|
جيلى اميجراند - مابلEmgrand Geely احدى اكبر الشركات الصينية التى تسعى بخطى ثابتة لتطوير منتجاتها والدخول بها الى اكبر الاسواق العالمية بعد ما تحقق لها من نجاحات فى الاسواق الشرقية و تتبعها سيارات مابل واميجراند Emgrand |
|
أدوات الموضوع |
#1
|
|||
|
|||
100 يوم ... 13000 كيلو ( تقرير التجربة )
السلام عليكم ورحمة الله وبركاتة
اخواني الاعزاء امبارح كان اليوم المتمم لل 100 يوم من شراء الجميلة ايمي جراند وحبيت افيدكم من التجربة سيارتي ملاكي لون شامبين . صورة السيارة (( ماشاء الله ولا حول ولا قوة الا بالله )) طبيعة شغلي كلها سفر لذالك كنت عايز عربية تساعد كان معايا قبليها بي واي دي وحرقت معايا 115 الف في سنة وقررت اجيب الجيلي الجميلة وهيا حاليا عدادها 13240 في ال 100 يوم يعني القصد اني الاستهلاك شاق ومن الدار للنار زي ما بيقولو الايجابيات ألي شفتها في العربية اولا : الثبات .. ثما الثبات ... جربت العربية كتير جدا علي سرعات مختلفة 160 : 180 : 200 افضل ثبات وتحكم كان علي 160 الي 180 . ودة كان ممتاز جدا وبصراحة اهم حاجة عندي كانت موضوع الثبات . ثانيا : استهلاك البنزين ... ممتاز جدا لكن داخل البلاد بيكون الاستهلاك زيادة بسبب الزحمة ممكن . ثالثا : ال EBD .. فعلا الخصية دية ممتازة جدا ( تم تجربتها بالصدفة الله لا يقدرها مرة اخري ) كنت ماشي علي كبري اكتوبر بسرعة 120 وماسك الحارة ألي بعد اليمين وعند نزلة السبتية .. كسرت عليا عربية عايزة تنزل النزلة .. فكنت لخبطو لدخل في في الصور .. لنزل النزلة وطبعا عايز اقلكم اني نزلت النزلة بزوية انحناء تكدا تكون 90 درجة وعلي سرعة 100 تقريبا والحمد لله قدر ولطف والعربية متقلبتش ولا سحبت ( والنزلة فتحتها صغيرة جدا واكيد انتم عارفينها ) ودة طبعا بفضل الي بي دي وثبات العربية وقاعدة العجلات . فعلا ثقتي فيها زادت جدا جدا . رابعا : المميزات العامة الرفاهية الشكل الاضاءة . وهكذا . ( انا حاولت اذكر المميزات الاهم في الاقتناء فقط . لكن في مميزات كتير ممكن تعرفوها بسهولة بدون تجارب ) السلبيات السلبيات الرئيسية كلها من التوكيل .. زي الكاست خربان وبيهنج كتير جدا مجاري الكراسي التكيف بيشتغل لوحدو ! لمبة الاتشك وبسبب البنزين اما السلبيات الخاصة بالسيارة نفسها . سفنج الكراسي ناشف شوية لكن حاليا حاسس انو هبط واستعدل وهجبلها خلال الايام دية كسوة وتكون سفنج خامة الدهان مش كويسة اوي تسارع السيارة بطىء نوعا ما في الغيار الاول ( ممكن لاني كنت متعود علي 1600 سي سي ) بشكل مبدئي تقيمي ليها في استهلالك 13 الف كيلو . خلال 100 يوم . جيد جدا / وفعلا تستحوذ علي 8 من 10 علما اني كنت امتلك لانسر بومة 2007- بي واي دي2012 - النترا 2008 وفي الثبات اثبتت كفاءتها عن الثلاثة واسف لو مقدرتش اقوم بتقرير افضل من كدا . اخوكم احمد جينرال |
#2
|
|||
|
|||
رد: 100 يوم ... 13000 كيلو ( تقرير التجربة )
ممتاز يا جنرال جزاك الله خير
|
#3
|
||||
|
||||
رد: 100 يوم ... 13000 كيلو ( تقرير التجربة )
ربنا يحفظهالك يا بوب
__________________
اللهم صل وسلم وبارك علي سيدنا محمد (( صلي الله علية وسلم )) |
|
|