مكان سرقة العربيات

[حسن شرف]

السلام عليكم ورحمة الله وبركاته ياجماعة رسالة لوجه الله تعالى وسوف أسأل عنها يوم العرض على الله الى عربيته مسروقه ومش عارف يلاقيها فين انشاء الله هيلقيها فى قرية اسمها عرب ابو ذكرى وانا شوفت بعينى كمية العربيات الموجودة هناك أكتر من 1000 عربية بجميع الانواع قديم وجديد حتى النقل و النص نقل واللانسر والسيراتو والالنترا والكرولا والسوزوكى والتاكسى وغيره كتير فوق الوصف بس دول عصابة بلد بحالها ومتحولش تعمل عنتر وتروح علشان تجيبها حتى لو معاك 10 رجالة حتتقتلوا ذى العصفير الناس دى مبتهزرش والسلاح الآلى مبيفرقش اديهم الناس دول بيخدوا فلوس وانا كانت عربية واحد صاحبى اتسرقت وراحت هناك وجبناها بعد ما دفعنا 20000 ج وطبعا دخلنا دورنا عليها من بين عربيات كتير جدا وطبعا عوزين تعرفوا مكان البلد دى فين أنا هقولكم باالتفصيل بس ليا عندكوا مكافأة وهى الدعاء ليا بظهرالغيب البلد دى بعد بنها وقبل ماتدخل قويسنا وهى على الطريق السريع مصر اسكندرية الزراعى تبع محافظة شبين الكوم وأرجو تثبيت هذا الموضوع للآهمية القصوى

[esafegypt]

ارجوا التثبيت لان اكيد لما الموضوع يتثبت هيعمل مشاهدات اكتر وبالتالى مصر كلها هتعرف مكان العربيات المسروقة والعصابة هتتكلبش ان شاء الله

[jojojojojo]

طب يا جماعه فين الشرطه انا اكاني بشوف فيلم الجزيره

[Rekaa]

طيب لما نعوز نعرف نروح البلد دي نكلم مين عشان ندخل البلد ولا نروحـ كدا وخلاصـ

[طارق ابوذيد]

أحى الكريم كاتب الموضووع بارك الله فيك ولكن تعتقد ان شرطه مباحث سرقه السيارات لا تعرف مكان هذه البلد وانهم يسرقون السيارات ؟