبطة المصنع بتاعت البوجيهات بتبقى 0.7 يعنى هو فتح وركب على طول
مع الوقت والمشى هتفتح أكتر والشرارة تضعف وتاكل معاك بنزين
انا مشيت بالعربية 3000 او اكتر وكنت ظابط البوجيهات على 0.5 لقيتهم 1 ملى
تخيل بقى ال0.7 هتبقى كام ؟؟
العربية متكتفه الأبلاتين عاوز يتفتح سنة بسيطة اوى
وإحتمال زى ماقلنا قبل كده ان الكامة فيها عالى وواطى معرفش يظبط عليها
الزيت مايكتفش العربية ، وانا الشهر ده حطيت السيكلو مع الدلفاك وماشاء الله زى الفل ولعلمك السيكلو أقوى وأحسن من الأبرو
بس انت ماجبتش ليه البوجيهات ال2 شمعه اللى قلت عليهم
امبارح ظبط البوجيهات على0.5 لأنى زى ماقلتلك لقيتهم مفتوحين

وياريت ماتقولش للميكانيكية على الأسرار بتاعتنا علشان الحجات دى ماتنتشرش
الناس كلها لو ركبت 131 و132 مش هنلاقى قطع غيار
حبايبنا بس فى الرابطة هم اللى من حقهم يعرفوا كل حاجة
وبإذن الله ربنا يقدرنا ننفعهم ونستفيد من بعض

المشاركة الأصلية كتبت بواسطة aboahmed2009 السلام عليكم ورحمة الله وبركاته احييكم جميعا الاخوة الكرام ان شاء الله انا عايز اشترك معاكم فى الرابطة لكن فى البداية . معروض عليا عربية 132 مو1977 2000cc حالتها الخارجية جيدة جدا & من الداخل عشة فراخ محتاجة تبلوه كامل .والجنوط اللى عليها عادية مش مروحة. حالة الموتور والفتيس والعفشة جيدة نوعا. تفتكروا تسوا كام لانى لسة متكلمتش فى السعر . ارجو الرد السريع لكى لا تفوت الفرصة لو كانت مناسبة وشكرا لكل اعضاء الرابطة الكرام وفى انتظار الرد وحتى تزداد الرابطة عضو جديد

الأبواب على الأقل 2000 جنيه والتبلوه 3000 والجنوط 800 لو جديدة1200
حالة الموتور والعفشة والفتيس محدش يقدر يحددهم غير مع المشى وده بعد ماتكون دفعت تمنها
ده طبعا غير الكاوتش والبطارية والفرش
انا قدامى عربية كويسة وجاهزة هتركب كسوة فقط كسوة للكراسى
وتحط بنزين وتمشى (ده غير مصاريف الترخيص )