العربية التى احترت فى تقيمها

[amr fawzy]

السلام عليكم ورحمه الله وبركاته
الحمد لله اشتريت الكيا سيراتو يوم الخميس اللى فات (الفتيس الجديد 6 نقلات المرايات الجديدة والشبكة الامامية الجديدة) ولم اكن اتخيل ان عفشة السيارة سيئة الى هذا الحد لدرجة اننى متخوف من قيادتها فعلا".
اود ان اوضح بعض الاشياء من انطباعى البسيط فى قيادة هذة السيارة
1- عربية قوية كمتور وقاعدتها جميلة جدا" وكل حاجة فى متناول ايدك واضاءة العدادات والكونسول مدهشة .
2- شكل العربية يوحى بالقوة ولكن للاسف سوء عفشة العربية بيكسر كل امالك فى سواقة رياضية قوية.
3- نفسى حد يقولى اعمل اية فى العفشه علشان انا خايف منها اوى العربية بتتهز فى المطبات بشكل بشع بشع بشع بحس ان المقصات ممكن تكسر لو خدت مطب مش شايفة لا قدر الله.

[tarek elbadry]

السلام عليكم
الف مبروك عليك العربية ربنا يديك خيرها ويكفيك شرها
حضرتك العربية لسة فى فترة التلين اصبر عليها وبعد التلين احكم عليها بس لو العفشة ناشفة اوى ابقى راجع عليها فى صيانة ال1000 كيلو ممكن تكون حاجة بسيطة
استمتع بعربيتك الجديدة

[MOTOR HEAD]

ياريت شويه صور ليها
و ربنا يكرمك وتبقى تمام

[capink]

هي عربيتك جنوط 16 و لا 17 ؟ و هل ضبط ضغط الاطارات الى 32 ؟

[Atrees]

اولا مبروك علي العربية

ثانيا : تاكد من ضغط العجل عشان الزيرو بيبقي ضغط العجل بتاعة اكثر من 40 عشان الشحن والوقفة في المعارض

ثالثا ودة الاهم : عفشة السيراتو بعد ال 5000 بتختلف تماما وانا مجرب دة وسمعتوا اول ما جبت العربية وصدقتة لما عديت ال 6000 كم - العفشة بتنعم اكثر واكثر بشكل ملحوظ


رابعا : لو الجنط 17 لازم تبقي انشف علي الارض - في اي عربية كدة

خامسا : متخفش من المقصات والحاجات دي - دة كلة اشعات - اهم حاجة طريقة سواقتك زيها زي اي عربية - متاخدتش مطبات علي سرعات عالية زي اي عربية - واحذر البلاعات اللي مايه شوارعنا


الجنط ال 17 عيبة انه مش لمصر