ماذا يجب فحصه عند إستلام ريو من التوكيل ؟

[h.askalany]

أولآ :السلام عليكم
ثانيآ : معلش علشان أنا بنت ومليش خبرة فى العربيات كنت عايزة أسأل
- لو حجزت عربية ريو من التوكيل ماذا يجب فحصه عند إستلامها ؟ هل يجب فحصها جيدآ زى العند الإستلام من المعرض ولا إيه ؟
- هل آخد واحد فنى معايا يبص عليها ولا مش مستاهلة
- كمان يعنى فى حاجات لا زم آخد بالى منها و يا ترى إيه اللى هستلموا معاها و فى حاجة تانية أعملها غير الفحص ولا إيه
معلش سألت كتير و شكرآ ليكو مقدمآ )

[eng/walaaeldeen]

السلام عليكم
يجب فحص السياره فحص كامل وتجربة كل شيئ في السياره وكهرباء السياره سواء زجاج او لمبات لو كاسيت او كلاكس بمعني اصح كل كبيره وصغيره فيها
واي ملاحظه تجديها لاتستلم السياره مهما كان
ويتم تسليم الأستبن والكوريك ومفتاح عجل وطقم عده
وورق السياره
والله المستعان

[jojojojojo]

المشاركة الأصلية كتبت بواسطة eng/walaaeldeen السلام عليكم يجب فحص السياره فحص كامل وتجربة كل شيئ في السياره وكهرباء السياره سواء زجاج او لمبات لو كاسيت او كلاكس بمعني اصح كل كبيره وصغيره فيها واي ملاحظه تجديها لاتستلم السياره مهما كان ويتم تسليم الأستبن والكوريك ومفتاح عجل وطقم عده وورق السياره والله المستعان

بالاضافه لذلك يفضل تكون عامله اقل من 100 كيلو وخد بالك جدا من جسم العربيه من برا انها تكون مفيهاش لا خربوش ولا تجريح ويفضل لو جايه بالورق الابيض انك تشيله عشان تشوفي تحتيه لو فيه خربشه او تجريحه في الجسم العربيه من برا وبالتوفيق ان شاء الله

[h.askalany]

المشاركة الأصلية كتبت بواسطة jojojojojo بالاضافه لذلك يفضل تكون عامله اقل من 100 كيلو وخد بالك جدا من جسم العربيه من برا انها تكون مفيهاش لا خربوش ولا تجريح ويفضل لو جايه بالورق الابيض انك تشيله عشان تشوفي تحتيه لو فيه خربشه او تجريحه في الجسم العربيه من برا وبالتوفيق ان شاء الله

شكرآ جزيلآ على هذه المعلومات

[zicooo2010]

اضافة اخرى اضايفها الى الزملاء الاعزاء و هى مراجعة الضمان الخاص بكل من البطارية و الكاسيت و الكاوتش لان هناك بعض السيارات تكون الضمان خارج التوكيل و الامر الاخر اذا كانت العربية عليها طبقة من البلستر الابيض تزال لكى يتم التعرف على لون الكبوت و ما اذا كان هناك خدوش للقدر الله تعالى ايضا مرور اليد على السيارة كلها و ملاحظة اذا كان هناك مطبات او عدم استواء فى الصاج النظر جيدا فى الفرش الداخلى و الشنطة والاستبن , مراجعة ضغط الاطارات بعد الخروج من المعرض السيارة اذا كانت من التوكيل اقصى كيلوا متر يكون ما بين 15 الى 20 كيلو لان السيارة تأتى على ونش , الاهم الاستلام يكون صباحا و ليس ليلا حتى يتسنى رؤية العربية بشكل واضح
بارك لك فيها و كفاكى شرها