الفتيس عندي بيعض وحركته صعبه جدا وبيترس احيانا

[سلامة البدري]

السلام عليكم ورحمة الله بركاته

الاخوة الاعزاء

طبعا معظمكم عارف نوع عربيتي وطبعا هي الدبابه شيفروليه 2006
عامله 670.000 كيلو يعني قربت علي 700.000
لسه مشتريها مستعمله الصيانه الوحيده الي عملتها فيها من فترة قريبه اني ظبطت التاكيهات وغيرت بيضات المقصات بس

غيرت زيت وفلاتر زيت والماتورهوا وجاز

اني حاليا بتعلم السواقه عليها وبدات اتحسن وكل يوم مستوايا بيزيد في السواقه واتقدم بفضل صديقي مصطفي بارك الله فيه انا باركبها يوميا لمده 3 ساعات تمرين متواصل ومكثف واحيانا 4 ساعات

لاحظت امن اول يوم اشتريتها ان فتيسها تقيل ومحكوم جدا وده شئ الميكانيكي قالي انه عادي ومع الوقت هيفك وقالي انه العربيه قبل ما تشتريها اتعملها صيانه كامله عمره ماتور وتظبيط فتيس

من يومين لاحظت ان عصايه الفتيس تقيله ومبيتحركش بسهوله خالص وتقريبا بتقف في نص مشوار الغيار يعني العصايه مبتاخدش مشواره لحد ما يبات في مكانه الطبيعي او بالبلدي الفتيس بيعض
لدرجة انه ترس اكتر من مرة وانا بنقل العصايه من الغيار الثالث للثاني عشان اهدي للملفات والمطبات واضطرت اني اخليها في المور عشان العصايه بحسها كانها علقت مكانها
وتكررت اكتر من مره وانا بنقل علي الغيار الثالث طبيعي جدا من الثاني لثالث

ملحوظه هامه وطلب كمان معلش
دلوقت انا مغيرتش زيت الفتيس ولا الكرونه البعض نصحني اغيرهم
لو تنصحوني اغيرهم ممكن ترشحولي ايه نوع الزيت الافضل الي اغير بيه زيت الفتيس وزيت الكرونه

ولو غيرت الزيوت دي هل الوضع هيتحسن ولا لا ول في نصيحة تنصحوني بيها تاني تكرموا وقولها

[mr_astra]

مساء الخير يا استاذ سلامة
مشكلتك فى كلمتين اتنين
بطل العربية وجرب كل الغيارات بما فيهم النقلة الخلفية
حاجة من اتنين
لقيت كل الغياارات بتيجى مرتاحة وسلسة يبقى المشكلة عندك فى رجلاش الدبرياج صمولة بيتربط عليها لفتين تلاتة بخمسة جنية عند الميكانيكى وخلاص على كدة

اما

لو ان النقلات بتيجى بصعوبة يبقى اول حاجة نفكر فيها نغير زيت الفتيس وربنا يسهل وبامر الله هاتكون رجلاش مش اكتر
وفين يا باشا فاصل الجاز اللى اتفقنا علية .......لو بتعملة مش هاتشتكى من الموضوع دة خالص بس انا عازرك ان يمكن لسة رجلك ما اخدتش على العربية شوية
ربنا يكرمك

[سلامة البدري]

المشاركة الأصلية كتبت بواسطة mr_astra مساء الخير يا استاذ سلامة مشكلتك فى كلمتين اتنين بطل العربية وجرب كل الغيارات بما فيهم النقلة الخلفية حاجة من اتنين لقيت كل الغياارات بتيجى مرتاحة وسلسة يبقى المشكلة عندك فى رجلاش الدبرياج صمولة بيتربط عليها لفتين تلاتة بخمسة جنية عند الميكانيكى وخلاص على كدة اما لو ان النقلات بتيجى بصعوبة يبقى اول حاجة نفكر فيها نغير زيت الفتيس وربنا يسهل وبامر الله هاتكون رجلاش مش اكتر انا بصراحه مبسوط لرد حضرتك السريع لاني كنت مروح متضايق من حاله الفتيس وكده اطمنت شويه انها بسيطه بأذن الله بص يا استاذي العزيز فعلا والعربيه مبطله الغيارات عصايه الفتيس بتتحرك لاخر مشوارها ومرتاحه وسلسه وتبات في مكانها الطبيعي بس تقدر تعتبرهها تقيله او متحكمه نوعا ما ودي طبيعتها من يوم ما اشتريت العربيه يعني مش قادر احكم علي الموضوع بالظبط لكن اللي حصل النهارده العصايه كانت معترسه خالص ومبتروحش الي مكانها الطبيعي الي بتنام فيه علي عكس حالتها والعربيه مبطله كده متهيألي اقدر احكم علي الموضوع انه مجرد رجلش ان شاء الله وفين يا باشا فاصل الجاز اللى اتفقنا علية .......لو بتعملة مش هاتشتكى من الموضوع دة خالص بس انا عازرك ان يمكن لسة رجلك ما اخدتش على العربية شوية ربنا يكرمك

[COLOR="Red"]بالراحه عليا شويه شويه يا استاذي علي فكرة انا مش ناسي حكايه فاصل الجاز ده وكلامك علي بالي بمجرد ما اركب العربيه وبحاول اعمله وبطبقه فعلا وحسيت بيه بس يمكن لسه ادائي مبقاش احترافي قوي يعني
ان شاء الله بالتدريج وبتوجيهاتكم هاكون ذي الفل[/COLOR]

ولو شايف المسئلة محتاجة تغيير زيت فتيس تنصحني بأي نوع انت شايفه مناسب

وبارك الله فيك واكثر من امثالك

[amr elsisi 1]

مرحب بيك اخي سلامة مرة اخري
يا ريت تراجع علي وصلات الدبرياج احتمال تكون مبوشة دة لو هيا واقفة ولسة بتعض
اما لو الموتور داير وبتعض يبئي ظبط مشوار الدبرياج
وخلي بالك لازم في اول دواسة الدبرياج يكون بدون فعل اي مشوار فاضي حوالي 25مليمتر

[mr_astra]

يا ريت تراجع علي وصلات الدبرياج احتمال تكون مبوشة

عمرو لو حضرتك تقصد وصلات الفتيس اسمحلى اذكرك انها عربية نصف نقل يعنى عصايا الفتيس على الفتيس مباشرة
ولا حضرتك تقصد اية اللى مبوش ؟؟؟؟