السلام عليكم يا شباب
طبعا كلنا عارفين ان فوانيس الشبورة بتاعت اللانوس ضعيفه جدا وتكاد تكون زى قلتها والنهارده
لاقيت الحل .
![](http://www.masrmotors.com/vb/images/smilies/06A7D5%7E132.GIF)
وانا ماشى بعربيتى لاقيت ورايه عربيه لانوس عاااااااااااااااااااادى يعنى
![Shyy](images/smilies/shyy.gif)
ولكن اللى مكنش عادى انى لقيت فوانيس الشبورة
كبييييييييييييييييرة وشكلها جامد وعلى طول مكدبتش خبر وقمت واقف ووقفت صاحب العربيه اللى عليها العين وكان شاب ( يعنى هيفهمنى وافهمه على طول ) وبصراحه طلع ذوق وقام واقف وسالته على الفوانيس قالى طب نركن على جنب وقمنا نازلين من العربيات وقالى ان دي فوانيس شبورة بتاعت
فيرنا فيفا هندى جابهم من ش دمشق( وممكن من اى حته تانيه ) بحوالى 130 ج (مش قضية خالص ) . وجاب القاعدتين اللى بيركب عليهم فوانيس شبورة اللانوس الاصلية ( علشان يسيب الفانوس والقاعدة الاصليه زى ما هما بعد ما يتخلعوا ) وقالى راح عند واحد اسمه
تامر فيبر فى الحرفيين وهو ظبطله الفانوس الجديد على القاعده (طبعا قص القاعده على قد الفانوس ) وبعدين راح مركبهمله فى الاكصدام من غير اى تعديل فى الاكصدام وما شاء الله شكلهم
جااااامد جدا وهو كان مركب فيهم زينون وكان نوره الى حد ما معقول ( طبعا الكلام ده كان بالنهار واكيد بالليل الموضوع هيختلف تماما ).
![](http://www.masrmotors.com/vb/images/smilies/14369D%7E149.GIF)
طبعا لانى عارف ان فوانيس شبورة اللانوس معكننه على كتير مننا اول ما شوفت التعديل قولت انقله ليكو على طوووووووووووووووووووووووو ووول حتى قبل انا نفسى ماعمله .
وشكرا
![](http://www.masrmotors.com/vb/images/smilies/120105%7E352.gif)