|
السيارات التجارية كل ما يتعلق بعالم السيارات التجارية و يشمل سيارات النقل و الميكروباص و الأتوبييس |
|
أدوات الموضوع |
#1
|
أدب التاكسى واللورى والميكروباس
من زمان وانا غاوى اقرا اللى بيكتبه السواقين على الاكصدام من ورا او على البرابريز
خدو عندكو 1- ان عشت هذلكو وان مت الله يسهلكو ( ده غالبا سواق ميكروباس واكل مقلب وناوى ينتقم قريب ) 2- عتاب الندل اجتنابه ( ده واحد واخد مقلب بس مش ناوى ينتقم ) 3- مفيش صاحب يتصاحب ( ده واحد شبع من اصحابه فقرر ميصاحبش حد) 4- محمد ورانيا وتسنيم ( ده سواق تاكسى ربنا رزقه بال3 امامير دول وكاتب اساميهم باعتبارهم الورثة للتاكسى ) 5- وكان ابوهما صالحا ( ودول غالبا اخين شركا فى العربية وابوهم الله يرحمه كان راجل طيب ) 6- مع السلامة يا ابو نسمة (ده سواق بيجو بيتمنى لنفسه السلامة ) 7-راجعة بأذن الله ( ده سواق لورى غالبا رخصه منتهية وخايف من اى كمين يقابله او عربيته مليانة عيوب او اى حاجة اواى كمين ممكن يتلككله ) 8-انا مالى انت اللى غلطان ( وده سواق لورى اكصدامه حديد ومتين فبيعزيك مقدما فى عربيتك وبيفهمك انه ملوش دعوة وربنا يستر علينا جميعا) 9- من حق الكبير يدلع ( و ده غالبا سواق لورى او سواق ميكروباس 26 راكب شايف نفسه وسط الميكروباسات التانية كبير) 10-الكبير لما يتدلع يخلى الاسفلت يولع 11- اللى جاية دى بقى نكتة وانا شخصيا قريتها مت على روحى من الضحك وصاحبها مسكوه فى كمين لان الظابط اعتبرها اهانة ليه السواق كاتب ايه كااااااااتـــبـــــــ اللى ورايا عبيط (هههههههههههههه) 12-الحلوة من بولاق وصاحبها راجل سواق ( طب م احنا عارفين انك سواق اومال ماشية لوحدها يعنى ) 13- ربنا ولاتحملنا مالاطاقة لنا به ( وده سواق لورى بيوهم الكماين انه مبيحملش اى حمولة زيادة وطبعا ده استعمال خاطىء للآية القرآنية) 14- الكبير كبير والنص نص منعرفوش 15- اللمبى او ابراهيم الابيض او فالنتينو او بوحة او اى شخصية علقت مع الناس فى الافلام او المسلسلات يروح عاملها اسم شهرة لنفسه 16-وده سواق لذيذ تدخل العربية من جوه تلاقيه لازقلك استيكر مكتوب عليه (الأجرة لو سمحت) 17 - ياناس ياشر كفايه قر 18-متبصلهاش ياعبيط الحلوة بالتقسيط 19- عضة اسد ولانظرة حسد 20-ياناس سيبونى اسدد ديونى (قال يعنى احنا اللى مزنقينها عليه) 21- وده فيلسوف كاتب ( ياسلام لو الناس تبطل الكلام ) 22- و ده واحد واخد بومبة من حبيبته ( ياعبيط مفيش بت تستاهل (كاتب بت مش بنت ) 23-لوح ازاز على لوح ازاز والحاج هيروح الحجاز 24-غير التقاليع بقى زمان كان يعلق الفردة الشمال من حذاء طفل فى الاكسدام اللى ورا واليمين فى الاكسدام اللى قدام علشان الحسد وياحظك لو ركبت تاكس وكنت اول زمان فى الوردية واللى تديهولو كتير قليل ميبصش فيه وانما يطبق ايده عليهم ويفضل يبوس ايده وش وضهر ييجى نص ساعة 25 - اللى جاية دى عجيبة ركبت تاكسى ولقيت مكتوب جواه ع التابلوه ( مش عاجبك انزل ) ولما سالت قال معرفش انا بستلم العربية كده واللى بيسلمنى مش فاهم وغالبا ابن صاحب العربيه هو اللى لازقها 26-اللى تعرفه احسن من اللى متعرفوش ( ومش فاهم علاقتها ايه بينا ك ناس ماشيين حوالين سواق الميكروباس اللى كاتبها ) 27- لا امان للبشر 28- سولار فى التانك