بخصوص شهادة البيانات

[الجمال النائم]

هل شهادة البيانات يظهر فيها اذا كانت السيارة اتباعت بعقد أو بتوكيل ولا لا؟
يعنى مثلا لو كانت متباعة بعقد أو بتوكيل ولسة المشترى مسجلهاش باسمه فهل اسمه بيظهر في شهادة البيانات ولا بيظهر في شهادة البيانات اسم صاحب الرخصة الأصلى اللى هو البائع؟
وهل لو اتباعت بتوكيل أو بعقد بيكون في صورة من التوكيل أو العقد دا في الملف بتاع السيارة اللى في المرور ولا لا؟
لأن السيارة عليها مشكلة والمحكمة عاوزة تعرف مين هو صاحب السيارة واذا كانت متباعة بتوكيل أو بعقد.
في انتظار الرد وجزاكم الله كل خير.

[mr_astra]

شهادة البيانات بيظهر فيها بيانات السيارة فقط من سنة صنع ورقم المركبة ورقم الشاسية والموتور وانتاج محلى ام مستورد واسم مالك السيارة
العربية لو اتباعت بتوكيل مش بيظهر ولا فى شهادة بيانات ولا فى دوسية المرور ولو اتباعت بعقد بيع مسجل فى الشهر العقارى ولسة المشترى ما نقلش ملكية مش هايظهر برضة اى بيانات عنة

[الجمال النائم]

وماذا عن المخالفات مين اللى بيدفعها هل بيدفعها اللى اشترى السيارة بعقد أو بتوكيل ولا بيدفعها صاحب السيارة الأصلى
يعنى لو استخرجنا شهادة مخالفات هتطلع باسم مين ؟

[حبيب الناس]

شهادة المخالفاتبتطلع باسم اللي مكتوب في رخصتها الحاليه
ولازم تشتري العربيه وصاحبها يديك شهادة مخالفات بانه غير مطالب بمخالفات يعني معندوش مخالفات
والمفروض انك ترخصها باسمك مباشرا بعد الحصول علي شهادة البيانات وشهادة المخالفات لان مده سريانهم في المرور 15 يوم فقط