#1
|
|||
|
|||
مشكلة في العربية السيينا ممكن تفيد حد - تانك بنزين
السلام عليكم ورحمة الله وبركاته
اخواني الكرام - هصل معايا فصل جامد امبارح عند الكهربائي - قولت احكيه هنا يمكن يفيد ناس من 5 أيام العربية فضيت بنزين مني وانا علي الاوتوستراد وكنت ماشي بيها بالعافية لغاية ما اوصل بنزينة صقر قريش المهم قبل البنزينة بـ 150 - 200 متر العربية سنعت فيها خبطة جمدة ورا في الشنطة المهم وقفت وطفيت العربية واستنيت - مفيش حاجة شغلت ومشيت تاني مفيش نص دقيقة وقامت خبطة تاني المهم - كملت لغاية البنزينة وفولت ودورت ومشيت بقي يحصل ايه بقي اجي ادور العربية - بعد نص دقيقة اسمع خبطة - اجي اطفي العربية - برضه بعدها بشوية اسمع نفس الخبطة بعد أربعة ايام - شوفتوا الاهمال - روحت للميكانيكي - سمعته الخبطة وحكيت الحكاية - قاللي في التانك بتاع البنزين روح للكهربائي روحت للكهربائي - قاللي ايوة - نشوف العوامة وطلمبة البنزين - المهم - فكها وبص عليها وقاللي ايوة - هوا ده - عايزة تتغير قولتله طيب بص عليها جربها اعمل اي منظر - قالي طيب تعالي - وصل الطلمبة والعوامة في العربية - جرب - دور اشتغلت ومفيش صوت ومفيش خبط ولا رزع ؟؟ قاللي ممتاز دي شغالة - يبقي كانت مشكلة ضغط هوا جوا التنك - محبوس وشفطت وسحبت وحكالي فيلم هندي - طيب يا عم ركب بقي عشان امشي ركبنا وقفلنا - ادور العربية مش راضية تدور ؟؟؟!!!!!!ptmnlo123per1106 يا ستي يهديكي - يرضيكي - قاللي بس - شوفت بقي - الموتور جاب اخره زي ما قولتلك لازم نغيرهم ؟؟؟ ptmnlo123per144 سألت عليهم لاقيتهم بـ 1250 في شارع دمشق نزلنا جبناهم وركب يا عم الجديدة - ركبناها - دور العربية - دارت - قاللي شوفت بقي - شغال اهو مفيش نص دقيقة الخبط رجع ptmnlo123per111 ptmnlo123per111 ptmnlo123per111 ptmnlo123per111 قاللي بس - احنا حلينا مشكلة الطلمبة ندور بقي علي سبب الخبطة انا طولت عليكوا - بس عشان سبب الخبطة هايف جدا وكلفني 1250 ج قولت اكتبه هنا يمكن يفيد حد وميدعش نفس المبلغ اتضح ايه بقي ان اي تانك بنزين لازم يبقي ليه فايظ - يعني ايه - يعني منفذ هوا - يتنفس منه واتضح ان السيينا - ودي عربيتي - منفذ الهوا بتاعها في غطا التانك وكان مسدود - نفخنا فيه - بقي سالك - وخلصت الدنيا وشربت انا 1250 ج بسبب تخمين الكهربائي اي حد يسمع صوت خبطة في التانك متكررة مع الايقاف والتشغيل - يشوف فايظ تانك البنزين الاول الصوت بالظبط عامل زي ما يكون صاج بيطقطق - بيتطبق - بس مع خبطة مكتومة وشكرا |
#2
|
||||
|
||||
رد: مشكلة في العربية السيينا ممكن تفيد حد - تانك بنزين
معلهش ربنا يعوض عليك في ال 1250
ومش عارف امتي الصنايعيةهيبطلو الفتاوي بتاعتهم اللي بتودي في داهية دي
__________________
|
#3
|
|||
|
|||
رد: مشكلة في العربية السيينا ممكن تفيد حد - تانك بنزين
الموضوع من سيء لأسوا اصبحنا نبحث عن احسن الوحش - كله وحش - بس قضي اخف من قضي ومبقاش في صنيعي كويس او حتي عنده ضمير الي الله المشتكي |
#4
|
|||
|
|||
رد: مشكلة في العربية السيينا ممكن تفيد حد - تانك بنزين
علشان كده يا جماعه انا دايما اقول ان عمليات اصلاح الاعطال لازم تكون فى التوكيل اما اذا اعطاك التوكيل تقرير بشراء بعض قطع الغيار من الممكن ان تشتريهم من السوق وعمليه الفك والتركيب اسهل
|
#5
|
|||
|
|||
رد: مشكلة في العربية السيينا ممكن تفيد حد - تانك بنزين
مفيش فايده في تخمينات الصنايعيه
و معلش يا باشا محدش بيتعلم ببلاش
__________________
|
أدوات الموضوع | |
|
|