ارجو الدعم من جميع اعضاء وادمن جروبات السيارات
قصه شركة تأمين مع أخويا بالمستندات ((( المصرية للتأمين التكافلي )))
القصة حصلت ومازالت مستمر من سنة 2012
اخويا الكبير اشتري كيا سيراتو لون اسود تقسيط وهو مقيم بالغردقة اشتري من معرض اباظة مخصص مكتب لشركة التأمين المذكورة أعلاة والتقسيط على بنك عودة ومعرض اباظة أمن على السيارة مع شركة ((( المصرية للتأمين التكافلي )))
المندوب أسمة كريم ومكانه فى معرض أباظة بالغردقة
القصة
اخويا عمل حادثة على طريق المطار و راح المستشفي واتعمل محضر والتأمين عاين الحادثة وتم التصوير والعربية اتسرق منها حاجات وهي مركونة على طريق المطار ومن وقتها حتي الان التأمين بيماطل فى الموضوع واخويا رفع قضية ضد الشركة وطبعا الشركات دي عندها طقم محامين درجة اولا يعني الورق الي معانا ملوش أي لازمه والمحامي خد فلوس على الفاضي والقضية مازالت فى المحكمة
الغرض من البوست اننا بنبحث عن حقنا وكمان خلي بالك مش أي شركة تأمين تتعامل معاها لمجرد انها مدعومة من بنك عودة ومعرض أباظة
مش علشان تخلص اجراءاتك بسرعه وتستلم بسرعه انك ترمي فلوسك على الارض
ربنا عالم كل واحد بيشتري عربية حتي ولو قسط بيجمع فلوسها ازاى وكمان احنا بنسدد فلوس عربية للبنك على الفاضي بدون استفاده نهائي
مرفق مع البوست دة بعض صور المستندات الموجودة
وثيقة التأمين + محضر الشرطة + الرخصة
ملحوظة صغير / ان شاء الله لو خدنا حقنا من الشركة دي هنخصص مبلغ لكل من مستشفي سرطان الاطفال ومستشفي الكبد فى مركز شربين بالدقهلية ودهان المسجد القديم بقرية ميت زنقر التابعه لمركز طلخا بالدقهلية واعمال خير أخري ان شاء الله
MasrMotors غير مسؤول عن أي
اتفاق تجاري أو تعاوني بين الأعضاء التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر
01-12-2015, 04:48 AM
قصه نصب شركة تأمين ( المصرية للتأمين التكافلي )
المواضيع المتشابهه
