|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
 |
|
|
أدوات الموضوع |
|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
|
|
أدوات الموضوع |
|
#1
29-01-2009, 09:50 PM
|
|||
|
|||
|
يا ترى لون العربيه بيفرق معاك !!!؟
انا حبيت اشوف راى الاصدقاء فى موضوع مش عارف اذا كان حد اتكلم عليه قبل كده و لا لأ!
هل لون العربيه بيفرق معاك قوى يعنى ptmnlo123per160 ؟ سواء فى المستعمل او الجديد؟ يعنى مثلا لو نويت على عربيه جديده و ملقتش غير الوان محدده.. ممكن تصرف نظر عن الموديل ده و تجيب حاجه تانيه بنفس المواصات علشان خاطر اللون !!؟ وطبعا فى المستعمل؟ هل بتطبق قاعدة "اللى بيدور على مستعمل يدور على الحاله و ينسى اللون؟ ويا ترى ايه اللى بيفرق؟ اذواق بس؟ ولا الجو؟ ولا سنك و شخصيتك؟ انا عن نفسى بميل للغوامق زى الاسود مثلا برغم انو مقرف فى نضافته لكن بحس انو بيدى هيبه للعربيه.... وممكن اكره عربيه فعلا علشان اللون.. انا حبيت اشوف ايه رأيكم؟ ptmnlo123per1127 
|
|
#3
29-01-2009, 10:11 PM
|
||||
|
||||
رد: يا ترى لون العربيه بيفرق معاك !!!؟
اللون طبعا بيفرق يا باشا لو العربية جديدة لأنى بقدر اختار براحتى ولو الالوان محددة هختار الاقرب لقلبى من الالوان المتاحة ما دام نويت و استقريت على الموديل اللى هجيبه لكن صعب اجيب موديل مختلف علشان اللون بس.....
أما فى المستعمل الامر بيختلف تماما,,, اهم حاجة نظافة العربية و انا مثلا لون عربيتى اللى معايا حاليا مش عاجبنى (كنت شاريها مستعملة) بس كانت انضف واحدة فى كل الموجودين و فارقة عنهم بكتييير فى النظافة فا اتوكلت على الله و جبتها و كمان فيه الوان تليق على عربيات و متليقش على عربيات تانية و فيه الوان بتليق على معظم العربيات زى السلفر مثلا و الذوق و السن و الجو بيفرقوا طبعا يا باشا يعنى رجل كبير ووقور مثلا يركب عربية برتقالى .. صعبة شوية و البلاد اللى فيها الجو حر الناس بتفضل الوان العربيات الفاتحة (بس دى ماتفرقش معايا انا شخصيا)
__________________
 ......................... .. يا ترى جاهزين لتجربة السواقة اللى جاية ؟؟؟؟؟!!!!!!!
|
|
#4
29-01-2009, 10:19 PM
|
||||
|
||||
|
رد: يا ترى لون العربيه بيفرق معاك !!!؟
طبعا يا هندسة اللون مهم جدا
انا بالنسبالى عكسك بحب الفواتح جدا (ابيض - سكاى جراى - سماوى ) لاكتر من سبب اولا علشان الجو وامتصاص الحرارة ثانيا بتدى شكل افضل مع العربيات الصغيرة ثالثاً سهولة نظافتها او بمعنى ادق مش لازم تبقى نظيفة جدا رابعا مش بيبان فيها الخبطات والخدوش زى الغوامق لكن ذوقياً انا بحب الاسود والغوامق جدا لكن فى العربيات الفواتح ثم الفواتح الغوامق ديه ممكن فى المرسيدس ان شاء الله بقى ptmnlo123per136 وفيه الوان تانية مميزة زى الاحمر فى ال 128 - 127 - الجولف - البولو - الهيونداى اكسيل الجولد فى العربيات الامريكانى والصنى اللؤلؤئى فى اى عربية كبيرة او صغيرة بيبقى تحفة برضو الازرق فى العربيات اليابانى الصغيرة بيبقى ظريف جدا ممكن اغير العربية علشان اللون : ممكن جدا وده حصل فعلا فى عربيتى واستنين اسبوع علشان يجى اللون السكاى جراى ولما جت كان فيها عيوب تقفيل بايخة وخدتها علشان مستناش تانى لحد مايدوروا على اللون طبعاً السن ليه عامل فى اختيار الالوان بس مش بدرجة كبيرة لكن صعب جدا اشوف حد فى الاربيعنات راكب عربية لمونى مثلا او ست قد والدتى راكبة عربيه بينك مثلا اكيد كذوق عام هتبقى محل انتقاد بس اساسا بسبب اللون اكتر من عامل السن شكرا يا باشا على الموضوع ptmnlo123per171
|
|
#5
29-01-2009, 10:42 PM
|
||||
|
||||
|
رد: يا ترى لون العربيه بيفرق معاك !!!؟
لون العربيه مهم جداا (وخاصه للبـنات)
اما انا بحب الالون الفخامه مثـــــــــــل ابيض اللؤلؤئى جامد جـــــدا و الأسود المالكى طبعا مع ان سنى صغير !ptmnlo123per1127
|
|
|
|
