تغيير مساحات الزجاج

[dandashx]

المساحات عندي متبهدلة خالص وعايز اغيرها، وناوي أروح لسبير كار النهاردة بس مش عارف ايه أحسن الأنواع.

لو حد عنده خبرة في الموضوع ده ياريت يقوللنا إيه أفضل الأنواع الموجودة، ورينج الاسعار، وآخد بالي من ايه ونا باركبها عندهم

[روبرت مجدي]

متابع بأهتمام.......:shyy :

[dandashx]

الحمد لله رحت سبير كار في امتداد رمسيس، قلتله عايز مساحات جديدة، قام قاللي عندي مساحات رابر، وهو نوع واحد اللي عندي بس أنضف حاجة، قلتله عالبركة.
قام بعت معايا حد من اللي شغالين في المحل، راح فك المساحات القديمة من العربية ورجعنا المحل، جاب مساحتين اتنين بمقاسات مختلفة عن الأصلي، الشمال أطول بدرجتين، واليمين أطول بدرجة. قلتله ليه، قاللي جرب ولو معجبتكش هاركبلك الاصغر.
راح العامل وركبهملي، وفعلا طلعوا مضبوطين بالشعرة، وأحسن من القدام. ولما بيشتغلوا بيغطوا الإزاز كله من أقصاه لأقصاه، وكمان شكلهم شيك جداً.
رجعت للمحل عشان أحاسب،
كم ياعم حسابك للمساحتين؟ عشرين جنيه.
بالتركيب؟ أيوة.
طب الواد اللي جه معايا وفك وركب أراضيه بحاجة؟ لا يا فندم كده خلاص

سلام عليكم .. سلام عليكم

[محمد اشرف]

انا مش بفهم فى انزاع المساحات اوى الصراحه حاليا بس انضف نوع مساحات شوفته هو بتاه الاسكودا اوكتافيا a5

[eng/walaaeldeen]

السلام عليكم
المساحات الرابر كويسه وألف مبروك
والله المستعان