تقرير تجربة برليانس v5 فى السفر من اسكندريه الى مرسى مطروح بالصور

[محمد اشرف]

السلام عليكم

اسف جدا لتأخرى فى عمل الموضوع مره ثانيه

المهم ندخل فى الموضوع على طول
احنا اشترينا العربيه من هنا وبعدها باسبوعين تقريبا على مرسى مطروح على طول وكانت تقريبا عامله من 400 الى 500 كيلو والملاحظات كالاتى :

1- احلى حاجه فى السياره انك ماتحسش بوقت السفر خالص يعنى 4 ساعات ونصف عدوا هوا بدون ملل

2- الحمدلله اثناء فترة السفر رايح جى وخلال المده الى هناك لم يظهر اى عييوب فى السياره

3- مش عارف حاسس ان العفشه ناشفه شويه عن الفولكس الى كانت معانا ممكن ماحدش يحس بيها بس انا بقرنها بالفولكس بس لو اخدت المطب او الحفره على الهادى خالص ماتحسش بيه نهائى عكس الفولكس هتحس انك على حفره او مطب بس لو على سرعه لو اخدت اى حفره خفيفه تحس بيها مش عارف هل ده من الجنط ال17 ولا من ان الفشه سكودا ومعروف ان عفشة الاسكودا نشفه!!
هى عفشتها غريبه يعنى مش هقدر اقيمها اوى دلوقتى بس مبدئيا جيده جدا

4- الموتور ما شاء الله ممتاز بس صوته عالى سنه صغيره بس صوته حلو وقوى ولو قفلت الزجاج مش هتسمعه ومهندس الصيانه بتاع الالفين ولسه هكتب موضوع الصيانه ده النهارده ان شاء الله قال لنا من غير ما نسأله ان صوت الموتور ممكن تلاقيه عالى شويه لان موتور الميتشوبيشى MIVEC فعلا كده فا هو شم عيب من السياره


5-سحب السياره ودى مهمه لبعض الناس احب اقولهم السياره دى مش بتاعة انك تجيب من 0 الى 100 فى ثانيه مع ان فيها زر ASR لو عايز تشغله عشان تعمل الخمسات والحجات دى بس برضه بلاش السياره دى للسواق الى بيعمل D وهيزود بنزين سنه بسنه كأى سياره بس هتقرص على االاكسرتير جامد مش هتسحب معاك السحب الى فى مخيلتك يا أخى الشاب


6- نأتى للاستهلاك البنزين واحب اقول فيه ما شاء الله لا قوة الا بالله ومع التكيف لا حول ولا قوة الا باالله يعنى السياره تم تموينها من توتال فى نزلة اسكندريه واعدت يومين وبعد كده سفرنا ومنزلش السفر ده كله غير حوالى 3 شرط بس واعدنا حوالى اسبوع كل يوم بننزل بيها مشاوير واحنا رجعين كان فيها لسه حوالى ربع التنك يعنى ما شاء الله بس للضمان اكثر حطينا بنزين برضه واحنا رجعين بس احب احظر لو عايز تفتح التكيف لو فتحته وانت واقف بالسياره 5 دقائق كأنك مشيت حوالى 25 كيلو ولو انت ماشى بالسياره هتحس ان استهلاك البنزين اصبح الضعف على طول مع ان تكيفها قوى ما شاء الله بس مش عارف ليه


يا ريت اكون افدتكم ولو فيه حاجه نسيتها يا ريت حد يقولى ودى شويه صور للسياره اثناء فترة السفر

اولا اثناء الرست فى الذهاب الى مرسى مطروح وكان قبلها ب10 كيلو تقريبا وماكناش هنعمله تقريبا بس عملناه عشان العربيه الى تستريح مش احنا لانها لسه فى فترة التليين واحنا رايحين المسافه دى كلها ورجعين ولا نتجاوز سرعة ال80













وهى ركنه فى الشارع قبل ماننزل نغطيها





واخيرا اثناء العوده وكانت عايزه تتغسل غسله محترمه من الخارج والداخل بس مش ظاهر فى الصور

















اسف لانى مقلل جودة الصور عشان كل صوره كانت من 4 ميجا ال6 ميجا واطريت اقلل الجوده عشان رفع الصور لا يسمح فوق ال2 ميجا


اتمنى ان ينال التقرير اعجابكم

تحياتى

[نبيل عبدالرحمن]

أخيراً التقرير المنتظر شكراً لك يا محمد ، وفعلاً زى ما ناس كتيرة قالت إن إستهلاك العربية فى البنزين بيعلى قوى لو شغلت التكييف ، ودى مشكلة فى جو بلدنا الحار ، وعموماً العربيه كده كويسه ربنا يبارك لكم فيها ويكفيكم شر الطريق ، وعلى فكرة أنا من حوالى سنه كنت هاشتريها وإتفرجت عليها عند رمسيس فى الإبراهيمية لكنى فى آخر لحظة فضلت عليها الدايهاتسو تيريوس

[nktis]

ربنا يبارك لكم فيها ويعطيكم خيرها و يكفيكم شرها
التقرير ممتاز و حمد الله علي السلامه ...
من اكتر العربيات الصيني اللي احترمتها و اللي خلتي اغير رايي في العربيات الصيني .

[AbOnOrA]

تقرير مش حلو خالص بصراحة

.
.
.
.
.


حلو ديه قليلة علية ده يتقال عليه تقرير رائع تقرير مبدع تقرير خيالى .. يعنى الحاجات ديه مبتتطلعش غير من واحد عاجباه العربية ومبسوط بيها اوى - ربنا يسعد ويراضى جميع خلقة يارب - فواضح ان محمد متاثر بالعربية وحاببها بجد علشان كدة قال فيها الاشعار ديه كلها

بس لسه منتظر تقرير اكثر موضوعية وجرئة وحيادية عن العربية ديه ومنتظرة منك يا محمد برضو مش من حد تانى

[amr elsisi 1]

مازال البحث مستمر يا محمد
ان فتيس العربية v5
مابيسقطش نقلات
واوحش حاجة فيها شبكات التهوية واسعة جدااا
ممكن تلائي عصفورة لازقة علي الموتور