رأيكم ضروري في سيارة فيرنا 2007 مغيرة موتور

[amr_walid]

السلام عليكم ورحمة الله وبركاته

من فضلكم عايز رأيكم ضروري في سيارة فيرنا 2007 هاف (باور وتكييف) رشه بره ما عدا السقف فقط انما جوه سليمة دواخل عاملة 124.000 كيلو ولما كشفت عليها الميكانيكي قالي انها مغيرة موتور ومركب لها موتور 1500 بتاع اكسنت مش فيرنا فبرجاء الافادة عن سعرها تقريباً كام وفي اي حاجة بالنسبة لتغيير الموتور ده يعني يعيب العربية في البيع والشراء بعد كده لان دي اول عربية ليا وانا بصراحة موضوع الرش برة وتغيير الماتور قالقني بالرغم انها 2007 فعايز اعرف الرأي علشان اخلص فيها ولا لا وفي حدود كام . وشكراً لحضراتكم علي الإفادة ،،،، وجزاكم الله خير

[linatrix]

بص للامانه بلاش منها محدش بيحب يشترى عربيه حديثه مغيره ماتور الا لو سعرها مغرى بجد عشان لما تيجى تبيع متخسرش

[طارق ابوذيد]

السلام عليكم ورحمه الله وبركاته .
أخى الكريم موتور الاكسنت لا يركب على الفيرنا واذا كانت مغيره موتور فسيكون أفنتا أو فيفا وهو 1500 سى سى ولكنه أقوى من موتور الفيرنا المصرى وذلك عن عده تجارب فلا تقلق من الموتور ولكن هذا لا يمنع ان يقل سعر السياره ولكن ليس بدرجه كبيره لان تغير الموتور لا يعيب السياره

[mr_astra]

ازاى عاملة 124 الف كيلو وغيرت موتور

هاسيب دماغك تفكر العربية دى كانت بيتعمل فيها اية عشان تغير موتور !!!!!!!!!! وعلى 124 الف اذا كان اصلا العداد مش ملعوب فية

[amr_walid]

شكراً اخواني علي الردود بس انا قالقني موضوع الموتور ده يتغير بعد 124 الف كيلو لسيارة موديل 2007 وراشة بره كله الا السقف وده اكده اللي كشف عليها بس للامانة الموتور الجديد جيد جداً من وجهة نظر اللي شافها . انا اصلي استخارة واكشف عليها عند حد تاني . السيارة دي معروضة عليا ب 45 الف فمحتاج ايضاً اعرف رأيكم في السعرواخرها كام بالمواصفات دي وهل هي تستاهل ولا لا .
وشكراً علي مجهود سيادتكم وجزاكم الله خير.