قرارنا بأيدينا

[د.كمال]

الأخوه الأعزاء
بعد أن كانت تفرض علينا الأراء وتفرض علينا الأختيارات وكنا مسلوبى الأراده لا أحد يستشيرنا لا فى حكومه ولا فى وزير ولا غفير أصبح قرارنا بأيدينا نحن الذى نختار ونحن الذى نفرض رأينا بأرادتنا .
وإذا كنا نختلف الأن فى ان نقول نعم ام لا للتعديلات الدستوريه فأى نتيجه هى مكسب لنا جميعا لان القرار هو قرارنا أخذنا بأيدينا ولم يفرض علينا .
فالحمد لله سبحانه وتعالى ان قرارنا أصبح بأيدينا

[MIDO-SPICY]

احييك على موضوعك وكلامك يا دوك

الله عليك يا دكتور كمال ما ترشح نفسك كدا وليك عليا اديلك صوتي انا يجيلي اعز منك

[sad-bird]

والله يا دكتور يا ريتها على قد نعم ولا وبس
لكن فعلا لازال لغايه دلوقتي ناس بتقول متروحوش الاستفتاء
واللي رافع قضية علشان يوقف الاستفتاء
واللي بيقولك روح وده واجب شرعي
واللي يقولك صوت بنعم وده واجب شرعي
واللي يقوللك روح وصوت بلا
طيب اللي بيقول سواء من هان او من هنا او من هنا
هو ماله برأي
انا حر
اصوت بلا
اصوت بنعم
اصوت واقول يلاااااااااااااااهويييييي ييييييييي
انا حر
هو ماله
حاجة غرييييييييييييييبة

[Bendary]

نعم او لا
المهم احساسك بان رايك له تأثير - وصوتك له وزن فى المجتمع
أيا كانت النتيجه
احنا بنتعلم الحرية - والتجربة هتزود ثقافتنا السياسية
عارف ان فينا ناس كتيير متردده ومش عارفين الصح ـ نقول نعم أم نقول لأ

المهم : نكون ايجابيين ونشارك ونتعلم
واكيد القادم افضل باذن الله .