|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
 |
|
|
أدوات الموضوع |
|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
|
|
|
أدوات الموضوع |
|
#1
25-11-2010, 09:53 PM
|
||||
|
||||
محول العزم الهيدروليكى
Torque Converter
طبعا كلنا عارفين أن فى حالة السيارات ذات الفتايس المانيوال لابد من توافر وسيله ميكانيكيه لتوصيل الحركه الميكانيكيه من المكنه للفتيس للحصول على سرعة تخفيض معينه ( حسب وضع عصاية الفتيس ) وفى نفس الوقت نفصل حركه عن عجل السياره والمكنه دايره فى نفس الوقت الوسيله دى هى الدبرياج طيب ماهو لازم حاجه زى الدبرياج تكون موجوده فى العربيات الأوتو للقيام بهذه الوظيفه هو ده موضوعنا الحالى ( محول العزم الخاص بالفتيس الأوتو ) فمحول العزم ( من معنى الجمله ) بياخد عزم المكنه ويحوله كقدره منقوله من المكنه للفتيس الأوتو وأى محول عزم بيكون الهدف من وجوده ....السماح لمحرك السياره الأوتو بأن يكون دائرا وفى نفس الوقت مفيش حركه للسياره مثل حالة وضع السيلكتور ( على الوضع n & p ) النظريه الأساسيه لطريقة قيام محول العزم بوظيفته بتشبه الشكل التالى مروحه بتطلع هواء من خلال توصيل فيشة المروحه بمصدر الكهرباء وقصادها مروحه تانيه غير موصله بمصدر كهرباء فلما هواء المروحه الشغاله يقابل ريش المروحه الغير شغاله ....حيعمل أيه حدور المروحه الغير موصله بالكهرباء طيب لو حطينا حائل بين الأثنين مفيش هواء حيروح من الشغاله كهربيا للتانيه ( الغير موصله كهربيا ) ومن هنا لن تدور المروحه المفصول فيشتها ولو شيلنا الحائل ....حترجع تدور المروحه المفصوله كهربيا بسرعه تعادل تقريبا سرعة المروحه الموصوله كمهربيا _______________ الفرق بأه بين تشبيهاتنا لحالة المروحتين دول ...وأحوالهم المختلفه ( حسب وضع حاجز بينهما أو لا ) أن محول العزم بيتم تشغيله بزيت الفتيس وليس بالهواء كما فى مثال المراوح  _________________________ __________ مكونات محول العزم الحقيقيه  يتكون محول العزم من ثلاث عناصر أساسيه ( لازم يشتغلوا مع بعض ) داخل الفتيس 1- طلمبه د اخليه .........علشان ناخد منها زيت مضغوط ( زى موضوع هواء المروحه الموصوله بالكهرباء ) 2- توربينه هيدروليكيه ........بتناظر المروحه الغير موصوله بالكهرباء 3- جزء ثابت ...لما بيروحله زيت بيدور .... ده الحائل إللى بين المروحتين فالطلمبه راكبه مباشرة داخل بيت محول العزم وبيت المحول مركب مباشرة على الفلام علشان يدور مع الكرنك ويدور الطلمبه عند نفس سرعة المكنه التوربينه برضه داخل بيت محول العزم وموصوله بعمود دخل القدره للفتيس الجزء الثابت مركب وملحق على كلاتش ذو أتجاه واحد one-way clutch بحيث يدور فى أتجاه واحد فقط كل جزء من المكونات الثلاثه لمحول العزم يحتوى على ريش وظيفتها تحديدا توجيه سريان الزيت لأداء وظيفته داخل محول العزم عند دوران المكنه بيتم سحب الزيت داخل قطاع الطلمبه ( عملية سحب الزيت ) ثم يطرد بقوة الطرد المركزى للذهاب للتوربينه ....التى تبدأ بالدوران فور لطش الزيت القادم من طرد ريش الطلمبه الزيت بيستمر فى حركه دورانيه للخلف تجاه مركز التوربينه حيث يتم دخول الزيت للجزء الثابت أذا كانت التوربينه بتدور بسرعه أقل من الطلمبه فالزيت حيعمل تلامس ويصطدم بمقدمة ريش الجزء الثابت حيث يتم زق الجزء الثابت داخل الكلاتش ( ذو الأتجاه الواحد ) وبهذا يتم منعه من الدوران ( حالة المور n ) حينما يتوقف الجزء الثابت ...فأن الزيت بيوجه بواسطة ريش الجزء الثابت لكى يقوم بالدخول مره ثانيه للطلمبه وذلك لتزويد العزم المنقول حينما تزداد السرعه فأن العناصر الثلاثه لمحول العزم تبدأ فى الدوران بسرعه قريبه من سرعة المحرك وفى عام 1980 من أجل تحسين أستهلاك البنزين فأن محولات العزم زودت بكلاتش غلق ( ليس موضح بالصوره ) lockup clutch الكلاتش ده بيلم التوربينه مع الطلمبه حينما تصل سرعة السياره لحوالى من 45 _ 50 ميل / ساعه هذه العمليه بيتم التحكم فيها بواسطة وحدة تحكم وغالبا لايتم لم التوربينه مع الطلمبه ( يبقوا زى حته واحده لتقليل الفقد الهيدروليكى ) إلا حينما يكون النقل على التالت أو الرابع _________________ أرجو أن أكون وفقت فى أيضاح هذا التقرير الفنى المعقد
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
التعديل الأخير تم بواسطة samirayad ; 25-11-2010 الساعة 10:21 PM 
|
|
#2
25-11-2010, 10:04 PM
|
||||
|
||||
|
رد: محول العزم الهيدروليكى
دايما منور المنتدي بمواضيعك القيمة
ودايما يشرفني ان اكون اول واحد يرد علي المعلوماتك الجامدة البسيطة يا رب دايماً منور المنتدي انا فعلاً كان نفسي تقدر تيجي مقابلة بكرة بس ان شاء الله الفرص جاية كتير اي مقابلة في اي مكان ها اجيلك جري بس انت قولي
__________________
سبحان الله وبحمدة سبحان الله العظيم نبذة صغيرة عن تقنية المستقبل (السيارات الكهربائية) http://www.masrmotors.com/vb/showthr...739#post315739 الماتركسوية يتفضلوا يتفرجوا علي صور ماتركس متظبطة http://www.masrmotors.com/vb/showthread.php?t=42365
|
|
#3
25-11-2010, 10:23 PM
|
||||
|
||||
رد: محول العزم الهيدروليكى
يكون فيه فرصه تانيه مع تنسيق هادىء مع أحد الزملاء نظرا لوجود بعض الأمور تتطلب وجودى طوال اليوم بالأسماعيليه غدا وخالص شكرى لك على مروركم الكريم أنت وأخى المهندس : أحمد
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#4
25-11-2010, 10:57 PM
|
|||
|
|||
|
رد: محول العزم الهيدروليكى
ربنا يزيدك من علمه
خير الناس أنفعهم للناس
|
|
|
|
يا رب دايماً منور المنتدي انا فعلاً كان نفسي تقدر تيجي مقابلة بكرة