عيوب الناس ال عيزة تدخل مشروع الايجار وعيوب شركات الايجار

[Saif eldien]

عيوب الناس ال عيزة تدخل مشروع الايجار وعيوب شركات الايجار
زمان كان اى حد عايز يجيب عربية يشغلها فى الاجار ناس قليلة جدا الان الموضوع اختلف البنوك فتحت التقسيط مصر كلها فى تفكرها تجيب عربية تشغلها وتسدد اقساطها وتربح كثير جدا
زمان انتها خلاص خلينا فى الان
عيوب ال عايز يدخل المشروع دة
صاحب العربية يدفع مقدم بسيط جدا ويجيب عربية ويقول اشغلها وتسدد قسطها ويطلع ربح شهرى احوشة واسدد اقساط بدرى بدرى تجدة دافع مقدمة 20 الف وقسطة 2400 فى الشهر وعايز يسلم العربية لمكتب ايجار يديلة 3000 فى الشهر مش دة ال بيحصل ويقولك هسدد بدرى بدرى وفى نهاية خمس سنين يربح عربية ثمنها 80 الف وهى مستعملة طبعا افضل من ربح اى بنك
اقول لكم على العيوب 1. الطمع لما انت عايز تربح كل دة وانت متحملتش مخاطرة اى شى يبقى دة اسمة اية
2. لما انت بتبص على ربح المعرض ال مديلة العربية وهو متحمل الخطورة تفتكر ربنا هيكرمك فى ربحك
3. من طمعك مهمكش تتاكد من المعرض وجريت على اعلى واحد يديك شهرية كويسة
عيوب مكاتب الايجار

• المكتب لما بيشوف ان صاحب العربية طمعان بيخلية يطمع اكثر ياخد منة العربية وهى لسة جديدة معلهاش مصاريف وحالتها كويسة وبعدين يسلمهالة بعد سنة او 2
• لما الفلوس تجرى فى ايد صاحب المعرض وينسا ربنا اما انة يبدا يعيش فى بزخ ( حريم ومخدرات ) ومن هنا يقع
• يكذب على صاحب العربية ويطلع كل شوية عيب ولازم يتعمل ودة عيب فى حالة السيارة مش فى الشكل الخارجى ال هو مسؤال عنة

خلينا نفكر شوية انت من حقك تكسب وبردة من حق صاحب المعرض يكسب بس من غير طمع
لانك لو مشيت بما يرضى الله هتجد معارض كويس على الاقل يسدد ليك قسطك الشهرى وتربح معقول مش بطمع علشان متدفعش من جيبك بعد كدة فى اقساط السيارة او تقع فى ايد واحد ينصب عليك
صدقنى اى تجارة لو مشيت بما يرضى الله بنية خالصة هتجد ربنا معاك وزى مفى ناس اصحاب عربيات طماعة فى ناس كسبت فى امان بالمعقول
وزى مفى اصحاب معرض وحشين فى اصحاب معرض كويسين جدا يفيد ويستفيد بالمعقول

[AbOnOrA]

المشاركة الأصلية كتبت بواسطة saif el din صدقنى اى تجارة لو مشيت بما يرضى الله بنية خالصة هتجد ربنا معاك وزى مفى ناس اصحاب عربيات طماعة فى ناس كسبت فى امان بالمعقول وزى مفى اصحاب معرض وحشين فى اصحاب معرض كويسين جدا يفيد ويستفيد بالمعقول

صدقت يا استاذ سيف الله يفتح عليك "رحم الله رجلاً سمحاً اذا باع واذا اشترى" كما قال الصادق الامين صلى الله علية وسلم

[امام بدر]

