TUNING GARAGE

[mohamed ibiza]

tuning garage

اسم جديد في عالم ستورز التعديلات و اكسسوارات السيارات

اكتر اماكن بيع قطع التعديل و الاكسسوارات بعيده عن منطقة الهرم و الجيزه و الدقي اغلبها في مدينة نصر ..

لاول مرة tuning garage في الهرم و بصراحة انا اعدت معاه النهارده حوالي ساعة و نصف ما بين تصوير و مناقشات و استعلام عن الاسعار و مناقشات حول عربيتي و عربيته و بصراحة الراجل محترم جدا و هو فاتح جديد و اسعاره كويسه و اهم من الاسعار البضاعه المعروضه علي مستوي عالي من الجوده حاجات نضيفه جدا ما شاء الله و انا عرفته بالموقع و نظام كارنيه العضويه و هروحله تاني عشان اتفق معاه علي خصم لاعضاء المنتدي ان شاء الله

و البضاعة الموجوده للاسف لم اتمكن من تصويرها كلها لان الموبايل اعلن العصيان و قال battery lowptmnlo123per111

المهم الموجود الاتي:
1-فوانيس led و lenses امامي و خلفي اللي شوفته ادامي كان فوانيس خلفيه لفيكترا 2009 و فانوس امامي تحفه لسيفيك 96 و اي فانوس بيتجاب بيبقي اوريجينال مش عموله و ممكن يجيب لاي عربية بتكلمه و تقوله او تروحله و تسيب عربون و بيديك معاد تيجي تستلم

2-زينون بمختلف الانواع و اللمبات زي h1 و h4 و هكذا

3-طارات سبور momo

4-مقابض فتيس momo مختلف الاشكال

5-لمبات اشارات led خلفي و امامي و لمبات نور صغير فيليبس اوريجينال و لمبات Hyper white و كريستال فيجن

6-فلاتر سبور k&n-apex-simota

7- جميع ملمعات التابلوه و الجنوط و السفنجات الملمعه

8-stress bars كان موجود للانسر و لو عايز لعربية تانيه يجيبها بالطلب

9-جنوط من مختلف الاشكال و المقاسات

10-عدادات rpm سبور و عدادات Boost بتاعت التربو و عدادات قوايم

11-سبويلرات و كساحات تحفه !!

12-كراسي ريكارو و سباركو

13-علب شكمان سبور اداء و صوت مش صوت بس و تركب لحد 2000 سي سي و اكتر و فيه منها ديل واحد و اتنين و فيه ديول شكمان اللي هي بتبقي منظر فقط ملهاش علاقه بالصوت او الاداء

14-ميداليات بعلامات السيارات زي فولكس هيونداي تويوتا و علي اشكال علبة شكمان و جنوط

15-ستيكرات-كلمات بأسم السيارة زي هيونداي و علامات ايضا زي bmw و alpina و شيفروليه

16-فلاتر كربراتير صيني و ايضا موجود فلتر كاربراتير سيموتا اوريجينال

17-كسوات جلد لكراسي السيارات و اغطيه للطاره بمختلف الالوان

18-fm modulator و جهاز لقياس ضغط الاطارات ملحق به كشاف و فواحات جميله جدا و جميع انواع معطرات السيارات-طفايات حريق سبور ptmnlo123per122

19-بوجيهات split fire و دوشم فرامل بريمبو

و انا صورت و عرفت اسعار بعض الحاجات لكن الاسبوع الجاي ده هروحله عشان اخد منه حاجات ليا و اجيبلكوا اسعار كامله و صور اكتر ان شاء الله

و العنوان قبل ما انسي شارع حسني متولي متفرع من شارع الهرم قبل فندق اوروبا مباشرة-هتخش الشارع ده امشي حبه بسيطه لجوا هتلاقي المحل علي ايدك الشمال

-صاحب المحل هو البشمهندس/احمد بس هو بيمسك بليل من الساعة 8 تقريبا لحد 12 و الصبح واحد تاني














































الاسعار..

الكساحه اللي مع علب الشكمان 325 جنيه و فيه زيها قطعتين و كان قالي انها سيات اوريجينال فيه منها للانوس و فيرنا

فانوس فيكترا خلفي 1050

سيفيك امامي 1300

فلتر سيموتا كارب اوريجينال 225

فلتر كارب صيني 150

طفايه حريق سبور 55

عداد بوست و rpm كبير 475

لمبات اشارات ليد 15

لمبات فليبس اوريجينال للنور الصغير 30

لمبات فليبس h4 4300 كلفن 150 جنيه

طارات سبور مومو 225 و فيه اقل تقريبا

ستريس باار لانسر 400

و قريبا جدا اسعار كامله ان شاء الله

[Nour_peugeot]

اصلي يا ابيزاا و ستايل المحل حلوه اوووووي

[sa3dawy]

تشكيلة كبيرة جدا والاسعار معقولة جدا جدا
الف شكرر يا ابيزا بية

[MAHMOUD HATEM]

المحل دا فى الدقي حلو اوى وبتقف ادامة العربية السيفك البينك اللى كانت مع رامز جلال فى شبه منحرف
بس العربية اتشال كل حاجة من عليها بقا شكلها وحش

طول عمرك برنس يا حمادة بس الصور يا جميل مش ظاهره حاول ترفعها تاني علي اي موقع تاني زي www.ozzo.com

بس يا ريت يا باشا لو قابلته تاني ممكن تسئله علي اني عايز اركب عتب رياضية وجناح علي الشنطة الخلفية بيبتدي من كام للفيرنا عندي يا حمادة معلش يا سكر هتعبك معايا