تشغيل المكيف في أول 1000 كم

[7osni]

مساء الفل على أحلى منتدى.بما إننا داخلين على الصيف اليومين دول وبما أن الجو أصبح لا يطاق في ساعة الظهيرة فطبعا آن الأوان لتشغيل التكييف بس استغربت لما لقيت واحد بيقولي انت ازاي مشغل المكيف وعربيتك مكملتش ال1000 كم بصراحة استغربت قلتله أنا أول مرة أعرف ان في أول 1000 كم لازم مشغلش التكييف يعني أنا مثلا لو في الامارات أو السعودية واشتريت عربية في شهر 6 ولا 7 اتسلق على ما أكمل ال1000؟!!!!!!ptmnlo123per 1106فأفيدونا يا أهل الخبرة أفادكم الله

[DocAmro]

اول مرة اسمع المعلومة دية
انا عن نفسي شغلت التكيف تاني يوم في المرور و كانت العربية واقفة و وقفت ساعة في الحر الساعة 1 الظهر و الكيف شغال و محصلش حاجة.....

الحاجة الوحيدة اللي مفروض حضرتك تعملها لو العربية لسه معدتش الألف انك متعليش ال أر بي ام عن 3 او 4
بس كدة

لازم في اول 1000 كيلو متشغلش التكييف وديه تعليمات لكل العربيات الجديدة لان الماتور بيكون لسه بيلين والتاكييف بياثر علي الماتور وممكن يسخنه ويخليه يجيب وش سلندر معاك فعلشان كدا ممكن تيجي علي نفسك وتستحمل او تعمل كام مشوار زي رحله كدا لمدة اسبوع والافضل تمشي بليل بالعربية متلينش في الشمس علشان العربية متسخنش معاك ومبروك علي العربية وربنا يديك خيرها ويكفيك شرها

[7osni]

شكرا جزيلا على المعلومات بس للأسف بقا أنا كنت بشغله بس مش كتير على العموم هانت والألف كيلو يخلصوا

[hazem_khidr]

هو طبعا موضوع الالف كيلو دا مش قرآن ولا فرض علشان نمشي عليه
هو المفروض في اول استعمال العربيه تحاول انك تكون هادي عليها شويه
لكن لو شغلت التكييف مش حيحصل اي شئ و علي ضمانتي و انا متأكد من اللي بقوله
اهم حاجه ما تشدش بالعربيه اوي او تقرص في النقلات بتاعها
انما شغل تكييفك و ما تقلقش من حاجه نهائي
و علي فكره انا ايام ما جبت الياريس زيرو جاي بيها علي الطريق و فاتح 130 و 140
و كانت العربيه لسه ما عملتش 40 كم !!!
و شغلت التكييف عادي جدا و اخدتها مشوار الطور من المحله يعني حوالي 505 كيلو بعد ال 700 كم
و ماشي علي الطريق بجري و بقرص و لا فيه اي حاجه و كمان و انا راجع مشغل التكييف
و الحمد لله العربيه عامله معايا انهارده 42 الف كيلو و بسم الله ما شاء الله ولا فيها اي حاجه..
لا تقلق و شغل تكييفك و استمتع بعربيتك بس من غير قرص علي الموتور