|
فيات FIAT فيات FIAT الايطالية استطاعت ان تتجاوز ازماتها الماضية بعد فشل تحالفها مع جنرال موتورز عن طريق تقديم موديلات لاقت نجاحا كبيرا مثل جراند بونتو فيات 500 باليو سيينا ليينا بونتو |
|
أدوات الموضوع |
#1
|
|||
|
|||
يا اهل الخبره عاوز اعرف حاجه
يا جماعه دلوقت انا عاوز اعرف عدد الاحصنه اللى فى العربيه ياريت حد يقولى اعرفه ازاى لو من العدد لازم يكون كام لو 260 يكون عدد الاحصنه كام ياريت حد يقولى لو العربيه تربو المتور بيكون شكله ايه هل بيكون عليه بوست التربو اللى بيكون فوق الماتور ياريت تردو عليه فى اسرع وقت ولكم جزيل الشكر
تحياتى للجميع |
#2
|
|||
|
|||
رد: يا اهل الخبره عاوز اعرف حاجه
عدد الأحصنة ملوش دعوة بالعداد, لأن السرعة القصوى لا تتحدد بعدد الأحصنة فقط, بل هناك عوامل اخرى مثل الوزن و علبة التروس و غير ذلك كثير,
ناهيك انو العداد لا يمثل السرعة القصوى, يعنى عربية عدادها 260 لا يعنى انو سرعتها ممكن توصل 260. عدد الأحصنة بيتحدد بواسطة عدد من الحسابات المعقدة يدخل فيها عوامل كثيرة فى تصميم المحرك مثل حجم الاسطوانة و الضغط داخلها و مستوى الاحتكاك التى تنتهى بتحديد القوة الحصانية القصوى, و ليس من سبيل لاحتساب ذلك الا لمن صمم محرك السيارة, و لذا فاننا نأخذ بالرقم الذى يقوله الصانع. عموما كلما زاد عدد الأحصنة كلما زادت السرعة القصوى, و زاد التسارع العام, لكن السرعة القصوى تحتسب أيضا بواسطة مجموعة من الحسابات المعقدة يدخل فيها عدد الأحصنة و الوزن و الانسيابية و العزم و نسب علبة التروس, لذا فان السرعة القصوى تأخذها أيضا من الصانع, و غالبا ما يمكن فى بعض الظروف لمعظم السيارات أن تتعدى سرعتها القصوى لأن حسابها يتم على افتراضات متوسطة, مثلا نفترض أن الطريق مستوى و سرعة الرياح متوسطة عكس اتجاه السيارة, طب ماذا اذا ما كان الطريق مائلا مع اتجاه السيارة؟ و كانت سرعة الرياح فى اتجاه السير؟ ساعتها السيارة هتجيب سرعة أعلى من سرعتها القصوى المحددة, فمثلا لو قالك انو سرعة السيارة القصوى 200 كم/ساعة, فممكن فى بعض الظروف انو السيارة تجيب 210 و 220 كم/ساعة لو كانت الظروف مواتية. لو كانت السيارة تربو هتلاقى جهاز طالع من الشكمان و غالبا بيبقى فوق المحرك و لازم يكون متوصل بالشكمان.
__________________
أخر مواضيعى : اختبار الفيات برافو 120 حصان تى جيت. وداعا يا ايها الصقر الجسور قضيت معكى أحلى ايامى. فيات برافو مرحى مرحى |
#3
|
|||
|
|||
رد: يا اهل الخبره عاوز اعرف حاجه
طيب انا اعرف منين الموضيع دى لان العربيه دى فى منها نوعين 90 حصان و120 حصان تربو وانا شاكك بصراحه فى الكلام ده اصلها 1400 سى سى طيب قولى اعرف ازاى عشان قايلى انها تربو 120 حصان هى العربيه برافو فيات 2009 قالى الى 2009 تربو قبل كده مش تربو ولما دخلت على النت لاقيت 2009 90 حصان و120 تربو وشكرا على التعاون بتاعك
التعديل الأخير تم بواسطة فادى ; 21-06-2009 الساعة 04:00 AM |
#4
|
|||
|
|||
رد: يا اهل الخبره عاوز اعرف حاجه
معلش فى حاجه كمان هى مكتوب قدام فى الشبكه t jet تبقا دى التربو ولا العاديه بجد انا بقيت مقلق اوى من الموضوع ده
|
#5
|
|||
|
|||
رد: يا اهل الخبره عاوز اعرف حاجه
هى البرافو ليها 4 محركات بنزين, الأول بدون تربو 90 حصان و 120 حصان تربو و 150 حصان تربو و فيه فئة أعلى 185 حصان, ال3 الأولانيين هما فقط اللى موجودين فى مصر.
الموديل ال90 حصان مصمم بطريقة تأخير غلق الصمامات و ده بتدى قوة حصانية أعلى لكن عزم أقل فى المقابل, عشان كده بيولد 90 حصان من 1400 سى سى, الرقم ليس مثيرا للريبة. ال1400 سى سى ممكن يولد 120 حصان و اكتر مع التربو و الكلام ده يعتمد على قدرة التربو و حجمه و مستوى الضغط داخله, لذا فان الأرقام منطقية, و فيات ليست لها سوابق سيئة فى الكذب على صعيد قدرة محركاتها مثل شركات أخرى. التى جيت تشير الى أن المحرك مزود بنظام تى جيت, و هو نظام التربو الخاص بفيات, لذا فان وجود هذه العلامة تعنى بالضرورة أن السيارة بها تربو. نصيحتى هات التربو لأن 120 حصان هيبقوا ممتعين للغاية فى القيادة, و هى عربية جميلة و أنيقة و اختيار جيد و من اسم كبير و عريق و له مصداقية. على فكرة لا مجال كبير للكذب, احنا سمعنا عن بعض التوكيلات التى تكذب بشأن أرقام القوة الحصانية بهدف رفع مستوى المبيعات, (مثل هوندا سيفيك و تويوتا كورولا), لكن تأكد ان مستوى الكذب لا يمكن أن يصل أبدا الى بيع سيارة بدون تربو على انها تربو مثلا لأنه اذا كان من المستحيل معرفة القوة الحصانية بدقة لسيارة ما, الا انه من السهل تحديد وجود تربو من عدمه لأى مبتدىء, لذا فلا مجال للخوف من هذه النقطة بالتحديد.
__________________
أخر مواضيعى : اختبار الفيات برافو 120 حصان تى جيت. وداعا يا ايها الصقر الجسور قضيت معكى أحلى ايامى. فيات برافو مرحى مرحى |
|
|