ولادولار فى البنك( ده بيوهمك انه قنوع وراضى بحاله ) اخيرا طب ايه سبب الموضوع انا بسأل هل ده بيعبر عن شخصية اللى كاتبها واللا هو بيقصد يخاطب شخص معين والا اسباب تانيه والا كلهم مجتمعين ارجو التفاعل واشكركم موضوعــــــــاتــــــــــ ــــــــــــــــى http://http://www.masrmotors.com/vb/showthread.php?t=17140 http://www.masrmotors.com/vb/showthread.php?t=18011 http://www.masrmotors.com/vb/showthread.php?t=17139 http://http://www.masrmotors.com/vb/showthread.php?t=17005 التعديل الأخير تم بواسطة خالدخليفة ; 03-01-2010 الساعة 07:22 AM |
#2
|
رد: أدب التاكسى واللورى والميكروباس
ايه ده الموضوع وحش اوى كده لدرجة محدش عبرنا بربع رد او نص رد او جاب اضافه عليه ؟؟؟؟؟؟؟؟؟؟؟؟؟؟؟
|
#3
|
|
رد: أدب التاكسى واللورى والميكروباس
أو شبيه له ؟ عمومآ خد عندك ! 1- احترس ..السائق صعيدى 2- مجرم الصعيد 3- ما تبصليش بعين رضيه..بص للمدفوع فيه 4- الحسود لا يسود 5-الحلوه دى خوخه...و جت من بعد دوخه ! Dr. Bolbolan ptmnlo123per122
__________________
ليت الشباب يعود يوما فأخبره بما فعل المشيب بى ! ptmnlo123per1127 التعديل الأخير تم بواسطة Dr. Bolbolan ; 21-01-2010 الساعة 05:40 AM |
#4
|
||||
|
||||
رد: أدب التاكسى واللورى والميكروباس
موضوع ظريف جدا والاجمل التعليقات والتساؤل اللى حضرتك طرحتة واللى بعتقد رداً عليه انه طبيعة بشرية اكتر حتى من كونه سمة لثقافة مجموعة من الناس
فظاهرياً تبدوا ظاهرة التعليقات او المقولات الشعبية على العربيات خاصة بفئة السواقين والفئة الشعبية جدا من الناس لكن اعتقد ان الموضوع يكاد يكون فى كل الناس مع اختلاف الاساليب فمثلاً الشباب الاعلى فى المستوى غالباً ما بيحطو مقولات ايضاً وان كانت غالباً بالانجليزى لانها فى الغالب برضو بتبقى ماخوذة من المقولات اللى بيستخدمها الامريكان او الاجانب عموماً او ما يسمى بالبامبر ستيكرز او ستيكر الاكصدام وديه اشهرها واظرفها زى back off I'm schizophrenic kiss me twice imported if you try you will die wife and dog missing reward for dog Until I was 13, I thought my name was 'shut up'. Some people are only alive because it is illegal to shoot them. Some people just don't know how to drive... I call these people "Everybody But Me." Smile. It's the second best thing you can do with your lips. Save Water. Drink Beer. Santa Claus has the right idea - visit people only once a year. The rich get richer. The poor get babies. Remember to use all fingers when waving at a policeman. Pride is what we have. Vanity is what others have.. Oops. My brain just hit a bad sector. Nothing is illegal until you get caught. Nobody's perfect - I'm a nobody. My other bumper sticker is funny. وديه ابجحهم فهى حاجة فى كل البشر مش بس فى المصريين يعنى التعديل الأخير تم بواسطة AbOnOrA ; 21-01-2010 الساعة 06:13 AM |
#5
|
رد: أدب التاكسى واللورى والميكروباس
والله ياجماعة مش عارف اشكركم ازاى انا قلت محدش عبرنى يبقى الموضوع ميساويش تلاتة ابيض او 5 ابيض
|
أدوات الموضوع | |
|
|