لسة شاري ابيزا 94 و عندي شوية اسئلة.. ارجو الاهتمام بالله عليكم

[Mhsm87]

السلام عليكم
انا لسة شاري عربية ابيزا 94 و عندي شوية اسئلة يا ريت حضراتكم تفيدوني

العربية شاريها من 3 ايام و غيرت لها الزيت و فلتر الزيت و فلتر الهواء و مش لاقي مكان فلتر البنزين يا ريت اعرف مكانه هو معمول لها فلتر على دخول البنزين للموتور كان مقطوع الخرطوم و متركب فلتر شفاف رخيص دة صح ولا ايه

كمان يا ريت حد يفهمني مؤشر الحرارة الطبيعي بتاعه عند كام و يا ريا بالصور عشان مش فاهم التدريج بتاعها خالص لانه مش مترقم .. دي اول عربية ليا و بتعلم عليها ايه الحاجات اللي اخلي بالي منها يا ريا تنصحوني

[IMG]tbn:ANd9GcT3USdxQanAlofNT fflJTUvIV0WXWpvENXJgBGGOY 9XeCqXbHQw4F6Yal_E9w[/IMG]
صاحب العربية اللي قبلي كان مركب لها زرار يشغل مروحة تبريد الموتور لما الحرارة تعلى انا عايز المروحة تشتغل اتوماتيك لما الحرارة تعلى اعمل ايه وومين يعملها كهريائي ؟؟

و عايز اغير لها السيور .. ايه السيور اللي اغيرها عشان مش عارف ؟؟

العربية ١٣٠٠ سي سي كاربراتير موتورها خفيف للاسف .. يا ريت تنصحوني اتعامل معاه ازاي و انا مبتدئ كدة

يا ريت يا جماعة متبخلوش عليا بالمعلومة بالله عليكم

انا عايز انضف الريداتير و اغير الماية اللي فيها ايه احسن نوع ماية تنصحوني بيه و احنا داخلين على الصيف كدة ؟؟

انا من اسكندرية يا ريت تدلوني على ميكانيكي بيفهم في الابيزا اتعامل معاه ..

جزاكم الله خير

[AbOnOrA]

اولاً مبروك ربنا يهبك خيرها ويكفيك شرها
بالنسبة لفلتر البنزين وكل ما هو فى الحوض محتاج مراجعة من ميكانيكى بتاع فولكس وبس حد حافظ العربية علشان ممكن يكون صاحبها زورها لميكانيكية نص كم وده ممكن يسبب حاجات غريبة زى ما بتقول سواء مش راكبه صح او مش موجودة اصلا ,,
مؤشر الحرارة الوضعية الطبيعة بتاعته على المنتصف درجة حرارة 90
بالنسبة للمروحة المفروض بتركب على ترموستات يشغلها مع درجة حراره معينة وديه يعملها الكهربائى اه بس زيارتك الاولى تبقى للميكانيكى المتخصص زى ما قولتلك او مركز خدمة متخصص فى الفولكس
بالنسبة للسيور عموما تبقى سيور المتور والتكييف لو موجود
بالنسبة للمتور طالما خفيف يبقى هتتعامل معاه بزيوت درجة لزوجتها عالية اكتر لحد ما تعمله ميزانية وتشوف هتعمره ولا تغير
بالنسبة للمية روح لواحد بتاع ريداتير يفك القربة ويغسلها ويغسل السربنتينة ودورة المية ويزود ويسحب الهواء واى نوع شغال المهم ميكونش مضروب ولو استخدمت مية عادية وتضيف عليها مانع الصداء STP شغال برضو مش لازم مية خضراء المية الخضراء بس شغلتها انها متتجمدش فى البلاد اللى درجات الحرارة فيها بتنزل تحت الصفر يعنى ملهاش لازمة فى مصر والمية الطبيعية كفائتها فى التبريد افضل من الخضراء عكس الناس ما بتتخيل

[Mhsm87]

ربنا يجازيك خير

الف شكر على اهتمامك