|
بروتون PROTON شركة بروتون هي الصانع الماليزى الوطني للسيارات. يعود إنشاء الشركة لعام 1983 بناءًا على توجيهات مباشرة من رئيس الوزراء الماليزى آنذاك، د. مهاتير محمد. شركة بروتون القابضة، هي الشركة المسيطرة على بروتون للسيارات. |
|
أدوات الموضوع |
#1
|
|||
|
|||
تكييف الواجا
السلام عليكم ورحمة الله وبركاتة
السادة اعضاء المنتدى الكرام كل عام وانتم بخير بمناسبة شهر رمضان امتلك سيارة واجا موديل 2006 ولسة جايبها من شهرين تقريبا بس قابلتنى مشكلة ف التكييف ان التكييف مش بيبرد وانت ماشى بالعربية على السلانسية ودة الصبح بس لكن لما تمشى بالعربية فوق ال 20كم يبرد كويس وبليل مش بقدر اشغل التكييف اكتر من 1 لانة بيبقى تلاجة غير ان العربية فيها حاجة اول لما بشغل التكيف rpm بيوصل لحد 500 وبحس بالعربية مخنوقة وبتنتش شوية . انا وديت العربية لعصام وصفا وقالى ان شحن التكييف عالى ظبطة ومشيت بيها اول يوم كان كويس وبعد كدة رجع لحالتة تفتكروا ياترى يكون اية علشان انا قلقان ومش فاهم الموضوع سببة اية ياريت اهل الخبرة ف المنتدى يفيدونا . |
#2
|
||||
|
||||
رد: تكييف الواجا
اصعب حاجة اعطال التكييف
انا نفس مشكلتك بس اللى صلحهولى قالى محتاج كومبريسور بس انت قالك ان الشحن زيادة !!!!!
__________________
سبحانك لا علم لنا الا ما علمتنا |
#3
|
|||
|
|||
رد: تكييف الواجا
شكرا يا احمد على ردك بصراحة انا حاسس انه كمبروسر بس انا وديتة ل 2 صنيعية كل واحد يقولى مش الكمبروسر الاول قالى تظبيط هوا وفريون خفيف وهو دة سبب المشكلة الثانى ف عصام وصفا وصلى التكييف على الجهاز وطلع العطل ف الاخر شحن زيادة حوالى 150 جرام بس انا سمعت ان التكييف بتاعها هو تكييف الانسر ياترى بقى تمن الكمبروسر هيبقى كام وانت بقى صلحت تكييفك ازاى هل غيرت الكمبروسر وبكام وجبتة منين |
#4
|
||||
|
||||
رد: تكييف الواجا
للاسف فى الاول جبت كومبريسور استعمال ب 375 و سقع بس مش قوى رجعته و الراجل غيرلى بلف فى الكمريسور الاصلى بتاعى ففعلا سقع احسن من بتاع الاستعمال بس برضه الظهر فى الزحمة كانه مش شغال فهو نصحنى اجرب اجيب واحد استعمال تانى بس احاول يبقى محلول من مكنة
__________________
سبحانك لا علم لنا الا ما علمتنا |
#5
|
|||
|
|||
رد: تكييف الواجا
يبقى الحل بقى الواحد يغير الكمبروسر بس انا عايز اعرف الكمبروسر بتاع الواجا ممكن يركب مكانة انى موديل من بتوع الانسر
|
|
|