عاوز اطلع رخصة خاصة

[k.n.k]

اولا السلام عليكم ورحمة الله وبركاته

انا كنت عاوز اعرف ازاى اطلع رخصة خاصة لانى سألت فى الموضوع دة ودماغى اتملت بحاجات ياما وموش عارف ايه الصح وايه الغلط.

واحد قلى روح بمجهودك واتوكل على الله بس ابقى قابلنى لو نجحت.

وواحد تانى قلى روح المدرسة اللى هى تبع المرور علما بان تبع مرور ابيس وقلى هما هيظبوطوا معاك الكلام وتنجح.

وواحد تالت قلى ات 600 جنيه واخلصهالك خالص فانا مش عارف اعمل ايه بصراحة.

انا كنت عاوز اعرف الاتى
1/اتعلم برة واتوكل على الله ولا هما فعلا اصلا مش بينجحوا حد غير اللى تبعهم فى المدرسه او واسطة ولو رحت امتحن بس من غير واسطة ولا مدرسه مصاريف الورق هتبقى كام كلها والموضوع هيكلفنى كام بالظبط كلو على بعضو

2/ لو قدمت فى المدرسه طبعا هعدى بالثلث انا سألت قالولى هتدفع 370 جنيه هل ال370 جنيه دول شاملين تعليم واستخراج رخصة ورسوم اوراق وكدة وكل حاجا ولا دول عشان المدرسه بس والرسوم والاوراق فلوس تانيه ومدة التعليم دى بتبقا مستمرة لحد متعلم ولا ليها مدة وبتخلص ومدتها كام يوم

3/ ولا ادفع 600 جنيه وخلاص

بس على فكرة انا هطلع الرحصة واشتغل بيها ياترى عقوبتها ايه دلوقتى ولا عادى مش مشكله اصل كمان انا هركب عربية بتعتنا يعنى ممكن اغير رخصة العربية تكون بأسمى انا سألت فى الموضوع دة قالولى عادى طلما رخصة العربية باسمك وانتا معاك خاصة مش مشكله


انا اسف جدا انى طولت عليكوا

[Neo206]

بص انا طلعت الرخصة شهر مايو الى فات
أنا أتعلمت مع واحد جابهولى واحد قريبى
و نزلت من المنتدى هنا أسالة الكمبيوتر بتاعة المرور و ذاكرتهم
و الحمد لله مشيت و طلعتها و اتكلفت معايا حوالى 140 جنيه بكله
بس بصراحة انا اديت للعسكرى الى كان جنبى فلوس بس مضطر وقف العربية و قالى الحلاوة و انا راجع بيها ولو بطلت هيقلك المهندس 3 شهور و تعالى تانى
بس الحمد لله على كل حال
أما بالنسبة للمدرسة اه هتدفع مصارف المدرسة بس دى غير مصارف الرخصة
و بالتوفيق إن شاء الله و أبقى طمنا

[k.n.k]

مشكور لسرعة ردك ياباشا
طب العسكرى دة لو ظبطة اكيد هيعدينى ولا ممكن يستهبل
طب الاسئلة دى فعلا اللى فى المنتدى هى هى اللى فى الامتحان وهتقل عليك لو حضرتك ترفعهالى
وشكرا ليك مرة تانية