أول مرة أشوف توكيل بيسلم السيارات للحاجزين حسب اللون اللى يختاره التوكيل و ليس العميل

[lovecarss]

السلام عليكم ,

بصراحة دى حاجة جديدة عليا جداً إنى أشوف دفعة كاملة من الحاجزين لم يستلم أكثر من نصفهم الألوان اللى طلبوها بل يتم إجبارهم على لون معين

طبعاً الكلام ده ينفرد به غبور دوناً عن غيره

بعد تأخير الإستلام للدفعة الأولى شهر كامل كانت الوعود بسرعة تسليمهم و تسليم جميع الحاجزين باللون اللى طالبينه

لكن يحدث العكس تماماً الجميع يستلم بألوان مختلفة عن مطلبهم بحجة عدم توفر الألوان المطلوبة حتى العام القادم و للاسف الناس زهقت من التأخير و أضطروا يستلموا الألوان دى على مضض

بصراحة حرام يبقى الواحد دافع دم قلبه فى حاجة و يستلمها ناقصة

طبعاً ده غير إن حتى الأن كتالوج السيارة لم يصدر بعد

لحد إمتى هيكون التعامل كدة فى مصر غير باقى دول العالم عدم الإلتزام بالمواعيد أو الوعود أو الحجوزات و عدم الاهتمام نهائياً برغبة العميل ؟

نفسى الاقى جواب مقنع !!!!

[eng/walaaeldeen]

السلام عليكم
كده ياباشا يبقي انت اكيد في مصر
مع اعتذاري للأغنيه
والله المستعان

[ahmed el gendy]

والله يا باشا العيب مش علي غبور العيب علي اللي هيستلم لون غير اللي هو عاوزه دول فاكرين انهم بيشحتوا الناس العربيات دي امال لو مكانوش دافعين فوق تمنها مرتين وبعدين هما جايبين العربيه الفلته اللي لا فيها قبلها ولا بعدها عشان يتجبروا علي اللون انا اجيب الللون اللي انا عاوزه ف اي عربيه احسن من لون مش عاوزه ف عربيه انا عاوزها

[hyundai 2005]

فعلا اتصلوا بابن خالي وقالوله اختار اي لون غير الفيراني واحنا نسلمك الصبح رفض بشده وقالهم يا فلوسي يا الحته الفيراني قالو ليه خلاص اصبر عقبال ما نصطاد لك كام فار عشان الفيران معجزه معانا اليومين دول

[emgrand7]

المشاركة الأصلية كتبت بواسطة hyundai 2005 فعلا اتصلوا بابن خالي وقالوله اختار اي لون غير الفيراني واحنا نسلمك الصبح رفض بشده وقالهم يا فلوسي يا الحته الفيراني قالو ليه خلاص اصبر عقبال ما نصطاد لك كام فار عشان الفيران معجزه معانا اليومين دول

علي فكره هما قالولي العكس في فضي وفيراني ومفيش اسود ولا ابيض طبعا انا صممت علي رائي وطلبت الاسود وفعلا استلمت اسود الاستاذه مروه في توكيل المهندسين مشكوره تعبتها جدا معايا لحد ما استلمت العربيه امبارح والعربيه زي الفل وخدمه العملاء زي الفل خصوصا الاستاذه مروه والاستاذ معتز اشكرهم شكرا جزيلا لما بذلوه من مجهود حتي يحققوا لي كل طلباتي