سؤال في الفرامل

[ABOU YARA]

عندي لانسر بومة 2009 اتوماتيك رياضية واحيانا وخاصة في اول طلوع للسيارة سواء كان صباحا او مساءا اسمع صوت صفارة في العجل الخلفي مع الضغط علة الفرامل مع العلم ان التيل بحالة جيدة وقال لي احد الاصدقاء انه مجرد اتربة موجودة على التيل ارجو الافادة ولكم الشكر وهل لو التيل متآكل او ضعيف هل هناك اشارة او تنبيه سوف يحدث مثل لمبة abs مثلا ارجو التوضيح ولكم الشكر

[memodina1]

انا سمعت انة فى نبلة التوكيل بيركبها ببلاش للعيب دا وهو مش عيب ولا حاجة بس عموما ناس حلتها فى التوكيل وعلى فكرة معروفة هناك لو قلت على العيب هما عرفينة عشان ناس كتير اشتكت من الموضوع

[AbOnOrA]

لو مجرد صوت صفارة لكن اداء الفرامل مفيهوش مشاكل يبقى مجرد تراب او صداء بسيط من البخر والمية وبيقع مع الاستخدام والمشى
طبعا فيه انواع تيل بيتاثر اكتر من انواع تانية فحاول تجيب الاصلى
لكن عموماً ديه مش مشكلة وحاجة عادية فى كل العربيات طالما اداء الفرامل طبيعى

اما عن وجود تنبية لتاكل تيل الفرامل فدة مش موجود فى الانسر لكن ينصح بالكشف على تيل الفرامل فى الصيانات الدورية كل 10 الاف كم

[magdy m.s]

المشاركة الأصلية كتبت بواسطة ABOU YARA عندي لانسر بومة 2009 اتوماتيك رياضية واحيانا وخاصة في اول طلوع للسيارة سواء كان صباحا او مساءا اسمع صوت صفارة في العجل الخلفي مع الضغط علة الفرامل مع العلم ان التيل بحالة جيدة وقال لي احد الاصدقاء انه مجرد اتربة موجودة على التيل ارجو الافادة ولكم الشكر وهل لو التيل متآكل او ضعيف هل هناك اشارة او تنبيه سوف يحدث مثل لمبة abs مثلا ارجو التوضيح ولكم الشكر

علي فكرة الصوت دة دائما في العجل الامامي وليس الخلفي وكافة ردود الاعضاء افترضت ان الصوت في الامامي - اما اذا كان فعلا في الخلفي ( واعتقد ان هذا غير وارد حدوثه ) فاما ان ريجلاش فرامل اليد ماسك اكثر من اللازم او يوجد اتربة بين التيل والتنبورة