كوليكشن عيوب ... رجاء المساعدة !!!!!!

[zing0]

السلام عليكم
عندى لوكشه حاجات فى العربية (Lada 2105) نفسى ألاقيلها حل عندكم بإذن الله
1- عندى العربية مش مضبوطه, السلانسية بيعلا و يوطا على طول (وطبعاً صوت الموتور كمان مش منتظم). جربت عند كذا ميكانيكى أضبط كهربا و صلحت الكربراتير و أضبطه, و صلحت سيرفو الفرامل علشان لو فيه تنفيس هوا بس برضه المشكله قامة, هل العيب ده ممكن يكون ضبط تاكيهات؟

2- بعد إصلاح السيرفو سامع صوت تنفيس هوا شديد لمّا العربية بتكون دايره, و راجعت الفرملجى بس أكد لى إنها سليمه و العيب مش منها. و رحت لـ 2 ميكانيكية واحد يقوللى هيا السبب و التانى لأا مفيهاش حاجه, بس بوجه عام الفرامل بقت (زبااااااله) العربية بتزحف لها حوالى متر بعد الضغط عالفرامل بقوة و أنا ماشى على 30-40 كم. و طبعاً خايف أزود السرعه , ربنا يستر طريقنا.

3- فى صوت تكتكه جامده من العربية ورا و أنا ماشى, و بيظهر أكتر لما أكون نازل من على كوبرى (و العربية مور) أو وانا بهدىّ العربية قبل المطبات. الميكانيكى بيقوللى ده حاجه فى الكردان مش عارف أيه, بس قاللى إمشى بيها ولا يهمك. بصراحه أنا خايف.

جزاكم الله خيرا

[محمدصلاح القاضى]

المشاركة الأصلية كتبت بواسطة zing0 السلام عليكم عندى لوكشه حاجات فى العربية (Lada 2105) نفسى ألاقيلها حل عندكم بإذن الله 1- عندى العربية مش مضبوطه, السلانسية بيعلا و يوطا على طول (وطبعاً صوت الموتور كمان مش منتظم). جربت عند كذا ميكانيكى أضبط كهربا و صلحت الكربراتير و أضبطه, و صلحت سيرفو الفرامل علشان لو فيه تنفيس هوا بس برضه المشكله قامة, هل العيب ده ممكن يكون ضبط تاكيهات؟ جرب تغير وش الاسبراتير وسلوك البوجيهات والبوجيهات وابلاتين وكوندنسر وشوف ايه النتيجه 2- بعد إصلاح السيرفو سامع صوت تنفيس هوا شديد لمّا العربية بتكون دايره, و راجعت الفرملجى بس أكد لى إنها سليمه و العيب مش منها. و رحت لـ 2 ميكانيكية واحد يقوللى هيا السبب و التانى لأا مفيهاش حاجه, بس بوجه عام الفرامل بقت (زبااااااله) العربية بتزحف لها حوالى متر بعد الضغط عالفرامل بقوة و أنا ماشى على 30-40 كم. و طبعاً خايف أزود السرعه , ربنا يستر طريقنا. لو بتدوس فرامل العربيه بتبرجل جامد وهتفصل يبقى طقم اصلاح السيرفو مش تمام ومحتاج يتعمل واحد جديد وحكايه زحف المتر دى جرب تاخد هوا الفرامل وشوف مستوى الزيت والتيل 3- فى صوت تكتكه جامده من العربية ورا و أنا ماشى, و بيظهر أكتر لما أكون نازل من على كوبرى (و العربية مور) أو وانا بهدىّ العربية قبل المطبات. الميكانيكى بيقوللى ده حاجه فى الكردان مش عارف أيه, بس قاللى إمشى بيها ولا يهمك. بصراحه أنا خايف. دا صوت الصلايب بتاعت الكردان مش حلوه ومحتاجه تتغير لكن دلوقتى مش مقصره اوووى غير فى الصوت جزاكم الله خيرا

الرد بداخل الاقتباس

[zing0]

خبييييييييييييييييير يا عم محمد و الله , بسم الله ما شاء الله
فعلاً رحت للميكانيكى و قلتله العربية مش مضبوطه و سيبته يلعب زى ما هو عاوز, شوية إسبراتير و شوية كربراتير و بعد التجربه قاللى نفس كلامك يا أستاذ محمد بالضبط. و طلع الأبلاتين لادع.

بص عالفرامل قاللى هنسحب الهوا و نعملها رجلاش, و نغير صلايب الكردان, بس كان ورايا مشوار مهم فإضطريت تأجيل الفرامل و الصلايب بعدين

المهم إنه خلّى العربية واطيه أوى بأحس إنها عالسلانسية كأنها هتبطل, و مازال عندى المشكله القديمه: العربية بتنط فجأه مع الغيارات: كأنى ماسك دبرياش عالآخر و بعدين رفعت رجلى فجأه بعد مزودت بنزين.