البيضه ولا الفرخه أولا

[د.كمال]

القنوات الفضائيه المصريه اليومين دول عامله تشتيت لتفكير الشعب المصرى ولم تكن على مستوى الحدث العظيم للثوره .
وبدلا من أن تناقش هذه القنوات أولويات الشعب المصرى فى المرحله الراهنه كالأنفلات الأمنى وطرق النهوض بالأقتصاد وكيفيه إستعاده السياحه مره اخرى ....ظلوا يتبارون فى تشتيت أفكار الشعب المصرى بالأسئله الفارغه التى تدل على عقليه جوفاء للقائمين على هذه القنوات وأصبحوا يخيروا الشعب المصرى بين أمرين البيضه ولا الفرخه أولا .....ومن هذه الاسئله الخائبه
_ إنتخابات برلمانيه ولا دستور أولا ......مع إن الشعب المصرى قال كلمته فى الاستفتاء الاخير .
_ دوله دينيه ولا مدنيه ......وكأن الشعب المصرى نصفه كفار مدنيين والنصف الاخر إخوان مسلمين .
وأخذ بعضهم يشوه صوره وتاريخ الاخوان المسلمين وكأنهم الاخوان الاسرائيليين .
_ انتخابات رئاسيه اولا ولا برلمانيه .....طب مالأستفتاء حدد برلمانيه أولا .
_ نظام الرئيس القادم نظام برلمانى ولا رئاسى ......وكأننا سننتخب رئيس الجمهوريه غدا ..
إختلطت الامور والمفاهيم عند الشعب المصرى واصبح مشفاهم حاجه ولا هو عارف إستفتى على إيه وأصبح فكره مشتت بين البيضه ولا الفرخه أولا .
الموضوع مفتوح للنقاش

[ahmed_harb777]

بالغرم من اني خرجت في الاستفتاء وقت لا للتعديلات الدستوريه ولكني غير موافق نهائيا علي الجدل الجاري هذه الايام ويجب علينا ان نذهب وراء اراده غالبيه المصريين اللذين قالوا نعم وانا قلت في مشاركه قبل نتيجه الاستفتاء ان لو نعم هي اللي كسبت سادافع عنها لانها اراده الشعب حتي لو رأيي الشخص ان ده غلط لان هي دي الديموقراطيه اللي بننادي بيها

[د.هبه77]

عشان نصحي من الدوامة اللي احنا فيها دي
مفروض نركز احنا عايزين اية
ايا ما كان رئيس او دستور
المهم نتخذ خطوات مش معقول الاحباط والتخبط دة
ونعمل اجندة فيها بنود 1234
لان لسة ادامنا مشوار طويل جدا
اذا كان الواحد عشان يخطط حياته هو كفرد شوف التعطيل
امال بلد باكملها اية الحل لو تباطءنا هنقعدالاف السنين ولا هي بلد فراعنة بقي وحضارة 7 الاف سنة
انما نشتت انفسنا في حاجات كتير جدا لا الاولوية للاهم فالمهم
ويا رب تقوم مصر تاني بقي

[MOHAMED_XENON]

المشاركة الأصلية كتبت بواسطة د.كمال القنوات الفضائيه المصريه اليومين دول عامله تشتيت لتفكير الشعب المصرى ولم تكن على مستوى الحدث العظيم للثوره . وبدلا من أن تناقش هذه القنوات أولويات الشعب المصرى فى المرحله الراهنه كالأنفلات الأمنى وطرق النهوض بالأقتصاد وكيفيه إستعاده السياحه مره اخرى ....ظلوا يتبارون فى تشتيت أفكار الشعب المصرى بالأسئله الفارغه التى تدل على عقليه جوفاء للقائمين على هذه القنوات وأصبحوا يخيروا الشعب المصرى بين أمرين البيضه ولا الفرخه أولا .....ومن هذه الاسئله الخائبه _ إنتخابات برلمانيه ولا دستور أولا ......مع إن الشعب المصرى قال كلمته فى الاستفتاء الاخير . _ دوله دينيه ولا مدنيه ......وكأن الشعب المصرى نصفه كفار مدنيين والنصف الاخر إخوان مسلمين . وأخذ بعضهم يشوه صوره وتاريخ الاخوان المسلمين وكأنهم الاخوان الاسرائيليين . _ انتخابات رئاسيه اولا ولا برلمانيه .....طب مالأستفتاء حدد برلمانيه أولا . _ نظام الرئيس القادم نظام برلمانى ولا رئاسى ......وكأننا سننتخب رئيس الجمهوريه غدا .. إختلطت الامور والمفاهيم عند الشعب المصرى واصبح مشفاهم حاجه ولا هو عارف إستفتى على إيه وأصبح فكره مشتت بين البيضه ولا الفرخه أولا . الموضوع مفتوح للنقاش

يا باشا ربنا يخليك لينا انتا مش عضو ذهبي انتا عضو ماسي

[MmFFoR]

بالبنط العريض

ازاي الدستور اولا؟؟؟؟

مين اللجنة اللي حتحطه؟ و مين اللي حيختارهم؟
ده نوع من انواع فرض الوصاية على الشعب المصري

لكن لما الاعلان يقول ان الشعب هو اللي حيختار اعضاء مجلس الشعب
و يليه ان اعضاء مجلس الشعب الذين تم اختيارهم من الشعب هما اللي يختاروا اعضاء لجنة كتابة الدستور

طبعا ده اقرب الى الديموقراطية بمفهومها العام

الاحزاب الليبرالية و الاقباط خوفهم ان الاغلبية في مجلس الشعب يبقوا بمرجعية اسلامية فيختاروا لجنه تحط دستور يتوافق مع الدين الاسلامي و الشريعة الاسلامية السمحة

فهما عايزين يعملوا لجنة كتابة دستور بالعافية مكونة منهم - فلما مجلس الشعب يتم انتخابه حتى لو 100% منهم اسلاميين مش حيقدروا يعملوا حاجة يعني حيبقوا متكتفين بدستور موجود فعلا ويجب الالتزام به

و طبعا انا متوقع انه يبقى دستور انبطاحي على اعلى مستوى