سكودا يتى 2014

[ibrahim is]

الحمدلله اشتريت النهاردة سكودا يتى 2014 الفئة ambition اوتوماتيك
1400 cc تربو (TSI)
كماليتها:
1- بلوتوث
2- تحكم مالتى ميديا
3- مثبت سرعة
4- حساسات خلفية للركن
5- زجاج فاميه
6- جنوط 17
7- شبورة امامية و خلفية
8- شاشة touch
بصراحة العربية خرافة
اولا عالية عن الارض بخلاف الاوكتافيا لانها كانت معايا و لسة بايعها
مع العلم انى مبذمش فى الاوكتافيا و لا استجرأ اعمل كده الاوكتافيا عربية حكاية و اصيلة
لكن انا بتكلم عن اليتى و الجميل اللى فيها
ثانيا تحس ان العربية بتقولك اجرى بيا
يعنى اول ما تيجى على 2000 rpm تلاقيها طلعت بسرعة رهيبة لل3000 و ال4000 فى ثوانى و ده طبعا علشان التربو على حسب ما اعتقد
لسة مقرصتش ع العربية علشان احكم على جريها و ثباتها بس باين عليها الثبات فيها عالى
هبقى انزل صور للعربية
و كل ممشى بيها و احس بحاجة جديدة هقولها علطول
ادعولى ربنا يباركلى فيها

[محمد فيصل]

1000000 مبروك
بارك الله لك
وحفظك الرحمن
السيارة لا تزال جديدة عليك بمعاملتها برفق حتى لا تجهد الموتور فى اول 1000 على الاقل

[Marlborooo]

اااااااااااااااالف مبرووووووووووك ربنا يحفظهالك

ومستنين منك بعد فترة تقيمك للعربية

[AbdoElAzzaz]

ربنا يباركلك فيها يارب ويكفيك شرها ويديك خيرها

[ibrahim is]

المشاركة الأصلية كتبت بواسطة محمد فيصل 1000000 مبروك بارك الله لك وحفظك الرحمن السيارة لا تزال جديدة عليك بمعاملتها برفق حتى لا تجهد الموتور فى اول 1000 على الاقل

تسلم بشمهندس محمد
دعواتك