أرجو المساعدة

[temo2003]

اولا انا باحييكم على المنتدى الرائع دة
ثانيا عندي طلب
انا معايا شاهين 1600 موديل 2007 انجيكشن بيحصل معايا حاجة غريبة جدا
لما العربية تكون ماشية مشوار طويل وتكون سخنة ( في المعدل الطبيعي للشاهين يعني ) لما تبطل العربية مستحييييييييييييل تدور وانا حاطط رجلي على الدبرياج يعني لازم اخلي العربية على الموووور
دة اية بقى واية حلها

[حسام البورسعيدى]

على كده الدبرياج مظبوط معاك ولا بيزعق فى بعض الغيارات ؟؟

والكلام ده بيكون والعربية بتتحرك ولا واقفة ؟؟

ولما العربية مش بترضى تدور ايه اللى بيحصل بالظبط ؟؟

[hossamhussein0]

بصراحة ، أول مرة في حياتي اسمع عن العيب ده

ايه علاقة السخونة (الطبيعية) بالدبرياج و الدوارة ؟؟

هل صوت المارش بيبقي عادي (لفاته سريعة )و الموتور هوه اللي مش بيلقط و لا المارش بيعتل ؟ و هل لما تجيب العربية علي المور و هيه في نفس درجة الحرارة بتدور علي طول ؟

برجاء الايضاح

[temo2003]

اشكر اهتمامكم
بصو يا جماعة الدبرياج تمام وزي الفل لكن لما ابطل العربية بعد اي مشوار وحبيت ادورها تاني قبل ما تبرد اللي بيحصل ان العربية كانها مافيهاش بطارية بتقطع كهربا تماما حتى الكاسيت بيطفى
اشيل رجلي من على الدبرياج وادور تدور زي الفل

[mr_astra]

لى تفسير واحد وارجو من الله ان انجح فى توصيلة لك
............. بعد اما كتبت كلام كتير حسيت انة مش مفهوم مسحتة وكتبت الاتى
ولكن خلاصة القول ان احتمال يكون هلايل الكرنك مبوشة وفى حالة الدوس على الدبرياج عامود الكرنك بيكون محشور مش واخد راحتة انة يبقى حر اللف وبناء علية المارش بياخد كل الكهرباء من البطارية لانة عاوز يدور حاجة هى تقيلة فى اللف