الكماليات دي موجودة في البومة ؟؟

[sherifabden]

ياجماعة انا كنت عايز اسال ملاك البومة
هل العربية فيها زرار تعطيل عمل ايرباج الراكب الامامي ؟؟
هل فيها امكانية تعديل ارتفاع الطارة وتعديل ارتفاع كرسي السائق ؟؟
واسف على الاطالة

[Amr11_vip]

ايوة يا فندم فيها تعديل للطارة وارتفاع لكرسي السائق , بس حزار الايرباج مش عارف وما اعتقدش , لان العربية بتاخد نجوم وجوايز وبتخش تصنيفات عالمية لمجرد انها حاطة وسائل امان فى العربية , لا انصحك اطلاقا بتعطيلها , الناس فكرة انك لو اديت شلوت للعربية من قدام هيضرب , يا بيه دي عربية محترمة واليابان مقدماها لحضرتك , أعتقد عملوها صح , والايرباج للعلم لا ينفتح الا فى حالة تحرك الموتور تجاه كابينة القيادة , يعني مش اى حادثة ,, اقسملك بالله شوفت ناس ندمت انها ما بتربط حزام الامان , وناس تانية حزام الامان نجاها من كوارث , ما بالك بقى بحماية جسمك كله من الارتطام بالنوافذ او القوأئم او الزجاج الامامي ويمنع نزول السقف على السائق لا قدر الله فى حالة الحوادث

وربنا يباركلك فى عربيتك يارب ويكفيك شر الطرق المصرية السيئة, لينا وليك ولكل سواق بيمشى على ارض المحروسة

[Amr11_vip]

امبارح اخدت بلاعة قدام الاستاد قطعتلى الكاوتش ,, بس الحمدلله جابولها غطا النهاردة

يكفى اقول لحضراتكم ان البالوعة تكفى لنزول موتوسيكل بالكامل !!!

المكان :: اقصي الشمال ... الشارع :: ما توقعتش منه كده ابدا

وبالفعل حاجات شبه كده حصلت للأسف فى ظل اهمال واضح وصريح من الاحياء ومسئولي الطرق

خدوا بالكوا الله يكرمكم والاصل فى اى طريق انه زبالة لحد ما يثبتلك عكس كده ,, ومافيش مانع ما تمشيش غير لما يكون قدامك عربية دليل

[sherifabden]

الف شكر بس انا قصدي على زرار موجود في البومة لتعطيل عمل الايرباج التاني علشان لو انا لوحدي في العربية ومحدش قاعد جنبي هل دا موجود ولا ايه ؟؟

[SHABRO]

لأ مش فيها الخاصية دي,
المفروض ان دايرة الايرباج مش بتشتغل غير لما يكون الحزام مربوط على اعتبار ان فتح الاير باج من غير الحزام ممكن يعمل اصابات , بس الفكرة ان عندنا في الشرق الأوسط الناس مش بتربط الحزام والايرباج بيشتغل , فمتهيألي العربيات اللي بتنزلنا بيفتح فيها الايرباج على اي وضع عشان الشركات تتجنب الدعاوي القضائية....