|
مطلوب شراء اذا كنت تبحث عن سيارة مستعملة فى مصر ضع طلب شراء سيارة مستعملة هنا |
|
أدوات الموضوع |
#1
|
|||
|
|||
ايه الافضل برجاء المساعده
اخواني الكرام انا معابا 127 فيورا سوال ايه الافضل
127 فيورا ولا لادا 2105 ولو فيه افضل من الاثنين يبقي تمام في حدود 20 الف عايز اجيب لادا 2105 بس خايف اندم برجاء المساعده |
#2
|
|||
|
|||
رد: ايه الافضل برجاء المساعده
للرفع والرد
|
#3
|
|||
|
|||
رد: ايه الافضل برجاء المساعده
أكيد فى فرق بين الـ 127 و اللادا
أولاً فى الحجم, أكيد اللادا أكبر و أوسع من الداخل و ليها شنطة كبيرة ثانياً العيوب الإثنين عربيات قديمة و هتلاقى قطع غيارهم بسهوله بس الأكيد إنها مضروبه, يعنى لو غيرت قطعة غيار جديده و رجعت غيرتها تانى بعد أسبوع, عادى , بس على أد لحافك زى مبيقولوا الـ127 غالباً بتمسك بارومة من عند الكارتيرة و كل شوية تروح تلحمها عند السمكرى علشان المطبات بتفتح الشاسية (بيبقى فيه شروخ خفيفة أو تنميل), و مع كتر القص و اللحام أبعاد العربية بتختلف عن الأصل و تلاقيها بتحدف على ناحية معينه (يمين أو شمال) - الكلام ده موجود فى الـ 128 و الـ 127 و الريتمو, بس الـ 127 أقلهم ده اللى اعرفه عنها و يفيدك أكتر أحد ملاك العربية اللادا عربية ناشفة و حمالة أسية و فى الطرق المصرية المكسرة مينفعش غير حاجه حجرية كده بس هتلاقى العفشة بتاعتها مزدوجه و بالتالى محتاجه عناية أكتر, تربيط و تشحيم و ... و خاصة بيض المقصات صوت المكنه عالى شوية و ده مالوش حل, ممكن ضبط التاكيهات يوطيه شوية السخونه ليها مليون حل, بتوع التاكسى أبتكروه, و الحال ماشى الدركسيون تقيل شوية و ده بيركب له مناول على رولمان بلى بـ 75 ج و بيبقى أخف بكتير الدواسات (بنزين-فرامل-دبرياج) ممكن تكون ناشفه شوية بس مع الوقت هتتعود (ممكن يجيلك شد عضل فى الأول بس, بعد كده هيطلعلك باى و تراى و ترابيس بس فى السمانه ) مميزاتهم (الـ 127 و اللادا): - قطع غيار عند البقال بمعنى الكلمه, يعنى مش هتدوخ على حاجتها زى أصحاب العربيات الغير منتشرة - صيانتها سهله, برضوا مش محتاجه عبقرى إلا فى حالات نادرة أوى, و سهل تتعلم فيها بنفسك (تمشيها مؤقتاً يعنى) - الـ 127 موفرة فى البنزين (و بنزين 80 كمان) عن اللادا - اللادا ممكن تنقل فيها حاجات أكتر و أتقل من الـ 127 - نصيحتى: لو عرفت تقع على 131 نضيفة تبقى أحسن أو مازدا 323 لو أنت من سكان القاهرة (علشان قطع غيارها نادرة فى المحافظات) و فى خيارات كتير فى نفس حدود المبلغ ده أعانك الله
__________________
|
#4
|
||||
|
||||
رد: ايه الافضل برجاء المساعده
السلام عليكم
مافيش كلام تاني يتقال الله ينور عليك والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#5
|
|||
|
|||
رد: ايه الافضل برجاء المساعده
يعني حضرتك بتنصحني لا 127 ولا اللادا بس من كلام حضرتك يؤكد ان 127 مميزتها افضل من اللادا بغض النظر عن الحجم منتظر راي باقي الخبراء وايه هيه الخيرات الاخري بنفس المبلغ المذكور التعديل الأخير تم بواسطة ahmed12ea ; 21-09-2014 الساعة 05:10 PM |
|
|