السلام عليكم جميعا بلنسبة لموضوع الايجار اشكر جزيلا من تكلم فى الموضوع من الناحية الدينية ( الطمع بالرزق من قبل جانب صاحب السيارة و العكس صحيح من قبل التاجر اوصاحب المعرض ) لاكن اريد ان افهم شىء مثير و مهم الا وهو بأعتبارانى صاحب سيارة اريد تأجيرها لمعرض وبعد اتخاذ كل اجرأتى الورقية الازمة لضمان حقى هل من الطبيعى ان اعطى سيارتى لاى معرض بدون معرفة سمعة ذلك المعرض او طريقة التصرف على الاقل بهذة السيارة التى هى فى اخر الموضع ملكا لى
بعد موضوع السمعة هل هذا المعرض يملك سيارات بأسمة ام لا بعرف السوق ( ادى مالك للى عندة مال )
ثالثا هل المعرض اللى بتعامل معا ملك ام ايجار
رابعا من شكل الزبون اللى داخل وخارج المكان اقدر احكم انا بتعامل مع مين من التجار
اما بالنسبة لصاحب المعرض اية اللى بيحصل معاة عشان يوفى بألتزامة مع صاحب السيارة ببساطة خالص المعرض مطلوب منة مبلغ اول كل شهر ايجار هذة السيارة بيطلع السيارة دى لاى حد عشان يوفى التزامة مع صاحب السيارة
الى ان تظهر المصيبة الا وهى حادث - السيارة محجوزة فى قسم كذا عاملة بلوة ...... الخ
المطلوب من صاحب السيارة اتقاء شر نفسة من الطمع ولا ينظر لمبلغ الايجار على قدر التركيز فى الاربع نقاط السابق ذكرهم
ولسيادتكم جزيل الشكر امام بدر صاحب مؤسسة الروادلايجار السيارات
املك سيارات معرضى بالكامل

[AbOnOrA]

الله ينور عليك يا استاذ امام واهلاً بيك فى مصر موتورز

[mohamedezat]

كلام جميل جدا بس الاجمل لما نحكى واقع

انا بفضل الله تعالى كان عندى مكتبين لايجار السيارات وكنت معاهد نفسى انى اعامل الله قبل ان اعامل اى انسان وكثيرا كنت اجى على نفسى وماجيش على انسان

كنت بعامل اى سياره فى المكتب كسيارتى خصوصا انى كنت امتلك سيارتين
وكنت بعامل السائقين كاخواتى وكلهم كانوا كويسين والوحش بيبعد لانى كنت كويس معاهم

بالنسبه لموضوع العقود اولا انا ماكنتش باتعامل مع اى شخص غريب لان النظام اللى باتعامل بيه محدش كان يقدر يقبله الا لما يكون يعرفنى او سبق التعامل معايا

وهو نظام التشغيل بالنسبه

وده نظام انا شايف انه حلال ومش امار لانى باعتبر انى لما اخد مثلا العربيه من صاحبها كمثال بـ 3000ج
العربيه ممكن تعمل دخل شهرى 6000ج بالتالى انا ظلمت صاحب السياره

وممكن العربيه تعمل 2000ج كده انا ظلمت نفسى وظلمت من معى

نظامى كان العربيه بعد انتهاء الشهر يتم خصم مبلغ الصيانه الشهريه وومصاريف من اجر سائق وينزين ان وجد وهكذا وما تبقى يقسم بينى وبين صاحب السياره

ونظام اخر وهو الاتفاق بنسبه تشغيل وبتكون بنسبه 20%
مثال صافى السياره 6000ج نصيب المكتب = 600ج والباقى لصاحب السياره وهو متكفل بجميع المصاريف بما فيهم اجر السائق

بالنسبه بقا للعملاء انا بفضل الله بعد سنتين فى هذا المجال
جمعت عملاء معينين واقتصر التشغيل ليهم فقط عملاء دون مشاكل اغلبهم بالسائق ولو اى عميل جديد لابد انه ياخذ معه سائق او يكون تابع لشخص موثوق فيه

والحمد لله المشروع كان ناجح لسبب قله المصاريف يكفينى انى فخور ان اكتر مخالفات تم دفعها لسياره كانت 600ك وكثير من السيارات بدون مخالفات وكثيرا من السيارات اتسلمت فابريقه بالكامل

وقفلت الدنيا دى خالص لاسباب عديده منها اسباب خاصه واسباب عامه كمثال الحمد لله وجود وظيفه حكوميه وزواج وطفل والتزام فى العمل والتفرغ لتحمل المسئوليه

واتجهت الى مشروع تانى مش محتاج المجهود ده كله وربنا يوفقنى فيه