الحصانة

[samirsaid1]

اية المشكلة لو تم إلغاء الحصانه لعضو مجلس الشعب ويتعاملو زى الناس الغلابه
ودة هايخلى المرشح للمجلس التفكير فى ترشيح نفسة 100 مرة لو كان لية مصلحة خاصة من المنصب
ونضمن ان اللى هايرشح نفسة دخل لغرض الخدمة فقط وليس لأغراض شخصية

ولو على البريستيج مثلا على اساس انهم ملائكة
كدة كدة ليهم قاعة كبار الزوار فى المطار مثلا بس يتفتشوا عادى
والخدمات العامة يتم نفس معاملة الجمهور
وخلافة ؟؟؟؟؟

تفتكرو لو دة تم فية حد هايرشح نفسة للانتخابات

وندرس الوزراء كمان هااااااااااا

[acounter01]

والله المفروض في ظل الظروف الحالية والفساد ال الواحد عمال بيكتشفة في ناس مكانش يفتكر فيهم الحاجات دي المفروض انهم يلغوا الحصانة من اعضاء مجلس الشعب والوزراء حتى لا يستغلوا مناصبهم في نشر الفساد

[black_cres]

لا ياباشا طبعا
الحصانة مقررة قانونا عشان العضو يقدر يمارس مهامه بالصورة المفروضة أو الواجبة قانونا يعني تخيل انت الموقف دا :
عضو اعلن انه هيقدم استجواب لوزير معين يوم كذا وفعلا قدمه وتم تحديد جلسة معينة للمناقشة فوجئ العضو دا يومها بظابط ظريف كدا جاي يقوله سيادتك مطلوب عندنا في القسم عشان عملت كذا وتضيع على العضو الجلسة اللي كان هيناقش فيها الموضوع
يعني الحصانة وجودها لمصلحة الدولة انما بعض الاعضاء هما اللي بيستغلوها غلط
بالنسبة للوزراء اساسا مين اللي قال لحضرتك ان الوزير له اي حصانة؟؟!!!!!!!!!!

[samirsaid1]

المشاركة الأصلية كتبت بواسطة black_cres لا ياباشا طبعا الحصانة مقررة قانونا عشان العضو يقدر يمارس مهامه بالصورة المفروضة أو الواجبة قانونا يعني تخيل انت الموقف دا : عضو اعلن انه هيقدم استجواب لوزير معين يوم كذا وفعلا قدمه وتم تحديد جلسة معينة للمناقشة فوجئ العضو دا يومها بظابط ظريف كدا جاي يقوله سيادتك مطلوب عندنا في القسم عشان عملت كذا وتضيع على العضو الجلسة اللي كان هيناقش فيها الموضوع يعني الحصانة وجودها لمصلحة الدولة انما بعض الاعضاء هما اللي بيستغلوها غلط بالنسبة للوزراء اساسا مين اللي قال لحضرتك ان الوزير له اي حصانة؟؟!!!!!!!!!!

خلاص لو كدة يتم تقنين الحصانة لكن ماتكونش مطلقة

[black_cres]

هههههههههه
برضه من اللي قال لحضرتك ان الحصانة مطلقة؟؟
لو عضو في مجلس الشعب ارتكب جريمة واتمسك في حالة تلبس بيتم القاء القبض عليه ومفيش ساعتها اي اعتبار للحصانة
لو العضو موجود تحت قبة البرلمان وشتم حد ممكن ساعتها تتحرك الدعوى عليه من الناحية المدنية يعني تتم مطالبته بالتعويض
يبقى اذن الحصانة مش مطلقة ولا حاجة