باور الدريكسيون تقيل فى الفيرنا و لا ايه يا جماعه ؟؟

[emadelbatran]

السلام عليكم و رحمة الله و بركاته
الى الاخوة الساده المهندسين و الفنيين الكرام و اهل الفيرنا
اشتريت سيارة فيرنا موديل 2013 فو اوبشن لسه عاملة 40 كيلو يا دوب خدتها من المعرض الى الترخيص . عايز اعرف حاجة مهمة جدا . انا حاسس ان الدريكسيون ناشف اوى فى الدوران يمين او شمال و مش عارف هل ده عيب فيها و لا لسه الدركسون بيليين و لا ايه عشان جديدة يعنى . كمان مشيت بيها على 120 لقيت العربية بتترعش اوى منى حسيت ده فى الدركسيون وماردتش تسرع اكتر من كده

[ahmed el gendy]

بص نصيحه روح بدل فرد الكاوتش بتاعتها من دلوقتي وتدفع فرق صغير لان الكاوتشات تعتبر لسه جديده فهتبيعها بتمن كويس لاني كان عندي مشكله الهزه ع السرعات البطيئه والعاليه كمان روحت التوكيل وبدلوا الفرد مكان بعضها واتظبطت شويه وبعدين رجعت زي ما كانت فانا اشتريت دماغي وقلت امشي نفسي بالفرد دي لحد اخر الصيف ده واول الصيف الجديد اجيب لي فرد نظيفه واجنط بالمره
بالنسب لتقل الدركسيون دي شكله روح وشوف هيقولوا لك ايه ومتسمعش كلامهم هيقولوا لك العربيه كده مظبوطه اتخانق عشان تتصلح وياريت تروح من دلوقتي ومن غير ما تحجز كمان ومتستناش صيانه الالف

[emadelbatran]

المشاركة الأصلية كتبت بواسطة ahmed el gendy بص نصيحه روح بدل فرد الكاوتش بتاعتها من دلوقتي وتدفع فرق صغير لان الكاوتشات تعتبر لسه جديده فهتبيعها بتمن كويس لاني كان عندي مشكله الهزه ع السرعات البطيئه والعاليه كمان روحت التوكيل وبدلوا الفرد مكان بعضها واتظبطت شويه وبعدين رجعت زي ما كانت فانا اشتريت دماغي وقلت امشي نفسي بالفرد دي لحد اخر الصيف ده واول الصيف الجديد اجيب لي فرد نظيفه واجنط بالمره بالنسب لتقل الدركسيون دي شكله روح وشوف هيقولوا لك ايه ومتسمعش كلامهم هيقولوا لك العربيه كده مظبوطه اتخانق عشان تتصلح وياريت تروح من دلوقتي ومن غير ما تحجز كمان ومتستناش صيانه الالف

اشكرك جزيل الشكر ..جزاك الله خيرا

[meno elsaher]

المشاركة الأصلية كتبت بواسطة emadelbatran السلام عليكم و رحمة الله و بركاته الى الاخوة الساده المهندسين و الفنيين الكرام و اهل الفيرنا اشتريت سيارة فيرنا موديل 2013 فو اوبشن لسه عاملة 40 كيلو يا دوب خدتها من المعرض الى الترخيص . عايز اعرف حاجة مهمة جدا . انا حاسس ان الدريكسيون ناشف اوى فى الدوران يمين او شمال و مش عارف هل ده عيب فيها و لا لسه الدركسون بيليين و لا ايه عشان جديدة يعنى . كمان مشيت بيها على 120 لقيت العربية بتترعش اوى منى حسيت ده فى الدركسيون وماردتش تسرع اكتر من كده

فى الاول غلط انك تمشى على سرعات عالية عشان الماتور لسة فى فترة التليين
هو الباور تقيل شوية وانا عندى نفس المشكلة دى وقلتلهم عليها كذا مرة فى التوكيل وقالولى دة الطبيعى عشان باور زيت مش كهربا زى النيو اكسنت ومع الوقت هتلاقى الدنيا اتظبطت معاك لما تعدى الالف كيلو وخللى بالك من فرامل العربية عشاااااااااااااان ضعيفة فى الاول عشان التيل بيطبع لسة وبخصوص الترصيص لما تروح التوكيل خليهم يظبطو زوايا ويرصصو العجل

[emadelbatran]

المشاركة الأصلية كتبت بواسطة meno elsaher فى الاول غلط انك تمشى على سرعات عالية عشان الماتور لسة فى فترة التليين هو الباور تقيل شوية وانا عندى نفس المشكلة دى وقلتلهم عليها كذا مرة فى التوكيل وقالولى دة الطبيعى عشان باور زيت مش كهربا زى النيو اكسنت ومع الوقت هتلاقى الدنيا اتظبطت معاك لما تعدى الالف كيلو وخللى بالك من فرامل العربية عشاااااااااااااان ضعيفة فى الاول عشان التيل بيطبع لسة وبخصوص الترصيص لما تروح التوكيل خليهم يظبطو زوايا ويرصصو العجل

جزاكم الله خيرا يا أخى هو فعلا اللى حضرتك قلته لسه بتاع المعرض قايلهولى دلوقتى ..ان العربية بتليين و غلط تمشى بيها على سرعات عالية لحد الالف كيلو